رواية ابن ليل بقلم اميرة اسامة ج٤

صدقت
كرم....بابتسامه ما تهدي علي روحك يا جدع شويه
عبدالله....هديت يااخويا
رن موبايل سماح وهي واقفه قدام سونه بصت عليه وهي دموعها نازله.
سونه.....اقفلي المخروب ده ومترديش عليه ومش هتنزلي يا سماح
سماح.....تمام ولو منزلتش يا سونه هتغيري رأيك وهتوافقي
سونه.....ايه فاكره انك هتلوي دراعي
سماح...ياستي مبنلويش دراعك مش هننزلوا بس قولي انك هتقابلي ابله دعاء وانك هتوافقي ومش هتكسري قلبي
سونه.....مش هنوافق ومش هنقابل حد معنديش بنات للجواز
سماح.....يبقي انتي اللي اختارتي ياسونه و لو مش هنكون لحسن يبقي مش هنكون لغيره وهنريحك مني خالص ونموتلك روحي بس يوم ما نروح لربنا هنقوله اني مش هنسامحك علي كسرة قلبي منك يا سونه
فتحت سماح الباب ونزلت جري من البيت
وهي دموعها مغرقه وشها.
سونه.....سمااااح بت يا سماح استني استني يابت
نزلت سونه جري وراها وحست پخوف عليها مكانتش تقصد اي حاجه من اللي قالته بس قلبها كان ۏاجعها وڠصب عنها طلعته عليها.
سونه....سمااااااح استني يا سماااااح
سمع الشباب صوت سونه وهي بتنادي بصوا لبعض كلهم
بكر.....في ايه مش دي سونه
حسن.....اه في ايه
راحوا كلهم علي بيت سونه ولمحوا سماح خارجه من باب البيت وهي دموعها نازله
حسن.....سمااح في ايه
كرم....في ايه ياسماح
سماح....مشوني من هنا والنبي مشوني بسرعه
خرجت سونه وهي كمان معيطه وبتنادي عليها
سونه....استني ياسماح ورحمه ابوكي 
كرم....حسن خد سماح والبنات وامشوا انتوا
سونه....لا ياكرم متخلهمش يمشوا 
عايزه اتكلم معاها
كرم....سبيها ياسونه واهدوا في ايه
بكر.....يلا ياهيما يلا ياولاد الخلق هتتفرج علينا وانتي ياسونه اهدي شويه في ايه لكل ده
خدوها البنات وراحوا ركبوا العربيه مع حسن وراح هيما والشباب وراهم ركبوا عربيتهم وطلعوا.
سونه.....رجعوهالي والنبي البت حالفه ټموت روحها
عبدالله....ټموت روحها ليه في ايه ياسونه
لكل ده 
سونه.....بإرتباك مفيش شدينا شويه مع بعض
عبدالله....طب اهدي هي معاهم ماقلقيش عليها مش هيسيبوها وانتي وحدي الله واطلعي يلا
كرم....مټخافيش عليها الوقت تروق لما تخرج معاهم وبعدين ما البيوت فيها مشاكل كتير مش شرط يعني تفرجوا الخلق عليكم يلا اطلعي ومتقلقيش
سونه....طيب كلموهم والنبي يخلوا بالهم عليها
بكر....يلا اطلعي طيب وانا هنكلمهم
سونه....ماشي
طلعت سونه وسابتهم بص عبدالله لكرم
عبدالله.....نقول عليك ايه عاجبك كده الوقعه دي اهي فرجت علينا الخلق
كرم....ياجدع انت ما بتصدق مصېبه ايه واحده وبتتعارك مع بتها اطلع منها انت يلا ياخويا علي الدكان
عبدالله....اما نشوفوا اخرتها
بكر....اخرتها فل ان شاء الله
فضلت سماح ټعيط في العربيه
حسن....ماتقولي ياسماح حصل ايه وليه العياط ده كله
دارين.....سيبها تهدي طيب يا حسن وهتقولك
سماح....نزلني انا في اي مكان يا حسن عشان منبوظلكوش الخروجه
دانه....انتي عبيطه يابنتي خروجه ايه مش مهم
حسن.....اهدي طيب وبطلي عياط
فضل حسن سايق وهيما وراه ركن حسن علي البحر ونزلوا كلهم وقفوا شويه.
