بقلم ايمان حجازي

من كده .. يلا بينا الوقت بيجري ..
مضوا سويا إلي طريقهم وكل منهم يفكر بأتجاه هو لا يفكر الا بأن ينتصر عليهم ويمنع تلك الصاعقه من الحدوث وهي تفكر به فقط وأخذت تدعو بقلبها بأن يحفظه له وأن لا يصبه مكروه ...
وعلي أرض رمليه في الظلام الدامس تجمع كل من عمار وزينه اللواء نزيه معتز أدم حمدي وسيف .. شرع عمار بالحديث 
حمدي وسيف ! جيتوا ليه انا كنت محتاج واحد بس ! انا كنت أقدر أسوق الطياره لكن أنا محتاج حد تاني عشان أفضل معاكم أشرحلكم طبيعه المهمه
نطق حمدي بجديه 
طالما محتاج واحد يبقي مفيش مانع تاخد أكتر لكن مينفعش تاخد أقل وبعدين انت شكلك تعبان
هز عمار رأسه بنفي 
لا مش تعبان وعشان منضيعش وقت كله يربط حزام المظلات بتاعه بسرعه عشان هننزل قبل الهدف بكيلو حمدي يلا علي الطياره واللاسلكي معاك ..
أومأ له حمدي وأسرع يركب لقياده الطائره في حين شرع كل منهم يربط حزامه بمهاره نظر عمار إلي زينه فوجدها مرتبكه ولا تستطيع ربط حزامها جذبها إليه وأمسك من حزامها وربطه جيدا 
زينه أنا قلت مش عايز خوف انتي دورك أهم واحده فينا كلنا لو أتوترتي أو مركزتيش ممكن نضيع
هزت له رأسها ونظرت لعينيه 
متقلقش خليك واثق فيا
أنا واثق فيكي لدرجه إني حاطط حياتي بين إيديكي ..
أبتعد عنها ناظرا للواء نزيه الذي ردد 
متخافش مفيش أي حد هيعرف وكل حاجه تمت بشكل سري يلا يا وحش روح وأرجعلي تاني وانت حارقهم في ڼار جهنم زي كل مره
قدم له عمار التحيه العسكريه ونظر إلي الفريق معه 
يلا يا رجاااله توكلنا علي الله
صعد جميعهم للطائره وانطلق بهم حمدي أخذ عمار يشرح لهم كيفيه الدخول لتلك المنطقه وعددهم جميعا وعدد القناصين وأماكن أرتكازهم وكذلك موضع الاسلحه والمتفجرات ...
اللي أنا خاېف منه أوي هو الألغام ولاد الكلب محاوطينها بطريقه صعبه مفيش حد يقدر يعديها إلا اللي حافظ المنطقه كويس وشافها أكتر من مره ياريت نخلي بالنا كويس ونفتكر دايما انها علي بعد كل تلاته متر بشكل دائري ..
نطق معتز 
متقلقش يا قائد أن شاء الله ربنا هينجينا وحتي لو متنا هو في حد يطول أنه ېموت شهيد وهو بيدافع عن أرضه
عمار بجديه 
انتو كلكوا مسؤلين مني ومحدش فيكم ھيموت مفهوم !
ثم نظر لزينه مرددا 
زينه ! أنتي دورك أنك هتقطعي كل شبكات الاتصال أو تعملي عليها شفره تلغيها نهائي لو حسوا بأي حاجه خلال ربع ساعه الدعم هيكون عندهم ويقضو علينا قبل ما أحنا نوصلهم ده غير أن عددهم اكبر بعشرات المرات مننا تقدري تعملي كده !
زينه بإبماء وثقه 
طبعا أقدر دي حاجه سهله أطمن ..
أخبرهم حمدي أنهم بالمكان الذي تم تحديده للتوقف والهبوط بالمظلات فتوقف بالطائره في السماء وقف عمار وبجواره الجميع وبدأو بالنزول واحدا يلو الأخر حتي بقي هو وزينه فقط وما أن رأتهم زينه يقفزون من علي ذلك البعد حتي صړخت 
لا ده أنا أموت مش هقدر.. عمار مش هقدر انط والله العظيم ممكن أموت فيها أرجوك مش هقدر وحتي لو نطيت مش هقدر أفتح البارشوت وھموت منكم ..
أمسك عمار بوجهها مرددا 
زينه اهدي الموضوع مش صعب جمدي قلبك ..
بكت زينه بصړاخ 
لااااااا متقوليش جمدي قلبك المره دي مش هعرف خالص مش