رواية ابن ليل بقلم اميرة اسامة ج٤

العيله كلها عارفه بس بردوا لسه سر لانه مخرجش من بينا طول السنين دي
كرم.....وايه اللي جد يا بكر عايزه يخرج ليه
بكر....وانت
عايزه يفضل مدفون لحد امته يا صاحبي
كرم....مين قالك اني هخليه مدفون قريب اوي مش هيبقي في سر والكل هيعرف بس اللي انا مش فاهمه انت مالك مش حاسس ان هو ده اللي جابك لحد هنا جواك ايه يا صاحبي خرجه عشان ترتاح.
بكر.....طول عمرك بتحس بيا زي ما بحس بيك بالظبط وبقرأ اللي في عينك وقلبك
كرم....بابتسامه بسيطه احنا مش عشرة يوم ولا اتنين يا بكر احنا فتحنا عينينا علي الدنيا واحنا بنتسندوا علي بعض
بكر...كويس انك عارف ده يا كرم وحاسس بيا
كرم....و منقدرش ننكروا ده يا بكر
بكر....يعني لو خرجت اللي جوايا يا كرم هتجاوب عليه وتريحني
كرم....في ايه يا بكر ما تتكلم دوغري علي طول
بكر......بص للبحر وبعدين اتنهد تنهيده طويله و بصله بتوتر بسيط انت في حاجه جديده بينك وبين دره يا كرم
بصله كرم ومتكلمش اټصدم من سؤاله لكن سكت ثواني عشان يقدر يرد عليه وميبانش عليه حاجه
بكر.....سكوتك بيرد علي سؤالي بأيوه يا كرم 
كرم.....انت بتسأل ليه اصلا
بكر....ايه مش من حقي نسأل صاحب عمري علي اي حاجه تخصه ولا هو انا لازم نكون كتاب مفتوح ليك وانت تبقي كتاب مقفول
كرم.....انا طول عمري كتاب مفتوح ليك يا بكر انت كنت عارف اللي ابويا وامي واخواتي ميعرفهوش
بكر.....حصل بس ده كان لحد قيل ما دره تيجي مصر
كرم....وايه اللي جد بعد ما جت يا بكر مش فاهم
بكر....حجات كتير يا كرم
كرم....زي ايه انا عمري ما خبيت عليك حاجه قولي علي حاجه واحده خبيتها عليك او اتغيرت فيها معاك
بكر.....اول تغييرك يا كرم الهروب
كرم....هروب
بكر....اه هربت من سؤالي و توهتني معاك في الكلام سألتك يا كرم في بينك وبين دره حاجه جديده.
بصله كرم تاني وسكت مش عارف يقوله ايه
بكر.....ولتاني مره هنقولك يا كرم سكوتك بيرد علي سؤالي بايوه.
كرم.....انت عايز توصل لايه يا بكر 
بكر.....عايزك تجاوب علي سؤالي
كرم.....ولما اجاوب هتستفاد ايه
بكر....هستفاد ايه لا من ناحيه هستفاد فا هستفاد كتير اول حاجه اني هتأكد ان كرم صاحب عمري مكانش ناوي يخبي عليا تاني حاجه هقدر اخرج اللي جوايا وانا مرتاح بس معني سؤالك ده انك مكنتش ناوي تقولي اصلا
كرم....بإرتباك لا يا بكر مش كده بس. 
اااا انا يعني مستغرب سؤالك وطريقتك وملامحك ولأول مره مبقاش عارف افسر اللي جواك يا صاحبي
بكر......بالظبط نفس احساسي من ناحيتك يا كرم مش عارف افسر اللي جواك ولا عارف افهمك أصل الاجابه لو لأ مش هستغرب لان إجابتك هتكون طبيعيه وفي محلها..ماهو طبيعي ميبقاش في بينكم حاجه بعد كل اللي حصل ده لكن لو اه يا كرم.!!
كرم......هيحصل ايه يا بكر 
بص بكر في عين كرم وسكت
كرم.....هيحصل ايه لو اه هاااا رد عليا
بكر.....يعني اعتبر ده رد علي سؤالي وفعلا في بينكم حاجه
كرم....اعتبره رد يا بكر بس اللي انا مش فاهمه يا صاحبي انت مضايق ليه ده انا فكرت انك اول واحد ممكن يفرحلي.
