رواية رائعة للكاتبة آية الجزء الخامس

سمعك يا هنا   ووحشتنى انا كمان اووى
يحيى  هانت يا جماعه هى قالت شهر وهتيجى وكلها اسبوع وهتكون موجودة
هنا   يووووه لسه هستنى اسبوع كمان
يحيى  هيفوتوا هوا يا نونة
هنا   من اول ما سافرت وانتوا بتقولوا كده واهى الايام مش عايزة تخلص خالص اهه
يحيى  بس اول ما سافرت كانوا اربع اسابيع وشوفى مر 3 اسابيع بسرعه ازاى ومعتش الا واحد بس
هنا   امرى لله بقى استنى كمان الاسبوع ده
يحيى  وكمان مش انا وخالتو معاكى اهه عايزة ماما ليه بقى
هنا   عايزاها برضه 
اثير  طب ايه رأيك نكلمها دلوقتى
هنا   بجد
اثير  ايوة بجد
هنا   طب يلا بسرعه اتصلى
تناولت اثير  هاتفها وقامت بالاتصال بأختها
كانت قاعدة فى مكتبها فى المستشفى منهمكة فى بعض الاعمال سمعت رنة الموبايل امسكته وعندما نظرت فيه ووجدت انها اثير  فرحت كثير
اميرة  حبيبة قلبى وحشتينى اوووى
اثير  وانتى كمان وحشتينى اوووى
هنا  وهى بتهز فى كتف اثير  اعطهالى بقى يا خالتو اعطهالى اعطهالى
اثير  حاضر حاضر خودى يا ستى كلمى هنا   
اميرة  هاتيها بسرعه
هنا   ايوة يا ماما
اميرة  حبيبة قلب ونور عيون ماما وحشتينى اووى يا نونة
هنا   وانتى وحشتينى اووى مش هتيجى بقى
اميرة  هاجى يا قلبى بس لسه شوية صغنتتين خالص وهاجى
هنا   طب متتأخريش وتعالى بقى اصلك وحشتينى اووى
اميرة  حاضر يا حبيبتى
هنا   واوعى تنسى تجيبى الحاجات الى قولتلك تجيبها
اميرة  مش هنسى يا عمرى اعطينى بقى عمو اكلمه
هنا   حاضر وهى بتناول الموبايل ليحيى  عمو امسك ماما عايزة تكلمك
ايوة اثير  اضيقت وبالذات ان اميرة  هى الى طلبت تكلم يحيى  اصل المايك كان مفتوح وسمعت اميرة  وهى بتقول لهنا   اعطينى يحيى  اكلمه يحيى  بص لاثير  علشان يشوف التعبيرات الى على وشها فعرف انها مضيقة فتظاهرت انها بتشيل الاكل وقامت 
يحيى  الحمد لله كويس انتى عاملة ايه
اميرة  الحمد لله انتوا الى اخباركوا ايه
يحيى  كلنا تمام والله ناقصنا وجودك بس
اميرة  هانت كلها اسبوع وهاجى
يحيى  تيجى بالسلامة ان شاء الله
اميرة  يحيى  الله يخليك تخلى بالك من هنا   واثير 
يحيى  متقلقيش عليهم والله انا مخلى بالى منهم كويس اووى 
اميرة  هى اثير  فين مكملتش كلام معاها
يحيى  دى قامت دخلت المطبخ اصل واحنا بنكلمك كنا بنتغدى وهى قامت تدخل الاكل
اميرة  طب خلاص ماشى سلملى عليها بقى وخلاص
يحيى  ماشى
وضع يحيى  الهاتف واخذ احدى الصحون التى بها الاكل وقام ليدخلها للمطبخ لكى يرى اثير  
قابل اثير  امام المطبخ ووقف امامها همت لتذهب من ناحية اخرى فذهب هو من نفس الناحية فهمت لتمشى من الناحية المقابلة فمشى هو ايضا من هذه الناحية وظلوا على هذه الحالة
اثير  الله بقى يا يحيى 
يحيى  عايز احيرك شوية فيها حاجة دى
اثير  مش وقت غلاسة
يحيى  قومتى ليه
اثير  عادى
يحيى  لا مش عادى وانتى اضيقتى لما هى طلبت تكلمنى صح
اثير بتاخد الاطباق من ايده هات الاطباق هدخلهم انا
اعطاها يحيى  الاطباق والتفتت لتذهب الى المطبخ وهو ورائها
يحيى  اوعى تفكرى انى هسيبك تهربى كده من الكلام
اثير  لا مضيقتش
يحيى  اضيقتى
اثير نفخت يوووه يا يحيى  متزهقنيش انا مخڼوقة اصلا
يحيى  ماشى هسيبك على راحتك انا خارج
اثير  براحتك
خرج يحيى  وترك البيت ااما اثير  فأجهشت بالبكاء جاءت ام كلثوم  التى كانت بالخارج وراتها تبكى
ام كلثوم  مالك يا اثير 
اثير واقفة ادام الحوض مافيش
ام كلثون طب انتى واقفة عندك ليه
اثير  هغسل الصحون
ام كلثوم  لا سيبيهم انتى وانا هغسلهم
اثير بعصبية عايزة اغسلهم انا يا دادة سيبنى على راحتى لو سمحتى
تركتها ام كلثوم  تفعل ما تشاء وشرعت اثير  فى غسيلهم ولكنها كانت بتغسل بعصبية لدرجة انها كثرت صحن من الزجاج فدخل الزجاج فى يدها
