رواية هتجنيني بقلم ايمي عبده ج١

للطفلين وكلما ڠضبت وهجرته يطلب من السماح حتى لو كانت مخطئه لكن هذه المره لم تأخذ معها الطفلين لتضيق عليه الخناق فإذا حاول لقاء إحداهن لن يستطيع بسبب الطفلين وقد صرفت الخادمه قبل أن تغادر لتضغط عليه أكثر فعاندها هذه المره وأصر ان يلقنها درسا ولم يسأل عنها ولو عن طريق الهاتف مما أشعل غيظها وقد إزداد إصراره بتأييد كل العائله له وتشجيعهم له وأخويها يشحنا قلبه تجاهها 
ولا يعلم أن الأمل إنتحر بسببها
فى يوم مشمس جلس عز مع فؤاد صديق العمر وابن إبن العم لا تتعجبوا فأباؤهما كانو أبناء عم لكن مقربين كالأخوه ومن بعدهم عز وفؤاد حتى زوجاتهما كانتا صديقتين مقربتين لكن بعد ۏفاة زوجه فؤاد لم يحتمل أن يحيا بنفس المنزل وانتقل بعيد عنهم وبالتالى الزيارات قلت ومع مرور الوقت الجيل الجديد لا يعرفون بعض
تنهد عز لا دا انت مش هنا خالص
أجابه فؤاد بشرود هه بتقول حاجه
بغنى ظلموه إيه دا كله دا انت سافرت وإنت قاعد كل دا سرحان
موضوع يارا دا شاغلنى أوى
يارا السلحدار ٢١سنه حفيده فؤاد ووحيده والدها ويتيمه الأم عاشت معظم حياتها فى انجلترا شخصيتها عنيده لأبعد حد مع أنها طيبه جدا لكن دوما ما تحاول بأن تظهر بمظهر القويه بالرغم من أنها جبانه جدا
مالها يارا مش اتخطبت وربنا هداها
وهيا دى بتتهدى فركشتها 
تانى
قصدك تالت أنا خلاص زهقت وأبوها جاب آخره عود قالى هجوزها بالعافيه 
ودا كلام برضو وإنت قلتله إيه 
اتخانقنا سوا هو اللى غلطان دلعها لما عيارها فلت
ماهو معزور برضو البنت اتربت يتيمه كان بيحاول يعوضها غياب أمها بدلعه الزايد لها 
دا عذر أقبح من ذنب مانا ربيت حنين لوحدى معملتش زيه ليه
حنين ٢٣سنه بنت فؤاد وخاله يارا راقصه باليه اعتزلت الباليه نتيجه حاډثه فقررت تفتح مدرسه باليه للاطفال بمساعده بعض من أساتذتها رغم انها صغيره فى السن لكنها هادئه وعاقله ومطيعه
متنساش إنهم فى بلد غريبه وعادتها وتقاليدها مختلفه عنا وأكيد دا له تاثيره عليها
مش للدرجه دى برضو
ياااه للدرجه دى أخلاقها صعب
بالعكس أخلاقها ممتازه وست بيت درجه أولى وكفأ فى شغلها 
لا إله إلا الله لما هيا كده اومال العرسان بتطفش ليه وإنت اتخانقت مع أبوها ليه
عشان عنيده
نعم
عنيده بغباء لدرجه إنها ممكن تضر نفسها المهم تمشى اللى فى دماغها وطبعا الشبان بتطفش لأنها بتقف قصادهم الند بالند ولو حد اعترض بتستغل إنها بنت واستلم بقى الموشح بتاع حقوق المرأه 
وإيه علاقه ده بده
قولى إنت واحده بتوافق على عريسها بنفسها وعايشه حياتها بناءا على شروطها الخاصه وبتشتغل حقوق إيه اللى نقصاها دى كلها تلاكيك عشان تدارى على عندها اللى مجننا
نظر له بجانب عينيه وياترى جابته منين 
فإعترض بضيق قصدك إيه 
ولا حاجه بس ذنب ناس بيخلصه ناس
دخلت فاطمه تحمل العصير فى إيه بتتنأرو ليه
فأجابها فؤاد جوزك ياستى فرحان فيه
البيه زعلان من حفيدته عشان عنديه على اساس إنه مش أعند واحد فى الدنيا ومفيش أيبس من راسه
لأ فيه
مين
إنت 
هههههههه شكلك بقى وحش أوى 
جرى إيه إنت ما صدأت وانتى مش جبتى العصير روحى شوفى اللى وراكى
طيب ماهى كلمه الحق بتزعل
أتت شهد سلمت على فؤاد وجلست معهما وبعد قليل أتت فاطمه ووجلست فتنهد عز بضيق 
تصدق أنا كمان پعانى من عند زين لا عايز يتجوز ولا يستقر مهتم بشغله وعمره بيجرى ومش عايز يسمع لحد
العيال دى ناويه تجننا معاها محدش عاوز يفرحنا
