رواية ابن ليل بقلم اميرة اسامة ج٤

اكمل ووقتها واثق بردوا انكم هتهتم بيا بس لو مرجعتش وانت موافقتش الوقت كل اللي بملكه هيروح تعبي وشقايا ومجهودي هيضيعوا علي الفاضي اسمي واسم ابويا هيروحوا مني لو صحيح بتعزني وافق يا كرم حافظ علي اسمي واسم ابويا حافظ علي مجهودي اللي تعبت فيه وكمله بطريقتك 
بصتله وانا مس عارف اقوله ايه مكنتش قادر امنع دموعي ولا هو كمان وبعد محاولات منه في اقناعي وافقت خدني وطلعنا للمحامي ومضيت وكل حاجه الراجل ده كان بيملكها بقت بتاعتي يوم العمليه كنت معاه من قبلها بيوم وانا اللي مضيت علي إقرار العمليه
ودخل العمليه غاب كذا ساعه وانا بره قاعد علي اعصابي حاسس ان اي خبر وحش ممكن اسمعه هيموتني الراجل ده فعلا كان غالي عندي اوي
خرج من العمليات بعد سبع ساعات الدكتور قال ان حالته مستقره لكن هيفضل في الرعايه علي الاقل اسبوع
فضلت اربع ايام معاه مش بسيبه لحظه وهو من وقت العمليه وهو في غيبوبه يادوب يصحي كام دقيقه مبيتكلمش خالص يبصلي من الازاز ويرجع يغيب تاني و علي بليل الوقت اللي قررت اسيبه فيه شويه واروح اصلي العشاء رجعت لاقيت دكاتره بتجري وممرضين مشهد زي اللي بنشوفه في الافلام وانا واقف زي العيل الصغير لا فاهم في ايه ولا عارف المفروض اعمل ايه
جريت وراهم وبصيت عليه من بره كانوا بيحاولوا يسعفوا بكل الطرق لكن للاسف مكانش بيستجيب وفجأه الشريط انتظم و شوفت ملامح الدكاتره عليها أسف وبيهزوا راسهم بمعني مفيش فايده يومها حسيت ان قلبي بيتداس عليه تاني بعد ما رجع فاق من وجعه علي ايد الراجل ده وجعني بجد وعمري ما تخيلت ان اتوجع بالشكل ده علي حد مش مني
عملتلوا عزاء يتحاكي بيه في اسكندريه كلها من بحري لجليم جنازته والعزاء بتاعه مكانش فيهم نفس من ابسط عامل لأعلي مستوي لرتب من السچن الكل حزن عليه بجد كنت عارف انه محبوب بس محستش بده غير لما شوفت بعيني الناس وهي بتتسابق علي شيل النعش وتقديم العزاء لحد اخر وقت الناس كانت موجوده العزاء خلص ونفس العدد مقلش لحظه 
كان ديما قولي كلمه بترن في ودني علي طول كان بيقولي سيرة البني ادم بتعيش اطول من عمره سواء كانت حلوه او وحشه وادام هنروح ومش هناخد معانا اي حاجه يبقي نحاول علي قد ما نقدر نمشي واحنا سايبين ورانا سيره حلوه وناس تفتكرنا وتبتسم وتدعيلنا من قلبها اول ما اسمنا يتذكر
وحقيقي الراجل ده ساب سيره حلوه
بعد ما اټوفي بأسبوع او عشر ايام لاقيت المحامي بيكلمني عشان نبدأ في تخليص الورق واستلم كل حاجه انا وقت ما مضيت يا دره معرفتش انا مضيت علي ايه غير بس انه بيتنازلي عن شركته مكانش في بالي مش عشان انا مش محتاج وعندي كتير وابويا عنده اكتر بس عشان انا حقيقي كنت حابب اريحه مش اكتر كان عندي امل انه يخف ويرجع و ارجعله كل اللي كتبه
بس اتفاجئت لما عرفت الراجل ده سايبلي ايه بصلها بحزن وهو عينه بتلمع بالدموع
انا فجأه لاقيت نفسي بقيت مليونير من مفيش اراضي وبيوت وڤيلا وشركه وعربيتين و اهم حاجه في ده كله
ابن ليل
ابتسمت دره من بين دموعها 
دره ابن ليل طلع اللانش بتاعه
