بقلم سلوى عليبة ذبذبات قلب

كويسه وهبقى أحسن لما تخلص وتنزل لأنك وحشتنى قوووووى 
تأكد هانى من وجود خطب ما ولكنه سينتظر مثلما قال والده وإن كان يريد إنهاء عمله بسرعه فالآن يود انهائه أسرع 
ذبذبات قلب الكاتبة سلوى عليبه الفصل الخامس
تمر بنا الأيام تهفو أرواحنا لمن كان عنا بعيدا وفى أوقات كثيره نشتاق لمن يلتفون حولنا ولكن نشتاق لحنانهم ورعايتهم وخوفهم واهتمامهم بنا 
كانت الأيام تمر على هانى وهو ېحترق من القلق ولكن ماذا يفعل فلابد له أن ينهى عمله حتى لايتأثر الجميع فهوليس المالك الوحيد لتلك الشركه رغم انه أصبح العمود الفقرى لها 
شهاب إيه ياعم مالك قلقان لسه ليه 
هانى حاسس إن فيه حاجه فى أختك ومش راضيه تقول صوتها فيه حاجه رغم انها بتبقى طبيعيه بس أنا حاسس بيها 
شهاب وهو يحاول أن يطمئنه متقلقش ان شاء الله خير يمكن بس تكون مضايقه علشان إنت مسافر وطولت المره دى 
هانى وهو يفكر يمكن على العموم احنا عايزين نخلص شغلنا بسرعه وننزل فى أقرب وقت 
كانت شمس تشعر بالڠضب رغم انها تدرك ان ما يحدث ماهو الا أكذوبه للتفريق بينها وبين زوجها ولكنها مازلت تشعر بالنيران بداخلها فلما كل هذا الحقد لما لايترك الناس بعضهم بعضا وهل إن نجحت تلك الإنجى فيما تفعل هل ستكون سعيده عندما تمتلك بلا قلب يا الله اخرج من قلوبنا الحقد والغل وأبعد عنا ما يؤذينا 
طرق على الباب هو ما أيقظ شمس من شرودها فيما يحدث ذهبت بإتجاه الباب وجدت والد زوجها المستشار أحمد ومعه لؤى زوج إبنته هنا 
وقفت شمس ترحب بهم إتفضلو خطوه عزيزه يابابا 
وهو يقول حبيبتى ربنا يباركلك أمال فين حبايب جدو 
ضحكت شمس وهى تقول جوه محب لسه يادوب نايم وجته بتتفرج على الكرتون اتفضل هنادى على جنه تسلم عليك دى هتفرح قوى 
دخل أحمد ومعه لؤى وجلسو فى الصالون ذهبت شمس لتحضر لهم عصير ونادت على ابنتها حتى تسلم على جدها ولم تلاحظ أن هانى يكلم إبته فيديو فهى إتصلت عليه دون أن تخبر والدتها 
جنه حبيبة مامى تعالى سلمى على جدو أحمد وعمو لؤى 
قفزت جنه بفرحه هييييييييييه جدو عندنا طب وعمو لؤى جاب أيساف معاه ولا لا 
لا يالمضه يلا ووطى صوتك علشان محب أخوكى نايم خرجت جنه ولم تنتبه لأن تغلق التابلت ومنه مكالمة هانى والذى كان يستشيط ڠضبا فمنذ متى ويأتى لؤى لزيارته دون أخته بل والأكثر أن والده معه إذا فإحساسه صائب ويوجد أمر جلل حاول ان يستمع لأى شئ ولكن لا يستطيع فإبنته تركت التابلت فى غرفتها وذهبت إذا ماذا يفعل ثرر مهاتفة شمس ليرى هل ستخبره أم لا وهذا ما حدث بالفعل 
رن هاتف شمس فوجدته هانى ارتبكت كثيرا وهى تقول بابا أحمد هانى بيتصل ومش عارفه أقوله إيه أخذ أحمد منها الهاتف وقال انا اللى هرد ومتقلقيش 
ألو
إندهش هانى عند سماع صوت والده ولكنه حاول أن
يكون طبيعيا فى الرد 
الو بابا ازاى حضرتك أمال شمس مبتردش على تليفونها ليه 
أبدا ياسيدى أنا طلبت من شمس قهوه وهى بتعملها ولما لقيت التليفون بيرن بإسمك رديت 
ااااه تمام أمال يعنى حضرتك عندنا فى البيت ولا إيه 
أيوه عندك مانع 
لا أبدا بس يعنى لوحدك تدارك هانى كلامه فقال أقصد يعنى ماما معاك 