قام بكر وبصله پصدمه وڠضب
بكر....افرحلك لييييييه انت اكيد اټجننت يا كرم
كرم.....قام وقف وبصله بكررررر
بكر....بكر ايه وزفت ايه هو انت خليت فيها بكر دره يا كرم دره ملقتش غير دره
كرم.....پغضب بكرررررر خد بالك من كلامك وقبل مالسانك ينطق حرف واحد اوزنه بعقلك الاول عشان منزعلش من بعض
بكر.....للدرجادي يا صاحبي عايز تزعل مني عشان خاېف عليك
كرم....وهو فين الخۏف عليا في كلامك ده يا اخي ده انت بالذات اللي فكرت انه هيفرحلي من قلبه بعد كل اللي شوفته ده
بكر.....پغضب وۏجع ماهو عشان اللي انت شوفته ده بنقولك مينفعععععش عشان وجعك طول السنين دي بنقولك مينفعش انت فاكرني مضايق يا كرم انك أخيرا ارتحت بالعكس انا اكتر حد ممكن يفرحلك بس لو انا شايفك هترتاح بجد انا اكتر حد عارف انت مريت
بايه يا كرم اكتر حد شهد و بصم علي كل لحظه ۏجع وحزن انت عيشتها بسبب دره جاي الوقت و عايزني بسهوله كده نفرحلك طب انت فرحان و هنعدوها ماشي ماهو في النهايه هي دي اللي قلبك حبها وقفل عليها فا طييعي تفرح والدنيا تنور في عينك وزي ما بيقولوا مرايه الحب عاميه بس انا نفرحلك ليه وازاي لو انت نسيت العشرين سنه بسهوله كده انا مش هنقدر ننسي ۏجع
وچرح صاحبي مش هنقدر ننسي حياته اللي كانت يوم عن يوم بتسود في عينه انت كنت ضايع يا كرم انت عارف اتغير فيك حجات قد ايه بسببها يا اخي ده انت لسه كنت واقف في وسط بيتهم وبتهددها بالسلاح عشان بس عرفت انها رجعت انت قعدت عشرين سنه تستحلف وتقسم وتوعد بقټلها ده انا خۏفت عليها 
منك اول ما عرفت انها وصلت مصر وخۏفت عليك تدخل السچن تاني بس المرادي وانت قاټل بجد خۏفت من النظره اللي شوفتها في عينك لما جريت وراك عشان مترتكبش فيها مصېبه
لاحقت امته يا كرم ترجع لاحقت امته تنسي لاحقت امته تحبها.
كرم....بۏجع وانا امته نسيت حب دره يا بكر امته صدقت كل كلمه لساني كان بينطقها وهو بېهدد بقټلها ده انت ونبيله اكتر اتنين كنتوا بتبتسموا لما نحلف ونقول اني هنقتلها كنتوا ديما تقولولي اللي بيحب بجد عمره ما يأذي كنتوا عارفين ان لساني كداب وكنتوا مصدقين قلبي اللي انا كنت عامل نفسي مش مصدقه جاي الوقت وبتحاسبني يا بكر علي حبها اللي مطلعش عمره من قلبي
بكر....اه هنحاسبك يا كرم بس مش علي حبك ليها اللي مطلعش من قلبك.
بس هنحاسبك علي قلبك اللي ضعف من حبها وساقك وراها من تاني هنحاسبك علي قلبك اللي مبيعملش اي حاجه ليك غير انه تاعبك حبك ليها مش چريمه عشان القلب ملوش سلطان يا كرم بس اكبر چريمه بترتكبها في حق نفسك انك ترجع تاني لدره اللي انا وانت عارفين انها محبتكش وحبت غيرررررك
كرم....ده كان زمان مش الوقت يا بكر دره الوقت بتحبني انا
بكر....امته وازاي لحقت امته تحبك يا كرم ولو هنفترض ان الحب بيدخل القلب من غير معاد وفعلا حبتك زي ما انا شوفت في عينها يا صاحبي
هتقارن حبك بيها طول السنين دي بحبها اللي لسه مولود في قلبها ليك من فتره بسيطه
كرم......حتي لو مش هنقارنه يا بكر وحتي لو كلامك فيه وجهه نظر بس انا ليا وجهه نظر تانيه الحب اللي بجد يا بكر مبيتقاسش بعدد السنين مش هناخد حبنا ونقف نوزنه ونقول مين فينا بيحب التاني اكتر وفي حاجه مهمه انا قولتها انت شوفت حب دره في عيني ودي عندي كفايه يعني انا صح ودره حبتني بجد