اثير صړخت اااااااااه
كان لسه هيركب عريبته فلقى انه نسى مفاتيح العربية فدخل يجبهم فهو داخل سمع صوتها وهى بتصرخ فجرى بلهفة على المطبخ فلقاها واقفة وايدها پتنزف 
يحيى بلهفة مالك يا حبيبتى وايه الدم ده
اثير  الطبق اتكسر فى ايدى يا يحيى  اااااااه بتوجعنى اوووى
ام كلثوم  اهدى يا بنتى هاجيبلك قطن ومطهر وهطهرلك الچرح وهتكونى كويسة 
يحيى  لا يا دادة انا هاخدها للدكتور
ام كلثوم  دكتور ايه يابنى مش مستاهلة تعالى بس يا اثير  اقعدى وانت يا يحيى  روح جيبلى القطن والمطهر
يحيى  حاضر
ذهب يحيى  بسرعه واحضرهم هما كانوا موجودين فى مكان فى الفيلة واعطاهم للدادة وبالفعل نضفت ليها الچرح وطهرته ليها وربطت عليه
ام كلثوم  شوفتى بقى احسن من الى كان هيعمله الدكتور
اثير بتعب متشكرة يا دادة
ام كلثوم  العفو يا بنتى
يحيى بحنان حاسة بايه دلوقتى
اثير  ايه الى رجعك
يحيى  قلبى حس ان حبيبه جراله حاجة فخلانى ارجع
اثير  طب امشى
يحيى  اثير 
اثير  يحيى  انا تعبانة ومحتاجة اطلع انام
يحيى  ماشى يا اثير  انا ماشى
مشى يحيى  المرة دى واثير  طلعت لغرفتها

يا قووووووووووم
قال هذه الجمله اسامة  بعد ان فتحت له الخادمة باب فيلة اخته ودخل
شريف  تعالا يا ابو جهل
اسامة  شريف  باشا ازيك يا معلم
شريف  ازيك انت يا عريس
اسامة  الحمد لله يا سيدى
شريف  ازيك يا باشمهندسة
شيماء  الحمد لله
اسامة  امال البت اختى فين
البت اختك موجودة اهه
الفتت اسامة  ليرى مصدر الصوت الذى سمعه وكانت 
اخته الواقفة على اخر درجة من درجات السلم
اسامة  ازيك يا ريم
ريم كويسة
شيماء  ازيك يا ريم
ريم ماشى حالى
شريف  ايه يا جماعه هتفضلوا واقفين كده ماتقعدوا
جلسوا جميعا كل واحد وبجانبه زوجته
شريف  طبعا مش هسألكوا انتوا هتشربوا ايه علشان انتوا اكيد لسه مش اتغديتوا وهتتغدوا معانا صح
نظر اسامة  لشيماء  فهزت له راسها دليل على الموافقة
اسامة  ايوة يا عم هنتغدى لو عندكوا غدا يعنى
شريف  اهه هنشوف كده اى اكل فى التلاجة 
نادى شريف  على الخادمة فجاءت وامرها بتحضير الغدا
ظلوا صامتين ولم يتكلم احد فاراد اسامة  ان يترك ريم وشيماء  بمفردهم
اسامة  شريف  عندك بلاى استاشن
شريف  طبعا يا معلم عندى
اسامة  طب ما تيجى نلعب
شريف  ماشى يا باشا قوم يلا
اسامة بيهمس فى اذن شيماء  هسيبكوا مع بعض بقى ماشى
شيماء  ماشى
قام اسامة  وشريف  ايضا معه وتبقى شيماء  وريم
قامت شيماء  وذهبت لتجلس بجانب ريم
شيماء  وحشانى اوى يا صديقتى
لم تنظر اليها ريم ولكنها قالت متشوفيش وحش
شيماء  لا ما انا خلاص شوفتك
نظرت اليها ريم نظرة ڼارية
شيماء  يا ساتر يارب خوفتينى اووى
ريم عايزة ايه يا شيماء  من الاخر
شيماء  عايزاكى تفتحلى قلبك وتقوليلى ايه الى جواكى من ناحيتى
ريم انتى اكيد عارفة ما اخويا المحروس زمانه قالك على كل حاجة
شيماء  قالى على ايه
ريم قالك انى مش موافقة على جوازك منه وانى قطعت اهلى لانهم صمموا عليكى
وجعتها اووى كلامها بس مش بينت وقالت لنفسها انها تتحمل وتصبر للاخر
شيماء  لدرجة دى كرهانى ومش عايزانى اكون مرات اخوكى
ريم اااااه
شيماء  طب ليه
ريم لانك دايما احسن منى فى كل حاجة عالطول المدرسين كانوا يحبوكى اكتر منى حتى اصحابنا كانوا برضه بيحبوكى اوووى وانتى دخلتى كلية الهندسة وانا اتحرمت انى ادخلها رغم انى طول عمرى وانا بحلم ادخلها كنت بحس انك دايما احسن منى فى كل حاجة علشان كده مكنتش عايزاكى تتجوزى اخويا اكيد بابا وماما هيحبوكى اووى وممكن اكتر منى 
شيماء  ياااااااه كل ده شايلاه جواكى وساكته انتى عارفة كل الى انتى قولتيه ده هما دول الحاجة الحلوة بس فى حياتى مستكترهم عليه انا عمرى ما كنت اتصور انك تكونى بتفكرى بالطريقة دى ريم ربنا بيعطى لناس حاجات بياخدها من ناس تانية والعكس بصى