رواية ابن ليل بقلم اميرة اسامة ج٤

الاعتبار الطريقه اللي هيما حاول ينقذ بيها موقفها وهي طريقه محترمه لا رخم عليها ولا حاول يحرجها هو اتصرف بمنتهي الرجوله
ديما بصراحه ايوه موقفه حلو اوي
دانه خلاص كلميها بس المهم متزعلش مننا
دره لا متقلقوش مش هتزعل منكم يلا روحوا ظبطوا نفسكم لحد ما احط الفطار
دانه اوك
في شقه زكريا 
دعاء جابت ورقه وقلم وقعدت جنب نبيله يلا ياما قوليلي بقي هنجيبوا ايه وانا هنكتب وراكي
نبيله بنقولك ايه اسمعيني الاول عيزاكي انتي اللي تروحي بنفسك تشتري السمك بلاش تشيعوا صبي مبيعرفوش يشتروا حاجه
دعاء لا نشيعوا صبي ده ايه انا هنروح بنفسي وعبدالله هيجي معايا
نبيله طيب بس مش عيزاكي تتأخري انا عايزه السمك والجمبري كلها تكون طازه
دعاء وبتلعب كمان انا هنروح الوقت علي طول بس نكتب للاول عشان مننساش اي حاجه 
نبيله طيب اكتبي ورايا
فضلت نبيله تقولها علي كل انواع السمك اللي عيزاها وكل الطلبات اللازمه
دعاء تمام كتبت
نبيله حلو كده يابت ولا نزودوا حاجه
دعاء لا حلو اوي ماشاء الله وبعدين هتزودي ايه تاني ده البحر فضي 
نبيله يابت قولي الله اكبر
دعاء بضحك احيه ما انا قولت ماشاء الله المهم هنعملوا ايه في الحلو انا من رأيي نحيبوا جاهز وخلاص عشان مش هنلحقوا
نبيله مش هنلحقوا ايه والنبي كل الاكل ده ماياخد في ايدي ساعتين زمن انتوا بس اللي بتجروا وراء السهل
دعاء باااااس اديني سكت قبل ما نسمع ربع علي الصبح خلاص نعملوا في البيت هنعملوا ايه بقي
نبيله اول حاجه رز بلبن عشان نعرفوا الواطيه مها الفرق ما بين الرز بتاعي والرز بتاعها اللي جرستنا بسبب طبق الواطيه 
دعاء حقك يا كبيره طب وثانيا
نبيله ابتسمت وسكتت شويه وهي باصه لبعيد 
دعاء ايه روحتي فين يا بلبله
نبيله بأبتسامه فاكره زمان يابت يا دعاء التورت اللي كنت بنعملها
دعاء احيه يا بلبله ده انا مدوقتش في حياتي زيها واللي كان يشوف اي تورته ليكي مستحيل كان يقول انها معموله في البيت من كتر ما شكلها كان بيبقي تحفه فكرتيني والله يا بلبله صحيح انتي ليه مبقتيس تعملي نسيتي ولا ايه
نبيله نسيت ايه يابت دي كانت اكتر حاجه بحبها بس مبقاش في مزاج اخر تورته عملتها كانت يوم تلبيس دبل دره وكرم ومن بعد اللي حصل معملتش تاني ولا حبيت نعملوا
دعاء وايه اللي فكرك بالحوار ده بعد كل السنين دي 
نبيله بأبتسامه امبارح كان عيد ميلاد الولا هيما وبكره هنتجمعوا لاول مره علي سفره واحده من عشرين سنه فكرت نعمل عيد ميلاده ونحتفل بيه مع بعض وتبقي ذكري حلوه نرجعوا بيها من تاني ولا ايه رأيك
دعاء ودي عايزه كلام يا بلبله حلوه الفكره طبعا واهو بالمره ندوقوا من تحت ايدك احلي تورته بس الاول هنلحقوا
نبيله اكيد هنبدأوا بيها هي انهارده وهنخلصوا كل حاجه بكره هنصحوا من النجمه نكملوها لحد ما تنزلي ونخلصوا الاكل سوا
دعاء طب قوليلي عايزه ايه للتورته
نبيله اكتبي ورايا 
كتبت دعاء وراها كل حاجه و الجرس رن قامت تفتح 
دعاء صباح الهنا
دره صباح السكر بتعملوا ايه 
نبيله بنجهزوا
لعزومه بكره ادخلي
دره لا مستعجله انا والبنات
دانه بونچور بلبله بونچور يا دودو
دعاء صباحك فل
نبيله  ما تقولي يا اختي صباح الخير لازم عوجت اللسان
دانه بضحك علي طول معترضه كده يا بلبله
ديما انا هلحق نفسي صباح الخير يا جماعه
ضحكت دره علي ديما
نبيله اهو كده النبي عربي يابت
دعاء صباحكم ورد وفل 
نبيله امال فين اختكم 
دانه ااااا قاطعتها دره بسرعه
دره معندهاش محاضرات مهمه انهارده فا هتقعد تذاكر وتريح في البيت
