رواية ابن ليل بقلم اميرة اسامة ج٤

ستي اي طلبات تاني يا هانم
دره بإرهاق فردت رجلها بعيدا عن التريقه بس اه كمل جميلك واعملي قهوه
بصتله دره بطرف عينها
دره احيه هو حضر ولا ايه
كرم هو مين
دره شيطانك اللي مسوحك عليا علي طول ده
كرم بضحك لا والله ابدا عموما بصي في شنطه هناك علي التربيزه اللي فيها كله بتاعك وفي كمان جبن وحجات كتير في التلاجه
دره فيها ايه الشنطه دي
كرم روحي وانتي تعرفي
دره لا مش هروح اكيد فيها الفار اللي كان هنا
كرم روحي يا خوافه الفار الله يرحمه
دره احييييه ماټ 
كرم انتي لسه فاكره نشف من البرد
دره انت السبب يا مفتري قولتلك خده معاك
كرم اخده أهبب بيه ايه يا مقرفه
دره طيب بزمتك مفيش مقلب في الشنطه دي 
كرم وحياة دره عندي ما فيها حاجه
دره ماشي
راحت دره فتحت الشنطه لقت فيها شوكلت و كرواسون من مكان دره كلنت بتحبه اوي
دره ايه ده احييييييه انت لسه فاكر
كرم اي خدمه قولت اكيد مكلتيش من عنده ولا مره من يوم ما جيتي
دره انا ازاي اصلا نسيته
كرم انا منستش يلا خدي قهوتك
دره الله بجد كنت بحبه اوي
كرم وهو بېموت فيكي
دره هو مين 
كرم بضحك الكرواسون اسلكي شويه بقيتي سافله
دره بضحك انا بردوا
راحوا قعدوا مع بعض ۏلع كرم سېجاره وبصلها بحب وهي بتاكل ومستمتعه ومش معاه بصت دره عليه بطرف عينها
دره ايه بتبصلي كده ليه اكيد بتقول عليا طفسه صح
كرم لا والله بس شكلك حلو وانتي بتاكلي ومستمتعه بالاكل كده
دره كنت ھنموت من الجوع
كرم بالف هنا يا عمري يلا خلصي اكلك كله
دره طيب انت مش هتاكل
كرم لا با حبيبي مش جعان كلي انتي
دره قربت منه الكرواسون طيب كل حته صغيره عشان خاطري
ابتسم كرم وحط كف ايده علي ايدها وكل حاجه بسيطه وبعدين باس ايدها بحب
كرم يلا كلي انتي 
ابتسمت دره بحب
ورجعت تاني تاكل 
كرم ايه اطمنتي علي البنات
دره اه كلمتهم من شويه ومبسوطين وهيما اتبسط اوي
كرم لسه مقولتلهوش كل سنه وانت طيب الجزم دول نبهوا عليا عشان ميعرفش
دره لما يرجع ابقي قوله
كرم طيب قوليلي انتي بقي الصبح كنتي عايزه تسأليني سؤال وقولتي لما اشوفك
دره اممم مبتنساش انت ابدا
كرم مقدرش انسي حاجه قولتيها وبعيدن انتي كنتي عيزاني انسي رجعتي في كلامك ولا ايه
سابت دره من ايدها الكرواسون وبصتله
دره لا مرجعتش في كلامي طبعا
كرم طب يلا سامعك 
دره هو سؤال جه علي بالي ومش عارفه إجابته عرفت انك زمان يا كرم كنت بتحبني مع اني عمري ما حسيت بحبك ده يمكن زي ما قولت انت قبل كده شخصيتك كانت مختلفه خجول زياده عن اللزوم مش قادر تعبرلي عن حبك ده وبالتالي انا عمري ما حبيتك حبي ليك كان حب اخوي مش اكتر بس لما رجعت انا لاقيت كرم تاني مختلف تماما ومن غير ما حس وقعت في حبك
كرم السؤال بقي
دره انا ليه حبيتك يا كرم عشان بقيت مهتم بيا اكتر عشان قدرت توصلي حبك و تعبرلي عن مشاعرك ولا عشان ايه بالظبط انا عارفه ان الاهتمام مطلوب في اي علاقه بس هو الاهتمام كده اهم من الحب ولا الحب اهم من الاهتمام
كرم بحب الاتنين مهمين يا دره ومن غيرهم مش هيبقي في علاقه ناجحه
الاهتمام مش افضل من الحب لكن الاهتمام اللي بيصنع الحب 
انا معترف يا دره ان زمان كنت بحبك ومش هقول اني مكنتش مهتم بيكي
بس حبي و اهتمامي مكانوش ظاهرين 