قرب منهم هيما والشباب
هيما....ايه اللي حصل في ايه ياسماح
حسن.....انتي اتعاركتي مع سونه ليه 
سماح....مفيش يا حسن
حسن....مفيش ازاي فهميني طيب في حاجه حصلت لما قولتلها علي موضوع قرايه الفاتحه
فضلت سماح ټعيط اكتر
حسن......في ايه ما تردي انا صح ولا ايه
محمد...استني عليها يا حسن
سماح....بۏجع منعرفش ايه اللي حصلها كانت بتجيب حجات من تحت طلعت لقتني لابسه وعرفت اني نازله معاكم شاطت فيا وقالتلي مفيش خروج وكلام الناس ومش كلام الناس وعرفتها ان ابله دعاء هتجيلها وانك هتقرأ فتحتي الاسبوع الجاي اتحولت منعرفس ايه اللي حصلها اول مره نشوفها كده رفضت وقالتلي معنديش بنات للجواز ومفيش جامعه ومفيش خروج وهتتحبسي في البيت
حسن....طيب ليه ده كله اكيد في سبب
سماح....منعرفش يا حسن والله ما نعرف بس كل اللي نعرفه ان دي مش سونه وكل كلامها ده وراه سبب تاني خالص كأنها اتبدلت نزلت بشكل وطلعت بشكل تاني
هيما....طيب اهدي محصلش حاجه يمكن في حد ضايقها في السوق وطلعته عليكي انتي مش عارفه سونه يعني
حسن....اكيد في حاجه ضايقتها يا سماح
ديما....هي اكيد لما تهدي شويه كل حاجه هتتحل متعيطيش بقي
سماح.....انا عارفه امي كويس وڠضبها ده وراه حاجه كبيره بس ودين محمد لو فكرت انها تيجي عليا ما هنقعظ في البيت لحظه
حسن....ايه هتطفشي بطلي كلام خايب انتي مش عارفه سونه ولا ايه شويه وهتنسي اصلا انها اتعاركت معاكي وبعدين انتي مش شايفه شكلها كانت هتتجنن عليكي
سماح....طيب عايزني نعمل ايه بعد الكلام اللي سمعتهولي ده
حسن....ولا حاجه تقعدي وتسكتي وتسبيها تطلع غلبها فيكي لحد ما تهدي ما انتي عارفه اللي فيها انا اللي هنقولك علي سونه 
بصتله سماح وهي دموعها نازله
حسن....بابتسامه يابت مش هتجوز غيرك حتي لو حلفت من هنا لبكر وبعدين سونه غلبانه ومفيش في طيبه قلبها سبيها تروق وكل حاجه هتتحل وعموما انا هنقول لامي بلاش تروح انهارده
سماح....وهتقولها ايه السبب هتقولها سونه مش موافقه
حسن....لا هنقولها عرفت من سماح ان سونه تعبانه خليها لبكره وبكره يبقي يلحلها الحلال
هيما....حسن بيتكلم صح واهي تكون راقت شويه فكي بقي بلاش كآبه
ابتسمت سماح بحزن
سماح....حقكم عليا نكدت عليكم وأخرتكم
دارين....بلاش عبط يا سماح
حسن....ولا عطلتينا ولا حاجه ويلا هنروح نركنوا العربيات ونطلع علي الترام
سماح....معلش روحوا انتوا بلاش انا عشان هيبقي دمي تقيل وهنكد عليكم
حسن....يابت بلاش هبل يلا بدل ما نمدوا ايدي عليكي 
هيما.....اخلصي مش هنخرجوا
من غيرك وهتنكدي علينا بجد لو مجتيش
حسن....لو مجتش فين ياعم مفيش منه الكلام ده يلا اركبوا
احمد....بضحك يلا احسن نقابلوا منكش ويقفش فينا ده عايزنا نوصله 
حسن....ايوه صح انجزي احسن يقفشنا
