رواية هتجنيني بقلم ايمي عبده ج٣

ايديها على بقها وسكتت
فارس ياجماعه إحنا مش حابين نسافر دا غير إنكم لازم ترجعو الييت مفيش داعى للشحطته
إيهاب لأ عندك أنا ابنهم زيك ووجودهم عندى مش شحطته دا حقهم وأنا مبسوط على الأقل شهد تلاقى اللى تتشغل فيه وتعتقنى
شهد كده طب ماشى
فارس ياعم أنا محتاجهم حنين متعرفش حاجه هنا وعايزه اللى يعرفها وأنا وهيا هنقعد طول الوقت فاضيين نعمل إيه مادمنا مش هنسافر
إيهاب دا كلام ده ساعتها هتلاقوا ألف حاجه تعملوها سوا 
زين خلاص يا جماعه بطلو إحنا هنرجع البيت بعد تلات أيام ونشوف رأيهم عاوزين يسافروا ولا لأ و هنعمل الخطوبه الإسبوع الجاى إيه رأيك يا يارا 
يارا بكسوف وهيا باصه فى الأرض اللى تشوفه
زين بت إنتى متشكيكنيش فيكى جو الرقه ده مينفعنيش
يارا الله كده طب مفيش خطوبه
زين هايل اتفقنا الخطوبه الإسبوع الجاى
الكل ههههههه
زين عمل تحرياته وعرف إن البنت اللى كانت فى أوضه فارس رقاصه وطبعا هو عرف مين اللى أجرتها 
أما دودى أبوه طفش من أمه الاستغلاليه واتجوز واحده تانيه وهو وأمه عندهم ديون كتير للناس ويارا كانت صيده حلوه يكسبو من وراها وفشلو بس مقدرش يعرف ليه قالو كده على حنين اصطاد دودى لوحده ومن أول كف اعترف بكل شىء 
زين راح لفارس وحنين وحكالهم على كل شىء بس الغلطه اللى عملها إنه حكى لكل واحد لوحده 
حكى لفارس سبب كلام دودى وأمه وخطتهم
حكى لحنين مين البنت اللى شافتها فى سرير فارس وسبب وجودها
بس للأسف الإتنين افتكرو إنه بيكدب عشان يصلحهم وفضلو شايلين من بعض
العيله رجعت الفيلا مقدرش فارس ينام فى أوضه زين لإن أمه لو عرفت هتزعل أوى وممكن تتعب
حنين وافقت بس عشان خاطر فاطمه
بقت تنام فى السرير وهو ينام على الكنبه
الكل انشغل فى الخطوبه وتجهيزتها بس اكتشفو إن إسبوع قليل لا هيلحقو يجهزوا ولا يعزموا فخلوها بعد شهر على الأقل محدش يلومهم لإن فارس وحنين لسه عرسان ولما الناس تلاقيهم متصربعين هيتكلمو خصوصا إن زين فلاتى وقعد فى بيت فؤاد فتره
فات تلات اسابيع على جواز فارس وحنين ومفيش جديد بينهم
فارس ډافن نفسه فى الشغل والجامعه
حنين فكرت تفتح مدرسه الباليه بس غيرت رأيها لإن حالتها النفسيه سيئه وممكن تأثر بالسلب على البنات اللى هتعلمهم ففضلت تلهى نفسها فى المطبخ
الكل واخد باله إن فى حاجه غلط بينهم بس محدش قادر يتكلم لإن فارس وحنين ساكتين ومبيدوش فرصه لحد يتدخل
لكن عز قرر يتصرف ونادى على زين
عز ممكن أفهم إنت وأخوك مخبيين علينا إيه بالظبط
زين وهنخبى إيه بس يابابا
عز أنا مبحبش اتدخل فى أمور شخصيه بس فارس ابنى وحنين أمانه عندنا وكلنا شايفين إن علاقتهم ببعض غريبه بس محدش قادر يتكلم فارس مبيقبلش الكلام دا حتى إيهاب حاول يتكلم معاه أكتر من مره وفشل وحنين أمك محرجه تكلمها 
زين طيب وأنا المطلوب منى إيه 
عز تفهمنى اللى بيحصل إنت وفارس سركم سوا 
زين بدا يتلخبط فى الكلام يا بابا والله أصل يعنى
عز بحزم زين
زين أوووف أنا مليش دعوه هو يقولك أنا عملت اللى عليا ومفيش فايده
عز يعنى إيه مش هتحاول تانى
زين أحاول إيه 
عز تحلها
زين يعنى حضرتك مش عايز تعرف المشكله إيه 
عز أنا اللى يهمنى إنها تتحل ومادام الموضوع سر بينكم أنا مش هضغط عليك تقولى دا السر أمانه يا ابنى
زين حاضر يابابا هكلمه 
زين إتصل بفارس ولقاه فى الطريق
زين خلاص بص أنا هلبس واستناك نخرج سوا ماشى
فارس ليه خير
زين عادى بقالنا كتير مخرجناش سوا
فارس مش مطمنلك بس ماشى