ليكي وعشان كده انتي مقدرتيش تشوفيني اصلا في حياتك
دره وايه اللي اتغير يا كرم 
كرم الجرأه يا دره الحب والاهتمام من غير جرأه مش هيطلعوا من قلبك لازم تثبتي بالفعل والكلام للشخص اللي بتحبيه انك فعلا بتحبيه لازم يحس بحبك ده واهتمامك وانا زمان مكانش عندي الجرأه دي وزي ما قولتلك قيل كده انا زمان كنت بحبك ولما بعدتي فكرت اني ممكن اكرهك بس مع الوقت حبك في قلبي بقي يتضاعف من غير ما حس لحد ما قلبي أتملأ بحبك واول ما رجعتي اڼفجر ومبقاش قادر لا يخبي ولا يداري 
دره بحب يعني أهتمامك كان سبب حبي ليك
كرم اكيد يا دره وبعدين هو ده بقي السؤال اللي مجننك من الصبح
دره مستغربه روحي يا كرم عايزه اعرف ايه اللي خلاني احبك الوقت وليه مقدرتش احبك زمان
دره احكيهالي 
كرم نحكيهالك يا ستي اولا اللانش ده مش بتاعي او كان مش بتاعي
دره لا مش فاهمه
كان بيعدي عليا بالاربع ايام محطش اي حاجه في بوقي مكنتش بناكل ولا بنشرب صحتي كل ساعه كانت في النازل وتقريبا في شهر بقيت نص وزني وطبعا قلت الاكل والشرب أثرت بالسلب علي صحتي مبقتش نقدر حتي نقف وكل ما نقف نتسد علي الحيطان ونشوف الدنيا قدامي الوان اتنقلت اكتر من مره علي المستشفي 
شويه شويه حالة الاڼهيار اللي كنت فيها بدأت تهدي لكن كمان بدأت اسكت مكنتش بننطق ونادرا لما صوتي يطلع
في الفتره دي اتعرفت علي واحد كان مسجون بقاله 15 سنه في قضيه قتل بردوا قتل مراته وعشيقها وخد المده دي لانه مثل بجثتهم بعد ما ماتوا 
دره كانت بتسمعه وهي متأثره اوي
الغريب ان الراجل ده تشوفيه مستحيل تصدقي انه ممكن يطلع منه لفظ خارج بيصلي الوقت بوقته محبوب من كل السچن سواء مسجونين او رتب
الكل كان بيحترمه كلمته مسموعه تحسي انه نزيه جدا في نفسه حياة السچن مأثراش عليه ولا حتي واحد في الميه كان چان و أسلوبه جميل مثقف تحسي انه دارس في كل حاجه لما تتكلمي معاه في اي موضوع كان بيتعامل مع كل اللي من سني علي انه ابوهم مكانش مخلي اي حد نفسه في اي حاجه 
الراجل ده شاف حالتي لما دخلت حاول بكل الطرق انه يحتضني ويقرب مني صراحه عمري ما سوفت حد في السچن بيحاول يضايقني او يفرد عضلاته عليا والفضل كله للراجل ده حتي الناس اللي كانت معانا في العنبر كانوا زيه او تقدري تقولي اتعلموا منه حتي اللي كان مسجل فيهم ربنا هداه علي ايده
فضل يحاول معايا لحد ما عدي الشهر الصعب ده عليا وبدأت اهدي مكانش ليا كلام مع حد بس
هو كان ديما يكلمني كنت بسمعه من غير ما ارد عرفت ان الراجل ده رغم ضحكه وحبه للحياه إلا انه شايل ۏجع يهد جبال
وقتها بدأت لاول مره اتكلم معاه واحكيله يومها حكالي حكايته دي وقالي مش عيب انك تضعف وټنهار بس العيب انك تفضل كده العيب انك توقف حياتك قالي انا يوم ما اتحكم عليا حالتي كانت اضعاف حالتك وحاولت الاڼتحار اكتر من مره لاني كنت كاره الحياه بس رجعت وقفت علي رجلي وكملت اه كملت وانا مسجون ومتقيد بس عرفت قيمة ان حياتي تكون غاليه عندي ومن يومها انا وهو بقينا صحاب رغم فارق العمر بينا قلهالي كتير انا بشوف نفسي فيك ومستحيل اسيبك تضيع زي ما انا ضيعت سنين جوه ۏجعي وفعلا مسابنيش اكلنا وشربنا كانوا مع بعض حكالي تفاصيل حياته حكالي ازاي بدأ من الصفر كان فين وبقي فين اتعلمت منه في شهور بسيطه اللي مستحيل اقدر اتعلمه طول حياتي 
