رواية هتجنيني بقلم ايمي عبده ج٣

حنين افتح
زين بقلق حنين وقام فتح لها الباب بسرعه خير ضړبك تانى 
حنين لأ بس كده مش هينفع كده مش هعرف أربيه وهستسلم بسرعه أوى 
زين فهم قصدها و دخل الأوضه وهو مېت من الضحك
حنين اتغاظت منه ودخلت وراه
حنين انت بتضحك زى العبيط كده ليه
زين عبيط والله ما عبيط غيرك يعنى إنتى مصحيانى من احلاها نومه عشان تشكيلى قربه منك ههههههه 
حنين إيه اللى بيضحك مش فاهمه
زين أحسن روحى يا حنين لجوزك وسيبينى أنام هيا مش ناقصه عبط عالصبح
حنين كده وأنا بقول إنك أخويا وهتساعدنى
زين أساعدك فى إيه ياهبله الواد رجع راكع إنتى بقى خلى حبك فى قلبه يكبر لإن العڈاب بيقسى القلب متخليهوش يبعد زعلان بدل ما تخسريه وتندمى
حنين مش إنت قولتلى ألوعه شويه
زين كنت بهاودك عشان تهدى عماله تقوليلى هنتقم وهذله روحى نامى يا حنين أنا عندى مراره واحده
حنين وهيا مټعصبه وبتدبدب فى الأرض يووووه
خرجت من عنده وهو فضل يضحك 
رجعت اوضتها لقت فارس بيلبس وشاكله مضايق
فارس پغضب كنتى فين
حنين هه كنت عند زين
فارس ليه
حنين عادى كنت بسأله على حاجه
فارس حاجه إيه 
حنين جرى إيه يا فارس 
فارس جرى كتير لما تثقى فى أخويا مش فيا لما تسبينى وتروحى تسأليه عن احتياجاتك ومتسألنيش أنا لما هو اللى يقدر يرسم الفرحه على وشك وأنا لأ يبقى جرى كتير ياحنين
حنين انت اټجننت أصدك إيه 
فارس أصدى إن دا حقى فمتديهوش لغيرى
حنين نعم إنت بتلمح لإيه 
فارس ماتفهميش على مزاجك زين مش أخ وبس دا صاحبى وامانى ولو روحى طلبها متغلاش عليه واسلمه رقبتى وأنا مطمن وانتى رغم كل اللى حصل بينا بس متأكد من إنك أصيله ومتغلطيش وبعدين يا هبله دا اخوكى من قبل ما ارتبط بيكى وبعد ما ارتبطت بيكى بقى اخوكى رسمى بس أنا عاوزك واثقه فيا أنا ملجأك حضنى انا وبس مش أى حد ولا حتى ابوكى فهمتى
حنين فهمت بس فى أمور مينفعش أقولهالك
فارس زى إيه
حنين مثلا إنت حارقلى دمى 
فارس زعقيلى وفضفضى معايا على الأقل هعرف غلطت غى إيه ومش هعيد الغلط تانى وهقدر اصالحك وهشرحلك سبب افعالى
حنين طيب عاوزه حاجه ومحرجه منك
فارس نعم دا إنتى لو اتحرجتى من الدنيا أنا لأ لإن دا حقك حقك عليا تطلبى وأنا ألبى
حنين يعنى مكلمش حد ولو على سبيل التغيير
فارس إيه الكلام ده دول عيلتك أنا أقصدتش كده 
حنين اومال أصدت إيه 
فارس أصدت إنى أبقى نمره واحد فى حياتك مش مهم مين الباقيين مش أبقى أنا نمره اتنين ولا تلاته ولا فى آخر الصف
حنين صف صف إيه 
فارس صف الغلاوه باباكى غالى عليكى ويارا وماما وبابا وزين وشهد وولادها وجوزها والدنيا بحالها بس أنا فين نمره كام فى قلبك
حنين انت أخدت قلبى كله وكسرته حتى الغلاوه مبقتش موجوده
فارس طيب مانا جاى اداويه
حنين وهتقدر
فارس هحاول
حنين يعنى
فارس آه
حنين مبقتش قادره تتكلم لما شدها بشويش لحضنه و قرب منها ونفسه بقى على خدها والباب خبط
بعدت بسرعه وهيا مكسوفة أوى وبتحاول عينيها متجيش فى عينه
فارس راح فتح وهو متعصب
فاطمه صباح الخير يا حبيبى
فارس ماما
فاطمه خير مالك يا ابنى
فارس مفيش خير حضرتك كنتى عاوزه حاجه
فاطمه لأ يا ابنى دا أنا كنت جايه عشان اطمن على حنين إمبارح كانت تعبانه وهيا بتنزل بدرى كل يوم والنهادرده اتاخرت فى النزول قلت اطمن عليها
حنين كانت سرحانه وفلقانه من التغيير المفاجئ فى معامله فارس لها لحد مازين فهمها السبب وفاطمه فكرتها تعبانه
فارس لسه كان هيرد لقى حنين زقته ووقفت قدامه وهيا مبتسمه
حنين صباح الفل ياماما متحرمش يارب من سؤالك عليا
