رواية ابن ليل بقلم اميرة اسامة ج٤

يخلص
كرم....عدت علي الخير الحمد لله المهم الوقت انا عايزكم تاخدوا امي وابويا ونبيله وعم زكريا تروحوهم هنا مش حمل البهدله دي لازم يرتاحو كمان مش عايز عدد كبير هنا انتوا شايين المستشفي مقلوبه ازاي
بكر....وانت تفتكر هيرضوا يروحوا دول دماغهم انشف مننا
كرم...لا ماهو لازم يروحوا وانتوا كمان تروحوا معاهم عشان ترتاحو
بكر....لا انا مش هنمشي انا قاعد مع العيال وبعدين لازم مرافق
عبدالله....وانا كمان مش هنسيبك ولا نسيب العيال ااحمد لاه حسن كويس بس باقي العيال تعبانين وانت مشغول مع باقي العيانين مين هياخد باله من كل دول
كرم.....ماهو كده هما مش هيمشوا ولا هيرضوا يسمعوا الكلام وبعدين انا عايزكم تروحوا ترتاحو شويه عشان ممكن بكره احتاجكم معايا مش
عايز اسيب عمرو لوحده في ظروفه دي. وفي نفس الوقت لو مقدرتش انتوا تقفوا معاه بدالي عمرو دكتور محترم وظروفه اللي بيمر بيها صعبه عليه
بكر...انا معاك في اي حاجه بس مرواح مش هروح
كرم....بسخريه وبتكلمني علي الدماغ الناشفه شوف روحك الاول يلا تعالوا
عبدالله....كرم صحيح انت عرفت ان منكش كمان هنا ودخل العمليات
كرم....منكش لا معرفتش هو فين
عبدالله....منعرفش كنا معاه ودخلوا بيه العمليات هو كمان وبعد اللي حصل اتلخمنا
بكر....بس انا بلغت المعلم صبري وقال انه هيجي ومنعرفش بردوا جه ولا لأ.
كرم....طيب خلاص هنشوفه كده فين وهنطمن عليه واطمنكم
بكر....طب ايه انت مش طالع
كرم ...لا هاخد لفه في المستشفي واشوفهم لو محتاجين اي حاجه و الوقت محمد هيطلعلكم فوق
عبدالله....بنقولك يا كرم يعني بنقول لو نفع تطلع بت سونه فوق حرام شايفها طالعه نازله واكيد انت ليك كلمه هنا بىدوا
كرم....اااه كويس انك فكرتني تمام هنطلعها الوقت متعرفش هي في غرفه رقم كام
عبدالله....لأ منعرفش هنسألك سونه
كرم...طيب رد عليا وانا هنبعتها فوق
بكر.....انت شكلك تعبان يا كرم انت لازم ترتاح هتقع من طولك
كرم....متقلقش انا بخير يلا اطلعوا انتوا ريحوا شويه ولو حصل اي حاجه كلموني
عبدالله....استني هنا صحيح هات المفتاح نروح نطمن علي دره احسن تصحي
كرم....بصله بطرف عينه لا سيبها نايمه 
عبدالله....هو انا هصحيها يا جدع انا خاېف تكون صحيت وقاعده تخبط في الباب ومحدش هيحس بيها
بص كرم في ساعته ورجع بصله
كرم....لسه مش هتصحي الوقت
عبدالله....انت ظابط المنبه يعني 
كرم.....اه وعارف امته هيبدا مفعول الحقنه يروح ده لو صحيت بعد ما المفعول يروح اصلا اختك تعبانه ومحتاجه ترتاح
عبدالله....بابتسامه طب نبص عليها بصه
كرم..... خده من وشي يا بكر
بكر....بابتسامه غمزله ماهو عنده حق عايز يطمن علي اخته
كرم....اه انتوا فاضيين بقي
سابهم كرم ومشي وبردوا مداهمش المفتاح
بكر....طب اقف طيب
عبدالله....المفتاح
مبصش كرم وراه وكمل طريقه
وللحديث بقيه....
شويه وهينزل بارت ضړب ڼار هنرجع بيه للكارما
أبن_ليل
صاحبة_البطل_الواحد
أميره_اسامه
البارت الأربعون 
........................
ساعات صعبه عدت علي الكل واصعب ساعات ممكن تعدي علي اي بني ادم هي الساعات اللي مبيبقاش معمول ليها حساب ببتسمي مفجأه في المواقف الحلوه و بتتسمي كابوس في المواقف الصعبه.
و بالظبط ده الکابوس اللي عدي علي الكل من غير حساب لما بنمر بمواقف صعبه او تحملها فوق طاقتنا أول سؤال بنسأله لربنا واحنا في عز وجعنا ليه
ليه حصل كده ليه احنا بالذات وبنبدأ نلوم في نفسنا ومش بس كده بنبدأ نتهم نفسنا بذنوب يمكن منكونش ارتكبناها ونقول اكيد ده ذنب ربنا يخلصه مننا او يمكن عملنا حاجه وحشه في حد وربنا بيرد حقه فينا وبنقول ان هي دي الكارما اللي لعڼتها بتحل علينا عشان تيجي تخلص حقوق ناس ظلمناها او تكفر عن ذنوب ارتكبناها لكن الحقيقه مش كل الكارما ذنوب أرتكبناها او حقوق ناس اتظلمت علي ايدنا ولا حتي دين بندفعه عن غلطات عملناها طول مسيرة حياتنا.