نبيله طيب ماشي خليها ترتاح هتروحوا لوحدكم انتوا يعني
دانه اه حسن مش رايح هو كمان بس سماح هتيجي وممكن محمد واحمد
نبيله طيب
دره يلا بقي بلاش رغي هنتأخروا وبعدين كملت كلامها و بصت لنبيله ودعاء وانتوا ارحموا روحكم شويه من تحضير العزومه ووقفت المطبخ ماله الجاهز غاويين تعب
نبيله بصوت عالي نسبيا ما طبعا يا ست الدكتوره ان مكنتيش تقفي تدينا اوامر هتدي لمين مالها واقفه المطبخ يا واطيه
دره بضحك يلا يابنات ده بدايه ربع اسكندراني إنما ايه
دعاء انا بقول اجري بسرعه
نبيله وقفه المطبخ دي يابت لو عيشتي عمرك كله مش هتعرفي توصلي لنص اللي بنعملوا
دره ولا حتي ربعه استهدي بالله بس
نبيله احيه البت جايه تقولنا احنا ماله الجاهز وكفياكم شغل مطبخ بتشوفي روحك علينا يابت
دره والمصحف ما حصل احيييه
نبيله يابت انتي دكتوره عبي ما تفرج 
دره بضحك انتوا واقفين تتفرجوا عليا وانا بنتهزق اخلصوا
ديما لا بليز خلينا شويه نكمل الربع
نبيله نعم يا اختي انتي كمان بتكملي برنامج علي التلفزيون ما طبعا بنت مين يعني ما انتي بنت اوكس واحده في الدنيا 
دره باي يا دعاء كده بدأت تدخل في الاعراض وانا مش هنسكتلها
دعاء هموووت
نبيله وتسكتيلي ليه ان شاء الله تعالي يابت وريني روحك قال ايه ماله الجاهز وتموتوا في وقفه المطبخ احيه عليااااا امال يابت تبقي مره علي حق ازاي وانتي مبتعرفيش تعملي غير بيض مسلوق
دانه بضحك لا حرام بتعرف والله
نبيله اتنيلي يا موكوسه دي ضاحكه عليكم بالاكلتين اللي حفظتهم بالعافيه وبعدين مين اللي بيشهد لمين يابت ده انتي نسختها اخر مره واقفه تهندسي علينا حطوا ده واعملوا ده وواقفه تاكل بالظبط زي امك 
دره بضحك خلاص يا بنات سمعتوا واتبسطتوا ايه رأيكم في الربع بتاع بلبله
نبيله حطت أيدها تحت دقنها وعوجت بوقها هو انا كده قولت ربع انا بس كنت بنفهمك غلطك
دره احيه امال لو ادتيني ربع 
دعاء بضحك يا بت روحي علي شغلك وبلاش لماضه مش هتسكتلك دي انا عرفاها كويس
دره بضحك قربا من نبيله وباستها من خدها جامد
نبيله بأبتسامه يابت فعصتي خدي اوعي
دره باي يا دودو باي يا احلي بلبله
نبيله بحب بالسلامه خدي بالك من روحك وانتوا يابنات خدوا بالكم من بعض 
دخلت وقفلت وبعدين بصت لدعاء 
دعاء كان لازم الربع بتاعك عالصبح 
نبيله احيه ماهي اللي جرت شكلنا انا مالي 
دعاء بأبتسامه طب يلا شوفي في حاجه تاني ولا ننزلوا
نبيله لو افتكرت حاجه تاني هنكلموكي بس اعمليلي فنجان قهوه قبل ما تنزلي
دعاء عيني
نزلت دره والبنات بصت علي المحل عشان تلمح كرم مكانش واقف حاولت تدور عليه بعينها من تحت النضاره لكن ملاقتهوش 
زكريا صباح الفل يا بنات
دره صباح الفل يا حبيبي بنقولك ايه هنزعلك بلبله
زكريا عملتلك ايه
دره لسه مسمعاني ربع عالسلم يرضيك كده
زكريا وايه الجديد دي علي طول مسمعه الخلق كلها ارباع 
دره بضحك احيه وانا اللي فكراك هتنصفني وتجيبلي حقي
زكريا طب خليها من حد تاني لكن دي بلبله بردوا يابت
ضحكت دره و غمزتله ايوه بقي ماشي يا سيدي سماح المرادي بس
انا هنمشي بقي عشان متتأخروش
زكريا في حفظ الله سلام يا بنتي سلام يا بنات
ديما باي يا جدو
دانه باي يا جدو
خرجت دره من الشارع واتصلت علي كرم كان موبايله مقفول حست بقلق بسيط
الصبح مصحهاش ولا بعتلها رساله هي اللي بعتتله بس مردش كمان مش موجود و قافل موبايله هيكون راح فين بعتتله رساله تاني
دره كرم انت فين الصبح بعتلك رساله لما صحيت وانت مردتش والوقت موبايلك مقفول وكمان مش واقف تحت انت فين طمني عليك 
