بقلم ايمان حجازي

هتسيبني لمين من بعدك أنا مليش حد ومش عايزه حد غيرك يا عمار بالله أوعي تسيبني مش هقدر أعيش من غيرك أنت النفس اللي بتنفسه يا عمار أنت حياتي وعمري كله لو رحت مني هاجي وراك مليش عيش بعدك يا عمار خليك معايا عشان خاطري
ياااه بتحبيني أوي كده !
أكتر من كده يا عمار من وانا عندي اتناشر وانا عايشه علي حبك وكنت بفضل أستناك أيام وسنين عشان بس ألمحك وانت ماشي من قدامي فاكر لما سألتني وقولتلي تعرفيني من أمته ! وقتها أنا كنت بكدب عليك لكن دلوقت بقولك الحقيقه أنت حب طفولتي وحب حياتي كلها وكنت بتمني اللحظه اللي أبقي معاك فيها وانا مفكره أن انت بالنسبه لي حلم مستحيل
ضحت عمار بضعف شديد وحرك يديه ليضمها إليه هامسا
وأنا مش عايز من الدنيا غير حبك يا زينه فضلت كتير أقاومك لكن مقدرتش فضلت أعاملك وحش كتير عشان مكنتش عايز أضعف وأحبك لكن مقدرتش سامحيني يا زينه إنتي أجمل بنت شافتها عنيا وحس بيها قلبي ..
لااااا بالله عليك ما تقول كده أبوس إيدك انا أصلا مش زعلانه منك ولو هتعمل فيا أكتر من كده برضه مش هزعل منك عشان خاطري أوعي تسيبني ..

أنتي أول بنت تخطفني وأقرب منها أول بنت أتمنيت أن يبقي بيني وبينها بيت وحياه جميله وبرضه أنتي الوحيده اللي أتمنيت أني أموت فيها
احتوته زينه پخوف شديد علي فقدانه ولم تتوقف دموعها عن البكاء وهي غير مصدقه علي الأطلاق أنها تفقده بالفعل وأن اخر لحظاته كانت بين يديها .
لااااااااااا مش هتموووووت مش هتموووووووت مش هسمحلك تموووت بين أيديا ..
أرخي يديه وأغمض عينيه وترك جسده يرتاح بعد معاناه وصراع كبير وكذلك أطلق لروحه العنان لتذهب بعيدا عنه بعدما شعر براحه كبيره وأنه أدي مهمته ونجح بها وانقذ جميع من معه ..