كرم ايوه وده الحاجه الوحيده اللي كان يملكها بعد ما خرج من السچن في يوم قالي انا نفسي يا كرم اشتري لانش زي اللي هناك ده وشاورلي علي لانش جميل قولتله لو معاك وحابب يلا بينا وانا هخلصلك فيه انا عارف ناس تجيبهواك بسعر كويس ضحك وضړبني علي كتفي قاللي انت يا ابن امبارح هتتوسطلي
ضحكت وقولتله عايز اعمل معاك اي جميل
قالي وانا مس هكسفك غبت عنه كام يوم وبعدين اتصلت بيه وقولتله عايز اشوفك ضروري جالي ولاقاني واقف مع واحد وقدامنا اللانش اللي شاور عليه
اټصدم وقالي ده نفس اللانش ضحكت بتحدي وقولتله شوفت بقي ان ابن امبارح قادر يجبلك
اللي شاورت عليه
طلع كان للبيع وفعلا اشتراه يومها قالي فكر معايا في اسم للانش يا كرم عشان نسجله بالاسم الجديد وعايزك انت اللي تسميه زي ما جبته 
هو كان اسمه محمد ليل درويش
فا ضحكت وقولتله ابن ليل
ضحك وضړبني علي كتفي قالي ياولا بنقولك اختار اسم علي مزاجك مش اسم ليا ولابويا
قولتله انت ديما تقولي اني شبهك عشان كده انا اختارت فعلا الاسم ده
قالي بتصيع عليا ابوك اسمه رفاعي ياولا
قولتله يمكن نكون مختلفين في الاسم لكن اسمك طلع شبهي و بيمثلني في الكام شهر اللي فاتوا طول عمري قبل فتره السچن مبنحبوش الليل وحياتي كانت ديما بتبدأ من طلوع الصبح لكن من اول ما دخلت السچن والليل بقي جزء مني بقيت انا وهو صحاب بقيت اهرب من النهار و نستني الليل بفارغ الصبر ونعملوا فيه كل حاجه وبقيت ابن ليل 
ابتسم وهز راسه وقالي يبقي مبروك علينا ابن ليل 
ومن يومها واللانش ده غالي علي قلبي اوي هو اختاره من بعيد وانا جيبته لحد عنده ومنكدبش عليكي حبيته وكان اكتر مكان بنرتاح فيه ومكنتش نعرف انه هيكون ليا في يوم من الايام
لحظه ما عرفت من المحامي كل اللي بقينا نملكه اټصدمت مش بس عشان كميه الحجات اللي ورثتها منه صدمتي في سؤالي اللي لحد يومنا ده مقدرتش الاقي جواب عليه الراجل ده شاف فيا ايه وحبني لانهي درجه عشان يسيبلي كل ده معقول في حد يحب حد اوي كده ويثق فيه ويديله كل اللي ليه املاكه ومجهوده وتعبه واسمه وحياته
دره هو اټوفي بعد ما خرج بقد ايه 
كرم حوالي سنه ونص يعني تقريبا عرفنا بعض سنتين ونص بيتهيألي مش كفايه عشان يثق فيا بالشكل ده
دره مش يمكن شاف فيك اللي انت مقدرتش تشوفه في روحك يا كرم
كرم ايوه اللي هو ايه انا معملتش معاه اي حاجه غير اني كنت بنتكلم معاه طول الفتره اللي كنت فيها مكنتش بنسيبه بس هو كمان مكانش بيسبني اه زورته بعد ما خرجت ومفوتش زياره ليه وبعد ما خرج كنت معاه ديما بس ده كان رد جميل علي كل اللي عمله معايا حب مني ليه لانه كان يستاهل
دره لو كان عنده ذره شك فيك مكنش سلمك حياته واسمه واملاكه يا كرم 
واكيد انت عملت بوصيته صح
كرم اسمه موجود علي كل حاجه كان بيملكها واتحط علي كل حاجه اتجابت بفلوسه وهيفضل اسمه موجود لاخر نفس في عمري هو قالي معنديش اللي يشيل اسمي عشان كده اسمه مستحيل يتشال وهيفضل موجود
دره بابتسامه نزلت دموعها عرفت بقي هو ليه اختارك انت بالذات وليه وثق فيك وحبك بالشكل ده عشان كان عارف انك قد الوعد ده يا كرم
كرم بإبتسامه حزن ربنا يرحمه 
دره بحب مسكت ايده لسه مخبي ايه يا كرم 
كرم بأبتسامه مش بيقولك ياما في الجراب يا حاوي
دره طب و الحاوي هيطلع اسراره الباقيه امته
كرم بحب حكايتي لسه مخلصتش يا دره واللي حكتهولك كان جزء بسيط لسه في اهم جزء عن حياتي في السچن ودور ابن ليل الحقيقي مع كرم الرفاعي 
