رواية ابن ليل بقلم اميرة اسامة ج٤

الموبايل
كرم.....ايه مش يلا بقي 
رفاعي....اه يلا عندنا شغل بدري
زكريا......ما لسه بدري واحنا قاعدين مع بعض
نبيله......جرا ايه يا ابن نجوي لاحقت زهقت مننا.
نجوي....بضحك طب ونجوي مالها بس
نبيله....مش ابنك
كرم.....بقالنا كتير يا بلبله وفي كذا حاجه عايز اعملها عشان الشغل
عبدالله....ياجدع هو الشغل بيخلص
كرم....مبيخلصش يا عبدالله بس هنعملوا ايه بقي
بكر....انا كمان مش قادر عايز ننام وبعدين انت مش عندك شغل انت كمان ولا ناوي تخلع
عبدالله.....بضحك اخلع اروح فييين بس
قام رفاعي ونجوي وبعدين الكل قام وبدأوا يسلموا علي بعض.
قرب هيما من دارين بهدوء
هيما....علي فكره هكلمك وهتردي عليا تمام
بصتله دارين بأبتسامه إحراج وبعدين بصت تشوف حد مركز معاهم ولا لا اول ما لاقت الكل بيسلم علي بعض بصتله
دارين.....بهدوء حاضر
هيما.....ولو مردتيش
دارين....لا هرد 
هيما....ماشي هنشوف
ابتسمت دارين وسلموا علي بعض.
دره كانت واقفه تسلم عليهم
دره.....نورتي يا قلبي
مها....ده نورك يا دره المره الجايه العزومه عندي
دره.....إن شاء الله يا مها.
بصتلها مها بأبتسامه بسيطه وبعدين همستلها بهدوء.
مها.....اوعي يابت تكوني فكرتي ان الشويتين اللي عملتيهم دول هيخيلوا عليا ولا هصدق ان المكالمه اللي جاتلك دي مضايقتكيش ولا حتي هكدب علي روحي ونقول ان الدموع اللي شوفناها في عينك دول شويه تراب
دره....صدقيني محصلش حاجه
مها.....لو كدبتي علي كل اللي واقفين دول مش هتعرفي تكدبي عليا يا صاحبة عمري ياللي نظره عينك وانتي حزينه و بتحاولي تخبي متغيرتش من واحنا عيال لحد انهارده .
بصتلها دره بأبتسامه حزن وبعدين صمتها بحب 
اتأكدت مها من كلامها وعرفت ان دره فيها حاجه لكن مش وقته
مها.....انا هسكت الوقت عشان مش وقته بس هعرف ماشي
دره....هزت راسها بهدوء 
قرب كرم من دره بعد ما مها سابتها وراحت تسلم علي الباقي ومد ايده لدره
رفعت دره عينها لكرم كانت نظرتها فيها ڠضب حاولت تخفيه لكن فشلت وعرف كرم انها مش طيقاها.
مدت ايدها و بعدت عينها عنه 
مسك كرم كف ايدها بهدوء وضغط عليه بحب وبعدين صم كفها بأيده التانيه وقرب منها وهمس لها بصتله دره بسرعه پصدمه من قربه ليها وبعدين بقت تبص تشوف مين شايفهم
كرم.....انتي طبعا عارفه انك لو مردتيش عليا انا هنعمل ايه ودين محمد يا دره هنيجي علي باب بيتك و المرادي مش هنمشي.
لمحت دره عين بكر جات في عينها برد فعل تلقائي خدت خطوتين لوراء وسحبت ايدها من كرم وابتسمت ابتسامه كلها أرتباك وبعدين
بصت لكرم وهزت راسها عشان تنهي حواره معاها وينزل.
نزل كرم وسبقهم لحد ما يسلموا وينزلوا والشباب نزلوا بعد كده وراه.
قرب بكر من دره كانت جنبه مها.
بكر....بأبتسامه بص لدره شكرا يا دره
دره....بابتسامه ارتباك كانت عامله زي اللي عامله چريمه و واقفه قدام ضابط المباحث علي ايه يا بكر نورتوا الدنيا
دعاء....بت يا مها خدي.
راحت مها لدعاء بص بكر علي مها و اتأكد انها بعدت وبعدين بص لدره.
بكر.....بأبتسامه ونظره تركيز اول ما جيتي يا دره كنت واثق ان وجودك هيعمل مصېبه وكنت خاېف مش هنكدب عليكي بس واضح انك عرفتي تغيري عقل الكل وتفكيرهم واولهم كرم طول عمرك شاطره يا دره.
دره....بصتله وابتسمت بتوتر انا معملتش حاجه يا بكر بس يمكن ربنا مش حابب اننا نبعد عن بعض اكتر من كده وحل كل حاجه من عنده ولا ايه.
بكر....ونعم بالله ربنا يديمها علينا نعمه
دره....يارب 
سلم بكر علي حسن اخر واحد وبعدين بص لدره بطرف عينه ونزل هو ومها وبعدين حصلوهم رفاعي ونجوي.