عقبت شهد بدون تفكير طب ما تدبسوهم فى بعض وتخلصونا
قضب فؤاد جبينه قصدك إيه 
حضرتك عاوز تجوز حفيدتك وبابا عايز يجوز زين جوزوهم لبعض واخلصوا
تدخل عز بهدوء قومى يافاطمه خدى شهد واعملولنا شاى 
هنروح إحنا الاتنين
آه احتمال
تكونى نسيتى المطبخ فين يلا يا فاطمه وريهولها
حاضر يلا يا شهد
خرجتا لكنهما لم تذهبا إلى المطبخ بل إختبئتا لتتنصتا على حديثهما حيث قال عز بتفكير والله فكره ليه لأ وأنا مش هلاقى أنسب ولا أحسن منك
وأنا يشرفنى بس يارا عنيده ومش هتوافق
زور جانب فمه بضيق و زين أعند منها وهيرفض
طب وبعدين 
جتلى فكره
قول
أهم حاجه عنده شغله ومديره صاحبك ويتمنى يخدمك إحنا نقوله وهو يكلفه بمهمه حمايتها وإنت عليك بقى تفننلها حجه مقنعه تخليها توافق 
من غير ما أفنن هيا الإسبوع اللى فات عملت حاډثه والشباب اللى خبطوها بعربيتهم كانو هيعتدوا عليها لولا ستر ربنا وكانت عربيه البوليس معديه وهيا استخبت فى العربيه وأول ما الشباب شافوا البوليس هربوا
تمام كده ووجودهم سوا هيخليهم يقربوا من بعض
ياريت بس لو عرفوا هتبقى مشكله
ولا يهمك مش هيقدروا يعملوا حاجه واحتمال يكونو حبوا بعض وساعتها هيشكرونا بس دا بعد الشاى ما يخلص ولا إيه
رفع صوته بجملته الأخيره فركضت فاطمه وشهد إلى المطبخ فإبتسم فؤاد 
يقال إن شبيه الشىء منجذب إليه وهما الإتنين شبه بعض
عندك حق بينطحو ذى بعض 
عاد فارس من عمله ودخل إليهما دون أن ينتبه له أحد إيه دا انتو هتشتروا جديان 
فأجفل عز اااه إيه دا يابنى مش تكح 
مالكم اټفزعتو كده ليه 
مفيش إنت خلصت شغلك ولا نازل تانى
الله أعلم بس برضو مقلتليش مين هيشترى جديان وليه لسه بدرى أوى على العيد الكبير
تدخل زين الذى ظهر فجأه بطل جو المباحث دا مش هيبقى فى الشغل والبيت 
فسأله فارس إيه دا انت جيت إمتى 
لسه حالا 
أومأ فارس وأعاد سؤاله ها مين عايز جديان
رفع زين حاجبيه بدهشه إنت اشتغلت جزار إمتى 
فعقب عز بسخريه قصدك راعى غنم من ساعه ما جه وهو معلق عالجديان
اعملهم ايه بسألهم مبيردوش
مش هتخلص من الخصله دى بقى
تدخل فؤاد يطلب تفسير خصله ايه 
فأجابه زين لما يسأل سؤال ميهداش إلا لو عرف الإجابة مهما كان السؤال هايف 
وافرض ملقتش رد
يبقى اللى اتسأل نهاره اسود دا لو فضل عايش مهو عشان كده عامل ړعب للطلبه العيال بيحفظو الماده
لا دا إحنا نجاوب أحسن لنا
يكون أحسن 
فارس عيب دا ضيفنا برضو
ماتجوبوه يا جماعه بدل ما يكسر البيت على دماغنا
لا وعلى ايه دا عمك فؤاد كان بيتكلم عن اضحيه العيد اللى فات كان دابح عجل وبيقول هيغير الدور الجاى ويجيب جديان والحكايه مش هتفرق كتير قولتلو عندك حق بينطحو ذى بعض 
لم يبالى زين وسأل عن المهم طيب هنتغدى إيه 
أجابه عز بسخريه روح أسأل أمك وأبقى طمنى أصلى بعتها من نص ساعه هيا وأختك يعملو شاى ومن ساعتها لا حس ولا خبر 
طبعا مش بعتهم سوا أكيد بينمو أنا رايح اطمن على بطنى يا ماما 
بينما إستأذن فارس عن اذنكم أنا مجهد شويه وهدخل ارتاح
ماشى يا ابنى
عقب فؤاد لا ابنك دا طبعه صعب أوى دا إسمه جنان رسمى يعنى إيه لو معرفش الإجابة هيكسر الدنيا افرض سأل سؤال لواحد وماټ قبل ما يجاوبه هيعمل إيه ساعتها 
ماكنش كده ابدا كان حنين وجدع من يوم الحاډثه وهو كده حتى أصحابه بعدهم عنه دا حتى كان عايز يسيبنا إحنا كمان بالعافيه لما اقنعناه يقعد معانا 
لاحول ولا قوه إلا بالله مودتوش لدكتور نفسى يشوفه
رافض تماما