دره تقصد الراجل اللي اتعرفت عليه
كرم هو محمد ليل درويش اعظم راجل ممكن تقابليه في حياتك
دره بحب وانا قابلت نسخته اللي قال عليها شبهوا انت يا كرم 
كرم قريب اوي يا دره الحاوي هيكشف قدامك كل اسراره مستعده
دره مستعده يا كرم
كرم طيب ولو عرفتي حاجه مش حلوه ممكن نظرتك ليا تتغير
دره بحب مستحيل يا كرم طول ما انت بتعترف انها مش حلوه ومتصالح مع نفسك بالحقيقه يبقي انت احسن حد في الدنيا 
كرم يعني ايا كان اللي ممكن تعرفيه هتفضلي تحبيني 
دره انا ندمانه علي كل لحظه مقدرتش احبك فيها يا كرم وهفضل احبك حتي لو عرفت انك زعيم ماڤيا
كرم بضحك لا مش اوي كده بس انا عندي سؤال يا دره عايز اعرف إجابته
دره قامت دره وبصتله أسأل يا كرم
كرم كرم الرفاعي الجزار دكتوره دره هتوافق عليه بإقتناع
دره بأستغراب بصتله انت عندك شك يا كرم
كرم لا بس محتاج اسمع إجابتك واحد ساب تعليمه وحلمه وبقي جزار تفتكري الحب كفايه ان 
عند الشباب
الكل كان مبسوط ولسه الاحتفال مستمر هيما حاسس انه طاير من السعاده مش
بس عشان اجواء عيد ميلاده ولا عشان المفجأه اللي عملوها ليه لكن كان مبسوط عشان حس ان دارين بدأت تفك شويه بدأت تتغير معاه وكمان مش معترضه علي قربه منها ومع كل ده هيما كلن مقرر انه يقرب لكن يفضل سايب مسافه لدارين عشان تاخد فرصتها كامله في خروجها من علاقه ادم وهي مقتنعه 
قامت دارين تقف مع البنات وتصورهم
وفجأه حس هيما انه اټصدم دارين لابسه فستان ابيض وفي حاجه غريبه لازم محدش يشوفها ولازم بتصرف بسرعه حاول بتكلم مع الشباب ويبعد نظرهم عن دارين لحد ما ترجع
وفعلا قام وقف قدام حسن ومحمد واحمد وفضل يتكلم ويهزر معاهم لحد ما البنات رجعوا قعدوا تاني وهنا هيما كان لازم يتصرف في الموقف المحرج اللي لو دارين عرفته هتتصدم 
فضل هيما مش علي بعضه مش عارف يتصرف ازاي لو قال لدارين عارف انها مستحيل تعرف تبص في وشه تاني وهو ما صدق 
بسرعه جاتله فكره و مكانش فيه قدامه غير دانه هي اللي ممكن تنقذ الموقف كانت قاعده جنبه علي الشمال ودارين علي اليمين 
قرب هيما من دانه ووسط الاغاني اللي شغاله استغل الموقف 
هيما دانه
دانه ايوه يا هيما
هيما الاول وطي صوتك واعملي نفسك بتضحكي علي اي حاجه بنقولها
دانه مش فاهمه
هيما لا بنقولك ايه مش وقت تقفيل دماغ ركزي معايا مش عايز حد يعرف انا بنقول ايه
دانه في ايه طيب انا بجد مش فاهمه
هيما بصي انا مرضتش نقول لسماح عشان حسن هيسألها في ايه ومفيش غيرك قدامي ومن غير كسوف انا مضطر نقولك سامحيني
دانه بضحك
في ايه يا ابني قول
هيما بهدوء كده انا هنقوم هنعمل روحي رايح الحمام وانتي تعالي جنب دارين وحاولي تخليها تربط الچاكت علي وسطها
دانه بضحك لا مش فاهمه بجد
هيما ضحك ڠصب عنه طيب نقولك ايه بس اعملي كده وخديها وروحي الحمام وانتي تفهمي يا دانه وبلاش غباء الله يباركلك دارين لازم تربط الچاكت علي وسطها
دانه بضحك تقصد يعني الفستان ضيق بتغير ولا ايه اوباااا
هيما بت هنرتكب فيكي چريمه مش وقت هزار انقذي ما يمكن انقاذه وبلاش سياح ووطي صوتك دانه افهمي من الاخر في حاجه علي فستان دارين ولازم تربط الچاكت بسرعه قبل ما حد ياخد باله وهي تتحرج فهمتي
حست