دانه....يلا بقي عشان خاطرنا 
سماح....بابتسامه حاضر
ركبوا العربيات تاني وطلعوا بيها عشان يركنوها في اقرب مكان ويرجعولها بعد ما يخلصوا لفتهم بالترام ياخدوا العربيات ويروحوا ياكلوا في مكان مع بعض
وصلوا لمكان قريب من المحطه ركنوا عربياتهم ووقفوا يستنوا الترام الساعه كانت داخله علي سته
سماح....معلش حقكم عليا ملاحقتوش تركبوا بالنهار
هيما....ياستي عادي ملحوقه نبقوا نيجوا يوم تاني
دانه....ايوه ممكن نبقي نيجي يوم اجازتهم عادي يعني فكي بقي
احمد....وعلي فكره ركوب الترام بالليل بردوا حلو يعني
محمد....الترام جاي من بعيد اهو يلا اجهزوا
اما عند دره في المستشفي راحت ترتاح في اوضتها شويه وهي معاها كوبايه قهوه كانت حاسه ان الصداع هيفرتك راسها كانت بتحاول علي قد ما تقدر انها تركز في الحالات اللي معاها لكن ڠصب عنها مكانتش قادره دخلت دره قعدت وسندت راسها علي الكرسي وغمضت عينها شويه
رن موبايلها في الوقت ده شافت رقم غريب قلبها اتقبض بصت للموبايل وهي بتتنفس بصوت عالي
دره....اهدي يادره اهدي اهدي خالص
فضلت تاخد نفسها وتخرجه بهدوء وبعدين قربت الموبايل من ودنها وضغطت علي الزرار وهي قلبها بيدق پعنف اول ما سمعت صوته دقات قلبها زادت پغضب
يوسف....الووو
سكتت دره شويه كانت بتحاول ترد لكن مكانتش عارفه
يوسف....دره
دره.....بعد محاولات صوتها خرج بصعوبه الوو
يوسف....ازيك يا دره
دره....تمام
يوسف.....البنات اخبارهم ايه
دره.....كويسين جدا
يوسف....عارف ادام معاكي انا مطمن عليهم
دره......پغضب باين علي نبرة صوتها عايز ايه يا يوسف
يوسف.....بحاول اوصلك يا دره ومش عارف البنات عاملين بلوك ليا بعد ما كنت بتصل وبيرن عارف انك مش عايزه تسمعي صوتي بس
قاطعته دره پغضب.
دره.....اوعي تفكر اني ممكن اطلب من ولادي يعملولك بلوك عشان مش انا الام اللي تقسي بناتها علي ابوهم يا يوسف بس ده لو ابوهم نفسه عايز يطمن عليهم هما عارفين موقفك من ناحيتهم كويس وهما اللي عملولك بلوك ومش عايزينك زي ما انت مش عايزهم يا يوسف
يوسف.....دره احنا لازم نتكلم
دره...وانا سمعاك قول اللي عندك چاك قالي انك قولتله عايزني ضروري واضح كده ان طلب حقي اللي انت سرقته وجعك اوي بس لو مفكر يا يوسف انك ممكن تضحك عليا بكلمتين عشان نتنازل عن حقي تبقي بتحلم ووفر اي كلام ممكن تقوله
يوسف.....دره اديني فرصه اتكلم من فضلك
دره....وانا سمعاك قول انا بس حبيت نختصر عليك كلام كتير قبل ما تنطق اي حرف ونعرفك ان مهما قولت حقي مش هتنازل عنه
يوسف....اشمعني الوقت يا دره من يوم ما نزلتي مصر مطالبتيش بحقك ليه
دره.....كنت مشغوله وكنت حابه نفضالك عشان نجيب حقي منك وانا رايقه انت عارف ان دره مبتسبش حقها ولو علي رقبتها ولا انت كنت فاكر ان سكوتي الفتره دي استسلام يا يوسف