وخرجت قبله بحوالي ست شهور وكنت كل زياره اكون عنده لحد ما خرج مكانش بيسبني ولا بسيبه مكانش ليه اي حد نص عيلته ماټت وهو في السچن والنص التاني مسألش فيه مكانش ليه اخوات عرفني علي ناس تقيله اوي اوي و منين ما كان يقعد مع حد يقولهم ده ابني اللي مخلفتهوش
لحد ما في يوم تعب واكتشف ان عنده القلب وكان محتاج يعمل عمليه قلب مفتوح كنت ديما معاه خطوه بخطوه
لحد ما في يوم اتصل بيا علي الفجر وقالي اول ما النهار يطلع تكون عندي
بصراحه مقدرتش استني صوته كان تعبان ومكانش مطمني خۏفت يكون تعبان ومش راضي يقولي روحتله يومها ضحك وقالي ايه اللي جابك مش قولتلك لما النهار يطلع قولتله مقدرتش خۏفت تكون تعبان ابتسم وطبطب علي ايدي وفضل ساكت اكتر من اربع ساعات مش بيتكلم فكرت وقتها انه فعلا حاسس انه تعبان ومش حابب يفضل لوحده وعلي الساعه عشره الصبح الباب خبط قال قوم افتح فتحت لاقيته المحامي بتاعه دخل وقعدنا و بدأ كلام وعرفت يومها انه اتنازلي عن كل حاجه بيملكها اټصدمت فضلت دقايق لا عارف ارد ولا عارف استوعب ولما بدأت استوعب الكلام اللي سمعته وقفت زي اللي قرصه تعبان
وقولتله لا مستحيل انا مش عايز حاجه كنت مضايق ومتعصب مش عشان كتبلي املاكه ومستني امضتي لكن عشان كنت اول مره احس انه ضعيف وضعفه ده وصلي وحسيت انه حاسس يجراله حاجه في العمليه وقتها انا رفضت الفكره مكنتش متخيل اني ممكن اخسره مسك ايدي وقعدني وحاول يهديني ويقنعني رفضت
يومها قالي كلام حافظه لحد الوقت وهو بيترجاني وماسك ايدي قالي 
كرم انا تعبت اوي في كل حاجه وصلتلها اتمنيت يكون ليا ابن من صلبي عشان يشيل أسمي ويحافظ علي كل حاجه سيبتهاله مشوار حياتي كان صعب وبدأ من تحت الصفر مليش اي حد يحافظ علي الاسم اللي بنيته مليش حد يشيل اسمي ومقدرش اثق في حد غيرك
قولتله اشمعني انا انت أتعرفت علي ناس كتير اوي قبلي وكنت قريب من الكل
قالي بس انت الوحيد اللي شبهي انت اللي هتقدر تعبي وتحافظ عليه انت اللي هتصون الامانه انت ابني اللي مخلفتهوش يا كرم
قولتله انا هضيع تعبك كله في لحظه انا مفهمش في شغلك ولا ليا في الهندسه
قالي الشركه شغاله بعمال وكام مهندس يتعدوا علي صوابع الايد والكل ساب الشركه واتخلي عنه بعد ما اتسجن واتقفلت الشركه سنين هو رجع فتحها وشغلها بعد ما خرج لكن للاسف مقدرش يرجعها زي الاول لانه كان تعب
فا قالي اقفلها والارض اللي عليها حلال عليك اعمل فيها اللي يعجبك بس وصيتك الناس اللي شغاله فيها الناس اللي فضلت معايا وبمجرد ما خرجت وكلمتهم سابوا دنيتهم ورجعولي وحاولوا يقفوا جنبي
سكت وكنت مصډوم معرفتش انطق
مسؤوليه كبيره وقرار صعب
قالي متفكرش لاني معنديش بديل غيرك كل حاجه بملكها بقت بتاعتك وناقص عليها امضتك مش شرط تكمل طريقي كمل مشوارك بطريقتك انت بالطريقه اللي بتفهم فيها وانا زي ما قولت مليش اي طلبات غير انك متقصرش مع اي حد وقف معايا وفي ضهري وانا عشان واثق
انك مش هتتخلي عنهم اختارتك انت
قولتله انت ليه بتتكلم علي انك هتعمل العمليه ومش هترجع انت هتبقي كويس
قالي لو رجعت من العمليه سليم قراري مش هيتغير لاني مش هقدر