فاطمه ياحبيبتى إنتى كويسه
حنين بومب يلا ننزل وخدتها جرى على تحت وفاطمه مش فاهمه حاجه
فارس بيبص عليها وبيضحك لما فهم إنها مكسوفة وبتهرب منه
فارس هتروحى منى فين يا حنين وراكى وراكى
فارس نزل وفطر وطول الوقت عينه على حنين وهيا كل ما تبصله تتكسف وهو يبتسم ويغمزلها وزين شايفهم وبيدارى ضحكته 
فارس راح شغله وآخر اليوم راجع مشتاق كانت شهد وولادها موجودين لقى حنين بتجرى ورا مى ومالك وبتضحك وفرحانه أوى 
فارس دخل سلم على أمه وأخته ولسه هينادى على حنين
فاطمه فارس
فارس خير ياماما
فاطمه حنين مبسوطه أوى النهارده من يوم مادخلت البيت ده مشوفتهاش فرحانه كده
فارس بيبص على حنين وابتسم لإنه فهم سبب فرحتها لكن ابتسامته اختفت لما أمه كملت كلامها
فاطمه والنبى يا ابنى ما تنكد عليها سيبها مبسوطه
فارس انكد عليها
شهد آه حكم إنت مابترتحش وهيا فرحانه وكل ما تضحك وتلاقيك قدمها وشها بيقلب
فارس ليه هو أنا شيطان 
فاطمه لأ يا ابنى مش أصدها بس
فارس مبسش
وبعدين أنا ومراتى بنعرف نمشى أمورنا الدور والباقى على اللى ناويه تخلى جوزها يولع فى نفسه
شهد سامعه ياماما
فاطمه أنا قايمه القعده وسطكم ټحرق الډم 
فارس أنا طالع اوضتى
فاطمه مش هتتعشى 
فارس هطلع أغير هدومي وأنزل نتعشى كلنا سوا إيه دا اومال فين رجاله البيت
شهد بابا راح يزور حماك بقاله كتير ماشفهوش وزين وإيهاب زمانهم جايين
فارس جايين منين 
شهد راحو يتفقوا على القاعه ولا نسيت إن الخطوبه قربت ولأن مافيش وقت إيهاب راح معاه لواحد صاحبه عنده فندق عشان يتوصتله
فارس نعم 
شهد آه موسم والقاعات كلها محجوزه وأخوك جايلهم فى آخر لحظه
فارس وهو لازم قاعه ماكنا عملنا فى البيت وخلاص
شهد بيت مين ياحاج دول أصحاب أخوك كوم لوحدهم ولسه الأهل والعيله وأصحاب العروسه القاعه أحسن على الأقل محدش فينا يتمرمط فى عمايل أكل وترويق بعد الفرح
فارس طيب على البركه 
_____________
فى العربيه زين وإيهاب راجعين
إيهاب مبسوط ياعم ادينا حجزنا خلاص
زين متشكر أوى أنا مش عارف من غيرك كنت هتصرف ازاى
إيهاب بلاش افوره إنت ليك صيت فى كل حته يعنى بإشارة تقدر تحجز الفندق كله 
زين لأ ياعم إنت عارف أنا مابحبش استغل وظيفتى 
إيهاب طيب يا عم العاقل
زين إنت بقى مالك طول الوقت باين عليك الضيق
إيهاب فى صفقه جديده للشركه
زين وفيها إيه 
إيهاب قلقان الصفقة دى مهمه أوى يا رفعت الشركه لفوق يا جابتها الأرض 
زين سيبها على الله
إيهاب ونعم بالله 
زين إنت أدها وأدود
إيهاب أيوه بس الشركه دى أمانه أبوك مأمنى عليها عارف لو بتاعتى ماكنتش خفت
زين ليه دا كله
إيهاب عشان لو خسړت أبوك هيرفض ياخد عوض منى وهيتحمل الخساره هو 
زين ربنا ما يجيب خساره
إيهاب ياريته بس كان وافق
زين على إيه 
إيهاب احتجنا قرض قولتله أخده من معايا عشان أسدد براحتى ولو متسددش فى بيتها برضه رفض وصمم ناخده من البنك وفكره الدين للبنك دى مزهقانى ومقيدانى وأى خساره أبوك اللى هيتحملها وهيرفض إنى أتدخل من مالى الخاص
زين إنت عارف بابا دا طبعه إنت بس اتوكل على الله وأعمل اللى عليك وربنا هيكرمك 
إيهاب يارب بس أبقى خد بالك من شهد والولاد
زين ليه
إيهاب لازم أسافر اتمم الصفقه دى
زين ما تبعت أى حد
إيهاب لأ طبعا صفقه كبيره زى دى لازم اتابعها بنفسى وشهد عنيده ومش هتوافق تيجى تقعد معاكو وهتعمل كبيره ومسؤله وتقدر تشيل الدنيا لوحدها عشان كده بقولك تابعهم إنت 
زين متشيلش هم دول فى عنينا
إيهاب متشكر أوى يا زين 
زين متشكر على إيه