دره....يلا يا بنات احنا كمان عشان عندي شغل بدري وانا مش قادره
زكريا....ما تخليكم شويه يا دره.
دره....مش قادره والله يا بابا وبعدين هما كمان لازم يناموا عشان يصحوا بدري يذاكروا شويه لو هيروحوا مع حسن والشباب يركبوا الترام ويلفوا بيه في اسكندريه.
زكريا......ماشي يا بنتي 
نبيله.....طب استني حتي ندوكي شويه حجات من اللي الجماعه جابوها معاهم دي دول جايبين حجات كتير اوي و التلاجه عندي مستحيل تاخدهم تعالي يا دعاء قسمي الحجات دي علينا
دره....بعدين بعدين يا امي مش قادره والله وعايزه
ننام خليها بكره ماشي
نبيله....طيب هنقسمها انا ودعاء وخدي نصيبك بكره
دره....ماشي يا حبيبتي يلا تصبحوا علي خير.
الجميع....وانتي من اهله.
خدت دره بناتها وطلعوا علي فوق خاڤت كرم يكلمها وهي تحت وفي نفس الوقت مكانتش قادره تقعد كانت عايزه تبقي لوحدها.
.....................
بكر لما نزل هو ومها شاف الشباب واقفين لوحدهم وكرم مش معاهم.
بكر.....هو كرم طلع ولا ايه
هيما.....لا قال هيجيب سجاير وبعدين خد عربيته قال شويه وراجع تقريبا هيتمشي شويه مش عارف
بكر.....طيب اطلعوا يلا وانا هنبص عليه وهنجيب سجاير بردوا
مها....انت رايح فين السعادي يا اخويا انت كمان
بكر....هنبص علي كرم ونجيبوا سجاير يلا اطلعي معاهم
مها....طب استني ابويا وامي نازلين نطلعوا سوا.
محمد....اهم نزلوا .
نجوي.....ايه واقفين ليه كده و فين كرم
بكر....بيجيب سجاير انا هنروحله ونرجعوا سوا يلا اطلعوا الجو برد عليكم.
رفاعي....متتأخروش يا بكر .
بكر....حاضر يابا متقلقش يلا سلام.
...................
خرج بكر من الشارع بسرعه ومسك موبايله اتصل علي كرم كان بيديله غير متاح بص عليه من يعيد عند كشك السجاير وفي السوبر ماركت وعلي ناصية الشارع مكانش موجود عرف ان هو ياأما راح علي ابن ليل لا أما راح علي شقته التانيه فا رجع تاني خد عربيته وخرج هو كمان من الشارع عشان يروح يبص عليه في ابن ليل
كان مصمم انه يشوفه عشان يتكلم معاه ويرتاح من الشك اللي جواه.
.............
دخلت دره اوضتها بعد غيرت هدومها وقالت للبنات انها هتنام.
سابتهم لسه صاحين مع دارين في الاوضه ودخلت علي جوه قعدت علي السرير ومسحت بأيدها علي وشها كذا مره كانت بتحاول تهدي نفسها خصوصا بعد ما لمحت رساله من چاك بيعرفها انه بعت رقمها ليوسف وانه هيكلمها بكره.
رن الموبايل في ايدها اتخضت وقلبها اتقبض فكرت انه يوسف لما لمحت اسم كرم هديت شويه لكن ڠضبها كان ليه موجود وحاولت علي قد ما تقدر متبينش وتنهي المكالمه عشان خاطر بناتها ميسمعوش.
دره....الوو
كرم.....ايوه يا حبيبي عامله ايه
كرم كان بيحاول يستنتج من صوتها اي حاجه.
دره....بخير
وردها المختصر ده كان كفيل يخليه يعرف انها مش طيقاه.
كرم...امممم بخير بقولك ايه ما تيجي كده دوغري وقولي انك زعلانه مني
دره....وهنزعل منك ليه انت عملت حاجه يا كرم
كرم.....المصېبه اني معملتش اي حاجه بس تقريبا كده في حجات كتير واقفه قصادي ومصممه انها تزعلك مني
دره....وانا مش زعلانه يا كرم مفيش حاجه اصلا ممكن تزعلني
كرم....بأبتسامه لا والله قصدك ايه بقي ده غرور ولا ثقه ولا انا مهمكيش من الاساس
دره....ولا حاجه من كل ده يا كرم كل الحكايه ان مبقاش في حاجه تزعلني ولا انت زعلتني ولا انا فيا حاجه انا بس تعبانه وعايزه انام عشان عندي شغل
كرم.....دره انا لازم
افهمك ان والله العظيم الكلام اللي قاله عبدالله مكانش عندي علم بيه لاني مكنتش موجود من الصبح ومعرفش ان سونه.....