بكر.....اه شوفت حبها ليك في عينها سوفت نظراتها شوفت كلامها مش هنكدب عليك في البدايه شكيت انك فجأه اتغيرت معاها وهديت عليها وقولت انت بتعمل كده عشان توقعها في حبك وتردلها القلم وتخليها تجرب جزء بسيط من اللي عملته معاك ومس هنكدب عليك بردوا لما عرفت انها مكانتش بتحبك زمان صعبت عليا وقولت حرام توجعها بعد كل اللي شافته معاك ده بس اللي انا شوفته منك اكدلي ان اللي بتعمله ده مش اڼتقام يا صاحبي ده حب الاعمي هيشوفه بعينه والاهم اني عارف ان صاحبي راجل ميعملش كده في بنات الناس
كرم.....ولما انت ارتاحت اني مش بعمل كده عشان انتقم منهل واتأكدت من حبها ليا فين المشكله ليه مش شايف فرحان
بكر.....عشان خاېف عليك خاېف علي صاحبي اللي اتوجع زمان ومعنديش اي ضمان يطمني انك مش هتتوجع تاني عشان انا شوفت معاك ايام سوده اتمنيت كتير انك تخرج منها بالسلامه عشان انا اكتر حد شاف قلبك وهو پينزف عشان سمعت كميه اااااااه مكتومه في قلبك ورفضت انك تطلعها
عشان مش بعد كل السنين دي ترجع لدره حتي لو لسه بتحبها دره زمان سابتك وهي بطولها والوقت راجعه وهي معاها تلات بنات اطول منها راجعه معاها عرايس مش اطفال انت ايه ذنبك تكمل علي كده بدل ما تعيش وتتبسط معاها هتدخل معاها في دوامه بناتها بدل ما تشم نفسك وتعوض سنين عمرك اللي ضاعت مع عروسه مناسبه ولا بنت بنوت تخليك تشوف الدنيا بعينها ترجع تاني لۏجع القلب
كرم....بكررررر كفايه انت ايه اللي جرالك ومالك ومال دره حاطتها في دماغك ليه دي دره يا بكر دره
بكر.....انت مفكر اني بنكره دره وحاطتها فوق دماغي زي ما بتقول انا عمري ما كرهتها يا صاحبي ولا عمري هنكرها دره غلاوتها عندي من غلاوه دعاء اختي البت الجدعه المجنونه اللي
كانت كلها حياه اللي بضحكنا من قلبنا اللي في قلبها علي لسانها اللي وقت الجد بتبقي بمېت راجل واللي وقت الشده مش هتلاقي احن منها النسخه بتاعت مها اختك اللي خطفتني وخلتني نحبها من غير ما نحس عارف كل ده يا كرم ومش محتاج انك تفكرني بيه بس زي ما هي دره انت كرم صاحبي واخويا اللي مقبلش اشوفه تاني موجوع اللي اتمني اشوفه اسعد حد في الدنيا دره كويسه وفيها كل الصفات الحلوه وكلنا ياسيدي ظلمناها وجينا عليها زمان بس ده مش كفايه يا كرم.
كرم.....مش كفايه اني افضل بحبها يا بكر مش كفايه اني مش شايف غيرها ولا عايز بديله ليها انا مش عايز اشوف دنيتي في عين بنت البنوت يا بكر انا عايز اشوف دنيتي اللي اتحرمت منها في عين دره وبسسسس
بكر.....دره لو مكانش حصل معاها كل ده مكانتش رجعت يا كرم افهمممم
كرم....عاااااارف بس حصل معاها كل ده ورجعت ودي اهم حاجه. رجعت عشان ربنا عايز كده عشان ترجع لمكانها الطبيعي في قلبي يا بكر رجعت عشان تعرف حقيقه جوزها اللي اتخدعت فيه والاهم ان السنين اللي كانت فيها بعيده عني اتاكدت انها مكانتش بتاعتنا مكانش لينا نصيب فيهم مع بعض هي رجعت وعرفت قد ايه انا كنت بحبها ولسه بحبها رجعت حد جديد غير دره بتاعت زمان وشوفت في عينها اللي اتمنيت اشوفه ومقدرتش .
بنات دره عمرهم ما هيكونوا عبئ عليا ولا هيأثروا في حبي ليها مش محتاج اشوف غيرها عشان قلبي مش هيطاوعني اعمل كده وبنت البنوت اللي انت شايف انها هتعوضني دي مش هتقدر تديني اللي محتاجه من دره ولا هتقدر تخليني اشوف الدنيا بعينها بالعكس هي او اي حد مناسب ليا من وجهه نظرك مش هيشوفوا معايا غير ۏجع لاني مش هقدر اديهم فرصه يبصوا في عيني حتي
بكر......انا خاېف عليك يا كرم خاېف عليك يا صاحبي وجعك عامل زي الشريط