بصباح اليوم التالى توجه فارس إلى جامعته بسيارته لكن بعد وقت قليل توقفت السياره فقد نفذ وقودها ولم يجد بديل او حتى محطة بنزين قريبه وقد إقترب موعد محاضرته فلم يجد سوى اتوبيس يمر بالقرب منه فأغلق سيارته وصعد الأتوبيس ونسى حافظته فى السياره
نازل فين يا أستاذ 
آه نازل آخر الخط
اتفضل التذكره
بجث فارس بجيوبه أيوه لحظه إيه دا 
فى حاجه يا أستاذ 
هه لا أصل
كان هناك فتاه تجلس بجواره ولاحظت الأمر وفطنت أنه من المؤكد نسى حافظته فهو يبدو ثرى وليس معتاد على المواصلات العامه
أعطت حامل التذاكر ثمن التذكره اتفضل 
إنتى مش معاكى تذكره 
أيوه دا تمن تذكره الأستاذ
بعد أن غادر حامل التذاكر نظر فارس إليها بحرج
متشكر جدا أنا مش عارف أقول إيه دى أول مره تحصل معايا
مفيش مشكله شكلك مركبتش أتوبيس قبل كده
الصراحه لأ 
وااو لازم غنى بقى
يعنى هو والدى اللى غنى
ربنا يخليهولك إيه دا دى محطتى عن إذنك 
اتفضلى ومتشكر مره تانيه
العفو سلام
سلام
آخر اليوم أوصله زميل له إلى المنزل وحين دخل صړخ مناديا زين
فعنفته شهد بضيق فى إيه داخل بزعابيبك ليه
البيه خد العربيه إمبارح ورجعها من غير بنزين
وجرى إيه يعنى 
جرى إنها وقفت منى فى نص السكه الصبح ونسيت محفظتى فيها ولولا ستر ربنا كنت اتهزقت من الكمسرى
بسيطه 
غورى من قدامى أنا عارف لسه قاعده هنا ليه
بيتى وأقعد براحتى
لا بيتك هناك عند إيهاب 
والله أنا حره
بطلى دلع فارغ 
يا سلام واشمعنى ست رشا بتاعتك كنت بتدلعها ولا هو حلال لها وحرام عليا
أمها خرجت على صوتهم واټصدمت بكلام بنتها
صړخت فاطمه پغضب شهد
انتبهت لما قالته لكن بعد أن جرحته لكنه لم يعقب وتركهما ودخل غرفته وأغلقها عليه
عاد زين فلاحظ الوجوم على وجهى والدته وأخته فى إيه مالكم
فأجابته والدته بضيق اسأل أختك 
أختى! نيلتى إيه يا مصېبه
ماكنش أصدى 
إنتى مبتأصديش حاجه أبدا هببتى إيه
فارس كان متعصب منك 
منى أنا! ليه
خدت العربيه إمبارح وسيبتها من غير بنزين ووقفت منه فى السكه واتبهدل
آه صحيح دا أنا نسيت أقوله 
زهق عليا فڠصب عنى اتنرفزت عليه وزعل
زعل لا يبقى أكيد عكيتى أوى 
الهانم بتعايره بالمرحومه قال كان بيدلعها متتقصعش هيا ليه
ياليلتك المهببه إنتى لسانك دا إيه وبعدين دلع إيه اللى دلعهولها دى الله يرحمها ملحقتش 
روح يا ابنى راضيه
مقدرش إنتى عارفه ابنك فى الحالات دى بيحب يبقى لوحده
باليوم التالى ذهذ فراد للقاء مدير زين وقص له كل شئ فعاتبه بمزاح
ههههه بقى يا راجل عايز تجوز الصغيره قبل الكبيره
آه عشان الكبيره عاقله وألف مين يتمناها والصغيره كل اللى بيتمنوها بطفشهم
بس دى لسه صغيره مستعجل ليه
عشان لو فضلت كده مش هنقدر عليها وھموت وأنا شايل همها
بعد الشړ عنك بس أنا ماكنتش أعرف إنك كاره عز لدرجه دى
إيه الكلام ده عز دا أكتر من أخ 
اومال عايز تخسره ليه
مين قال كده
مهو إنت بالنسب ده هتخسره انت بتقول إنها بتطفش العرسان 
أيوه بس دا لأنهم بيهودوها لكن زين مختلف عز بيقولى إن شخصيته قويه وهيقدر عليها يارا محتاجه اللى
يشكمها
إن كان كده تبقى عرفت تختار زين مبيتفاهمش
ههههه هايل خليه يربيها بس دا معناه إنك وافقت
إنت قدها
بمجرد ما أن غادر فؤاد أرسل المدير لطلب زين يبلغه بمهمته الجديده
نعم حضرتك بتقول إيه عايزنى أشتغل بادى جارد لعيله
أيوه 
لا دا أنا أستقيل أحسن 
إهدى بس وأقعد أفهمك
حاضر 
قضيه الجماعه الارهابيه الدوليه اللى إنت