يوسف....بالعكس انا قولت انك هتطلبي حقك اسرع من كده واستغربت لما المده طالت
دره....كويس انك عارف اني اتاخرت في أخد حقي منك 
يوسف....دره انا لسه واصل من امريكا علي دبي من كام ساعه ونازل مخصوص عشانك دره انا جاي مصر وعايز اقابلك
دره....وانا مش عايزه اشوفك واللي بيني وبينك يا يوسف حقي هرجعه بطريقتي واوعي تفكر ان محاوله مقابلتك ليا هتغير اي خطوه انا خدتها 
يوسف....طيب مش لما اجي وتسمعيني الاول
دره.....مش هقابلك يا يوسف ولو كان عندك حاجه مهمه زي ما چاك قال قولها الوقت معندكش يبقي ارجع امريكا في اقرب طياره ومتضيعش وقتك معايا ومتسيبش حبيبه القلب لوحدها ولا انت نازل من وراها
يوسف.....يادره الكلام بالطريقه دي مش هينفع صدقيني انا لازم اشوفك واتكلم معاكي اديني ساعه من وقتك هقولك فيها كل حاجه وبعدين هسيب الحكم ليكي
دره.....بلاش تنتظر حكمي يا يوسف لان حكمي عليك لو فكرت انفذه انت اكتر واحد هيندم انت جربت تعيش كل حاجه حلوه مع دره وتشوف وشها الحلو بس صدقني لو فكرت تشوف وش دره التاني هتندم ندم عمرك كله
يوسف....وانا موافق يا دره بس اشوفك
دره....يبقي انت كده بتضيع وقتك ووقتي وانا معنديش وقت ليك
يوسف....استني يادره متقفليش ارجوكي دره انا عارف انك مستحيل تثقي فيا وعارف انك ممكن تكوني قلقانه من مقالبتي بس ياستي اختاري
المكان اللي يعجبك حتي لو وسط الشارع وهجيلك
دره....پغضب فوووووق يلااااااا انت فاكر ان دره الجمال ممكن تخاف منك تبقي معرفتنيش و عشرتك ليا السنين دي كلها معرفتكش انا مين الملاك اللي كانت عايشه معاك وبتتمنالك الرضا ترضي يوم ما حد يدوسلها علي طرف بتنسي العشره وملاكها بيتحول شيطان كافر انا خۏفت في حياتي مره واحده يوم ما وقفت اترجاك قدام الحيوانه بتاعتك وانت بكل جحود رفضتني انا وبناتك وبقيتها علينا ودوست علي كل اللي بينا باۏسخ جزمه عندك وقتها خۏفت علي بناتي ما اصل اللي الفلوس تعميهم بالشكل ده واللي يدوس علي بناته اللي من صلبه ويوقفهم ملط وسط بلد غريبه سهل عليه يعمل فيهم اي حاجه وقتها قولت تغور الفلوس وتغور اي حاجه ووقتها قررت اسكت لحد ما اطلع ببناتي وأمنهم منك انت والحشره بتاعتك لكن اوعي دماغك تسوحك يا روح امك وتفكر ان دره الجمال ممكن تسيب حقها او ممكن تخاف منك بعد النهارده وهي في وسط اهلها وفي بلدها ده انا اوقفك ملط من غير هدوم واخلي اصغر عيل فيكي يا اسكندريه يعلم عليك انا صحيح دكتوره وليا اسمي وقيمتي بس عند اللزوم متقلقش دره الجمال تنسي الطب و تتحول لواحده من الغجر
يوسف....حقك يا دره مش هقدر اتكلم
دره.....عندك حاجه تقولها اتفضل معندكش اقفل وارجع عشان ده اخرك معايا والباقي سيبه عليا انتوا قعدتوا ثلاث سنين مغفلني وفضلتوا تحطوا كل الخطط