قفلت دره الموبايل وهي دماغها شغاله وعماله تفكر ممكن يكون راح فين وهي في طريقها للمستشفي عدت علي المارينا اللي عليها ابن ليل
ركنت ونزلت تشوف اللانش من بعيد
كان موجود مكانه و كرم مش عليه 
أطمنت شويه لما شافت اللانش مكانه عشان البحر كان عالي راحت ركبت عربيتها وطلعت علي المستشفي 
اتصل هيما علي دارين حاول يكلمها عادي و يطمن عليها عشان منزلتش مع اخواتها اتصل مرتين لحد ما الموبايل كان بيفصل وهي مش بترد
هيما بأبتسامه مبترديش عليا
يا دارين ماشي ملحوقه
اتصل علي دانه
دانه هاي هيما
هيما هاي
دانه بضحك ومالك مش طايق نفسك كده ليه
هيما ما كله بسببك 
دانه الله وانا مالي طيب
هيما اختك فين
دانه في البيت
هيما منزلتش معاكم ليه
دانه بضحك بتهرب منك اكيد
هيما ضحك ڠصب عنه ومالك فرحانه كده ليه وفخوره بإنجزاتك
دانه انا قولتلك ان مليش دعوه هي اللي سمعتني انا وديما بس عموما سيب الموضوع عليا انا هحله
هيما لا شكرا لخدماتك انا هنتصرفوا
دانه بضحك تصدق انا غلطانه المفروض معملش معاك خير ابدا واصلح الموقف وانا غلطانه كمان ان قولت لمامي عشان تكلم دارين 
هيما پصدمه احيييييه خدي هنا قولتي لمين
دانه فضلت تضحك مامي
هيما مامي في مسجد عالناصيه فيه ميكروفون منزلتيش مسكتيه ليه وسمعتي الخلق
دانه متفهمنيش غلط
هيما والله ولا حتي صح اقفلي اقفلي يا دانه انا غلطت من الاول لما قولتلك ما كنت قولت لديما طيبه وبنت حلال ولسانها قافله عليه
دانه يا هيما اسمعني والله مامي اللي سألت دارين مالها واحنا قولنالها وكمان هي مبسوطه من موقفك جدا وقالت هتكلم دارين عشان مينفعش تهرب منك خصوصا انك المفروض كأنك مش عارف
هيما بضحك تصدقي بالله انا اللي مش عايز نبص في عينها وبنفكروا منجيش بكره العزومه دي اقول عليكي ايه بس
دانه خلاص بقي قلبك ابيض 
هيما ماشي يا ستي اما نشوفوا اخرتها
دانه محمد احمد فين
هيما لسه طالعين وراكم من شويه
دانه بنكلمهم موبايلاتهم مقفوله 
هيما احمد نسي يشحن موبايله ومحمد يمكن شبكه بس اكيد هيكلموكم
دانه اوك يا هيما عايز حاجه
هيما بضحك شكرا يا طيبه 
دانه ضحكت باي
هيما باي 
قفل هيما معاها واتصل تاني بدارين بردوا مردتش فا قرر يبعتلها رساله 
هيما ممكن تردي عليا 
شافت دارين الرساله من بره وسابت الموبايل
دارين بصوت مسموع هرد عليك اقولك ايه انت كمان ده انا مش بس مش هرد عليك ده انا مش هوريك وشي تاني
ابدا 
سمعت صوت رساله تانيه 
هيما طب ايه افهم من كده انك مش عايزه تكلميني ولا خاېفه تردي عليا عشان مطلبش باقي طلبات العيد ميلاد
حاول هيما علي قد ما يقدر يحسسها انه بيهزر وزيبعدها خالص عن التفكير في الموقف لكن دارين مكانتش قادره لان هي عارفه ان هو اللي شاف دانه واللي بيعمله ده مش اكتر من انه يحسسها ان مفيش حاجه حصلت
تصرف هيما كان بيزود إعجاب دارين بيه و بيكبره في نظرها لكن هي ڠصب عنها الموقف محرج جدا يمكن لو كانت علاقتها بيه قويه او بقالهم كتير مع بعض كانت ممكن تعدي اه الموقف هيبقي محرج بردوا لكن ارتباطهم القوي ببعض كان هيخليها تتخطي الموقف بسرعه لكن هما علاقتهم لسه مبدأتش هو اعترف بحبه من قريب وهي يادوب اول يوم امبارح تفك معاه شويه فا الموقف محرج جدا 
فضلت دارين حاطه صباعها في بوئها مربعه رجلها علي السرير وعينها علي الموبايل وكل رساله تجيلها تبص فيها من بره عشان ميعرفش انها فتحتها 
وطبعا حركتها دي توقعها هيما ببساطه و بعتلها رساله بصوته 
هيما واضح