زين جهز وخرج قابله على الباب وركبو العربيه ومشيو راحو مطعم
زين مش هتطلبلى حاجه
فارس ليه
زين كرم يا أخى 
فارس بطلته وبعدين مش انت اللى عايز تخرج دا غير إنك الكبير ميصحش أطلب وأحاسب وإنت موجود
زين لأ دا أنا فريى خالص 
فارس وأنا دقه قديمه
زين يا باااى خلاص هتطلب إيه 
فارس اطلبلنا غدا
زين كمان
فارس آه وبسرعه عشان جعان
زين آه يا محفظتى يانا يا ابنى إحنا آخر الشهر
فارس جيب السبع ميخلاش
زين لأ ياخويا بقى يخلى يارا منفضانى كل يومين خروج وفسح ومصاريف 
فارس إيه دا أنتو لحقتو دا حتى الخطوبه لسه ماتمتش
زين البركه فى شهد قالتلها قصقصى ريشه عشان عينيه متزوغش ويارا بتنفذ الوصيه من غير مخ على أساس إنى لو عاوز اخونها هتفرق معايا الفلوس
فارس طب ما تفهمها إنها غلطانه
جه الجرسون وطلبو الأكل 
زين لو عملت كده هتتنيل أكتر وهتفتكر إنى خاېن فعلا وخاېف اتكشف
فارس إيه العبط ده
زين عندك حق أنا موعود بالعبط وإنت أولهم 
فارس نعم
زين آه داخلين على شهر ورغم اللى قولتهولك لسه مزعل حنين
فارس لو سمحت ماتجبش سيريتها
زين لأ بقى أنتو ناوييين تجننونى معاكم يا ابنى دا أنتو بتنامو فى اوضه واحده إيه محنتش خالص
فارس حنيت بدل المره
ألف بس كنت بفتكر سبب بعدى فأبعد أكتر أنا حاسس إن دا ذنب رشا اللى ماټت بسببى ونستها وروحت لغيرها
زين لا دا انت بتستهبل بقى إنت لسه بتفكر فى رشا طب وحنين
الأكل جه وكل واحد قدامه طبق شوربه وزين بيسمى وبيشرب
فارس حنين خلاص كده صفحتها اتقفلت
زين قصدك إيه
فارس هطلقها
الأكل جه وكل واحد قدامه طبق شوربه وزين بيسمى وبيشرب
فارس حنين خلاص كده صفحتها اتقفلت
زين قصدك إيه
فارس هطلقها
زين كان بيشرب فى الشوربه وهو بيكلمه أول ماسمع رده بخ اللى فى بقه كله فى وش فارس
زين إيه 
فارس انت متخلف حد يعمل كده ااااه
الشوربه كانت سخنه ولما بخه وقف فجاءه خبط طبق الشوربه اللى قدامه وقع على بطنه سلختها
جرى على الحمام يبرد جسمه وطبعا هدومه ڠرقت وبنطالونه بقى نيله وبعدها خدو العربيه وروحو البيت وأول مادخلو كان إيهاب وشهد موجودين هما وولادهم مالك و مىوالكل فضل يضحك على فارس
فارس إيه اللى بيضحك أوى كده
شهد انت عملتها على نفسك ولا إيه 
فارس اتلمى بدل ما اعلقك فى النجفه
شهد ياشيخ روح علق نفسك تنشف الأول 
فاطمه اخص عليك يا فارس بعد العمر دا كله تعمل كده خليت إيه لولاد أختك 
فارس حتى إنتى ياماما
مالك خالو كده غلط أبقى قول حمام
فارس لأ خفيف ودمك رزل زى أمك 
مى عيب يا مالك هو يمكن اتكسف يقول للمس
الكل بيضحك وحنين التعليقات خلتها مش قادره تبطل ضحك
فارس كان مخڼوق من كلامهم بس أول ما شاف ضحكه حنين سحرته مقدرش ينطق وقرب منها كأنه مسلوب الإرادة 
فارس وعيونه دايبه عشق ضحكتك حلوه أوى 
حنين انتبهت له اتكسفت وسكتت 
أول ما سكتت انتبه لنفسه واضايق وكشر وطلع اوضته بسرعه 
فارس مضايق وبيكلم نفسه انت غبى لسه بتحبها رغم اللى عملته وفيها إيه لما تضحك يعنى ما كلهم كانو بيضحكو
لأ بس ضحكتها حاجه تانى حلم تانى
فوق بقى بدل ما تبهدلك
فارس أيوه لازم افوق 
راح خد دش وغير هدومه
تحت
فاطمه روحى يا بنتى شوفى جوزك لو عايز حاجه 
حنين حاضر ياماما 
زين منوره ياشهد
شهد بنورك يا حبيبى 
وبصلها بغيظ وڠضب 
شهد باستغراب انت بتبصلى كده ليه
زين إنتى أدرى 
فاطمه جرى إيه يا ولاد
زين اسألى الهانم
فاطمه هبتتى إيه يا حزينه
شهد أنا معملتش حاجه
فاطمه عملت إيه ماتفهمونى
شهد وهكون عملتله إيه يعنى
إيهاب اسألى نفسك أنا معرفش بس هو مش هيزعل