لا معايا لؤى جوز أختك كنا عايزين شمس فى موضوع 
لان صوت هانى وقال لوالده باستعطاف بابا أرجوك طمنى شمس تعبانه فيها حاجه أرجوك انا مش مطمن ومش مستريح بالله عليك يابابا وغلاوتى عندك لتقول 
تنهد أحمد وقال كل اللى أقدر أقولهولك أنك تطمن على شمس وانها بمېت راجل وكل يوم بتثبتلى إن إختيارك ليها كان أكبر صح عملته فى حياتك 
بابا لو انت مفكر انك كده بتطمنى تبقى غلطان كده أنا اتأكدت ان فيه مشاكل حصلت لشمس وطبعا هى اتصرفت صح بس اللى مش مطمنى انها حزينه صوتها مش فرحان إيه اللى حصل بس 
إطمن ياهانى وخليك فى اللى انت فيه سامعنى ولما تيجى لينا كلام تانى يلا مع السلامه 
أغلق احمد المكالمه تحت نظرات شمس ولكنها لم تعترض فهى لن تقدر أن تكذب عليه وأيضا لن تقدر على الرد على أى سؤال منه 
أخبرها أحمد ولؤى عما فعلوه مع انجى وكيف أن أحمد ذهب بنفسه الى والد إنجى وهدده إلم يبعد إبنته عن شمس وهانى فلن يمر الأمر بسلام بل انه أخرج له الصور وقال له أن هانى رجل لن يعيبه شئ من وجهة نظر المجتمع فالخطأ دائما يقع على عاتق الأنثى رغم أن الخطأ يكون مشترك ورغم ذلك فهو وعده ألا يرى أحد هذه الصور حتى ولكن عن إبنه تماما وأيضا أنهى معه الشړاكه حتى لا يكون هناك أى روابط 
راحه شديده هى ماشعرت بها شمس لإنتهاء الموضوع دون المساس بسمغة هانى فهذا كان شاغلها الشاغل وليس شئ اخر 
توجهت بالكلام للؤى وقالت أسفه يالؤى إن اللى حصل خلاك تخسر شغلك مع والد إنجى 
إبتسم لؤى بهدوء وقال مفيش حاجه حصلت ياشمس وكمان احنا كلنا عيله ولازم نقف جمب بعض وإنجى انا عارفها كويس وللأسف عارف نوعها وانها ممكن تعمل المستحيل علشان تاخد اللى هى عايزاه والنوع ده انا عاشرته كتييييير وكان سبب فى حياتى البايظه والحمد لله بفضل صحبة هانى بقيت شخص تانى ودى حاجه بسيطه وطمان مفيش خساره ولا حاجه كده كده المشروع خلاص خلص بس مش هنعمل أى شغل تانى معاهم 
تبدلت شمس من المكتأبه لشمس المبهجه والتى يعرفها الجميع ولما لا
وهى قد انتهت من تلك المشكله ذهبت الى والدتها وتركت معها أولادها واخذت هبه زوجة أخيها وحنان زوجة مصطفى ورنا زوجة محمد لكى يذهبوا لشراء بعض الأشياء الخاصة بالشهر الفضيل فذهبت كل منهم لكى تشترى ما تريد من ياميش وتمور وتلك الأشياء وسط ضحكهم ومرحهم وفرحتهم لإستقبال شهر الرحمه 
ذهبت شمس لشراء مفارش خاصه بها رسومات لهذا الشهر ردت هبه وقالت انا اشتريت انتى اللى متأخره 
ضحكت شمس متأخره أحسن من إنى ما اشتريش خالص يلا بينا 
رجعو الى البيت بعد أن احضروا ما يريدون 
قال الجد ماهر هاه ياشمس هتقعدى معانا فى رمضان لغاية جوزك مايجى 
معلش ياجدو اعذرنى أول يوم هفطر عند بابا أحمد وهبقى أجى أفطر هنا تانى يوم تمام كده 
ردت رحمه خلاص تتسحرى معانا النهارده 
معلش ياماما مش عايزه أسيب بيتى كده من غير فرحة رمضان انا هروح واتسحر وهبقى اروح عند اهل هانى للفطار خلاص علشان خاطرى محدش يزعل وسيبونى على راحتى 
تركها الجميع لأنهم يعلمون أنهم لن يغيرو رأيها أبدااااا 
أما عند هانى فهو تقريبا لا ينام فهو يريد العوده بأسرع وقت حتى يعلم مابها