قاطعته دره....كرم من فضلك انا لا عايزه اسمع مبررات ولا قادره اتكلم في حاجه
كرم....سكت وابتسامته راحت.. بس انا لازم اتكلم يا دره انا كنت حاسس انك اضايقتي ونظره عينك لما عبدالله قال الكلام ده أكدتلي احساسي بس انا الوقت حاسس انك مش قابله تسمعي اي كلام وحاسس اني عامل زي المتهم اللي بيحاول يثبت برائته
دره.....بحزن وڠضب بسيط وانت مش كده يا كرم لو شايف انك مش مذنب او متهم ليه كلمتني ليه فتحت الكلام في الموضوع ده ليه بتحاول تثبت برائتك زي ما بتقول وانت عارف انك معملتش حاجه
كرم.....عشان نظرتك ليا يا دره بعد كلام عبدالله انتي مشوفتيهاش لو كنتي بصيتي علي نفسك في مرايه كنتي هتشوفي كميه اټهامات في عينك ليا
دره....وانا متهمتكش بحاجه يا كرم
كرم....وانا مش هستني لما لسانك كمان ينطقها يا دره كفايه عينك ونظرتهم ليا.
دره....كرم انا بجد تعبانه ومحتاجه انام
كرم.....عيزاني اقفل يادره 
دره....ياريت 
كرم.....بس انا مش هقدر اقفل و انتي صوتك عامل كده دره انتي بتأكديلي انك مش مصدقاني وان بعد كلام عبدالله رجعتي شكيتي فيا تاني
دره....كرم البنات لسه صاحيين وانا مش حابه انهم يسمعوني ولا حابه صوتي يطلع ولا عايزه اتعصب ارجوك اقفل ونتكلم بكره انا رديت عليك بس عشان متفكرش ان مش عايزه نرد و عشان متجيش زي المره اللي فاتت وحد يشوفك.
كرم.....ماشي يا دره اللي تشوفيه عموما بكره هنتكلموا و هنخلصوا الحوار ده خالص.
دره....ان شاء الله تصبح علي خير.
كرم.....سكت ثواني وبعدين اتنهد تمام يادره وانتي من اهله.
كرم كان عايز يتكلم معاها اكتر كان عايز يلاقي اي حاجه يقولها بس هي مكانتش مدياله فرصه و بترد عليه بالعافيه وحس من صوتها انها علي اخرها فا قرر ميضغطش عليها ويديها فرصه لحد الصبح تكون بقت كويسه ويقدر يتكلم معاها و يصارحها بكل حاجه .
وصل بكر في الوقت ده قدام المارينا ركن عربيته جنب عربيه كرم ونزل علي السلم لمح إضاءه خفيفه علي اللانش وشاف كرم ساند بضهره علي وش اللانش.
قرب بكر من اللانش ونط جوه و مشي من جنب السور بتاع اللانش ودخل عل مكان كرم.
بص كرم وراه بسرعه واستغرب
كرم....بكر !! في ايه انت بتعمل ايه هنا حد جراله حاجه
بكر....في ايه ياعم هو مينفعش اجي اقعد معاك ولا ايه
كرم....تقعد معايا يا اخي حرام عليك وقعت قلبي وبعدين تقعد معايا انا انا طول الوقت متلقح في خلقتك وانهارده بالذات كنت قدامك طول الوقت
بكر.....يمكن بس كمان بقالنا فتره متكلمناش.
كرم.....طيب اقعد واقف ليه.
قعد بكر جنبه وطلع سېجاره ليه وقرب العلبه من كرم خد سېجاره ۏلع بكر الولاعه وقرب كرم ۏلع سيجارته وخد منها نفس طويل
كرم.....انت ايش عرفك اني هنا
بكر.....نفخ الدخان لما نزلت ملقيتكش سألت عليك هيما قال انك روحت تجيب سجاير وبعدين جيت خدت عربيتك ومشيت فا قولت اكيد هلاقيك هنا او في الشقه التانيه.
كرم....انا بقالي كتير مروحتش الشقه التانيه ولما بروح بقيت اروح الصبح بس.
بكر....عارف بس انا قولت اشوفك وانا وحظي و لاقيتك هنا .
كرم.....بصله وهو بياخد نفس طب ايه قولت انك عايز تتكلم معايا في حاجه معينه ولا كلام والسلام.
بكر.....لا مش كلام والسلام يا صاحبي انا عايز اتكلم معاك في كام حاجه كده شاغلني
كرم....طب قول سامعك.
بكر.....بص للبحر واتنهد تنهيده طويله وكان باين عليه الخنقه .
كرم.....في ايه يا جدع مالك جاضض كده ليه انت زعلت مع مها لاحقتوا انتوا كنتوا كويسين.
بكر....لا مها ملهاش دخل في اللي جاي نكلم فيه
كرم....امال ايه
بكر.....كنت عايز نسألك يا صحبي هتفضل مخبي سرك لحد امته لسه مجاش الوقت اللي تظهر السر ده للنور
كرم.....بصله ثواني وبعدين اتكلم بيتهيألي مبقاش ينفع نقول عليه سر الوقت يا بكر يمكن زمان لما مكانش في حد غيري انا وانت يعرفه كان سر بس السر اللي يطلع من بين اتنين ميبقاش سر ومش انا وانت بس اللي عارفين
بكر....عارف يا كرم