اوقات الكارما بتبقي قلم يفوقنا عن غلط ممكن نرتكبه في حق حد او حتي حق نفسنا و ۏجع الكارما بيبقي اخف من حجات كتير كانت ممكن تحصلنا وأوقات بتكون تمهيد لفرح بعد الۏجع و الحزن
واحيانا بتكون تصفيه لمعظم الناس من حوالينا بتبين مين اللي هنقدر نكمل معاه واحنا مغمضين ومين اللي لازم يخرج من حياتنا.
الكارما بتبين معادن الناس علي قد ما لعڼتها بتأثر علي حياتنا علي قد ما بتوقع اقنعه كتير لناس كانوا عايشين معانا بوش وهما في الحقيقه ليهم الف وش.
الكارما مش بس رد دين لكل الۏحش اللي عملناه في حياتنا
الكارما ليها جوانب حلوه كتير لكن عايزه بصر من حديد يخلينا نعرف نشوف الحلو وسط الۏحش اللي في حياتنا.
....................
طلعت سماح في الغرفه مع بنات دره الغرف كانت كبيره فيها اربع سراير مقدرش كرم يوفر اكتر من اوضتين لان العدد في المستشفي كلن كبير جدا وتاني اوضه كان فيها الشباب .
خرج محمد اخيرا وكان هو اخر واحد يخرج فيهم كلهم كان في علي عينه بلاستر وعينه متغطيه والتانيه سليمه مفيهاش اي حاجه كان في ورم بسيط في جنب وشه واحمرار وزرقان نتيجه الكدمات والچروح كان لسه تحت تأثير البنج وبينادي طول الوقت علي مها وعلي دانه.
محمد....يا امييييي امي مها
مها....انا جنبك يا محمد انا هنا يا حبيبي
محمد.....دانه يا مها
مها.....كويسه يا حبيبي بخير بصت لامها هو هيفضل كده كتير الولا قلبه وجعه
نجوي....مش حاسس يابنتي لسه البنج مأثر عليه.
مها....مش كنتي روحتي يا أمي انتي وابويا بدل قعدتكم دي ابويا قاعد بره هو و عم زكريا والاتنين مش قادرين.
نجوي.....ومين فينا هيقدر يمشي ويسيبكم كده
مها.....ماخلاص اطمنا علي العيال كلهم كنتوا روحوا وتعالوا الصبح
نجوي....ما احنا خلاص بقينا الصبح يابنتي وبعدين كله يهون المهم ان ملهم بخير و مصابهمش مكروه .
مها....أيدي كانت علي قلبي يا اما كنت خاېفه حد يجراله حاجه واللي رعبني في الاول البت دارين وهو هيما داخل شايلها وسايحه في ډمها قولت البت جرالها حاجه
نجوي.....وانا كمان مقدرتش نقف علي رجلي لمحت هيما وهو شايلها وشوفت وراه محمد واحمد اطمنت انهم داخلين علي رجلهم بس خۏفت علي بنت دره و خۏفت اكتر لما قولتوا مش لاقين البت الصغيره
مها.....اه ديما دي كمان رعبتني
نجوي.....انا قولت ودوها غلي مستشفي تانيه ولا لسه في قلب المكان محدش طلعها
مها.....انا كمان خۏفت وبكر وعبدالله قلبوا عليها الدنيا علي قد ما اليوم عدي الحمد لله بس ميتهيأليش اني هنقدر ننساه ابدا
نجوي.....الحمد لله علي
كل حال المهم انهم بخير صحيح فين اخوكي
مها.....بكر قالي انه هيطمن علي محمد ويطلعه وهيلف علي المستشفي وبعدين يجي تلاقيه مشغول
نجوي....ربنا يعينه من الصبح وهو واقف علي رجله عايزه نقوله يجي يرتاح شويه بس عارفه انه مش هيرضي
مها....اكيد مش هيرضي انتي عارفه كرم ياامي ربنا يقويه بقي بس الحمد لله الدنيا بدأت تهدي. عن الاول بكتير
نجوي.....ايوه اكيد مكان الحاډثه فضي خلاص صحيح فين جوزك 
مها....كان قاعد هو وعبدالله مع ابويا وعم زكريا بره انا هنقوم نشوف البنات ونطمن علي بلبله كان باين عليها التعب
نجوي....طيب روحي ولما ترجعي هنقوم نبصوا عليها عشان منسبش العيال لوحدهم
مها.....ماشي افردي جسمك شويه وارتاحي علي الكنبه.
نجوي....لو حطيت راسي هنام وانا مش عايزه نسيب العيال
مها.....ماهو الاربعه نايمين قدامك اهو نامي شويه انتي كمان.
نجوي....طيب روحي يلا انتي.
خرجت مها وسابتها لمحت زكريا ورفاعي وبكر وعبدالله الاربعه قاعدين علي الكراسي اللي قدام الغرف زكريا ورفاعي ساندين راسهم علي الحيطه ومغمضين وبكر ساند علي كتف عبدالله وكلهم نايمين.
سابتهم وراحت علي الاوضه نبيله ودعاء كانوا نايمين علي الكنبه وهما قاعدين ومريم بنت دكتور عمرو نايمه في وسطهم راسها علي رجل نبيله ورجلها علي دعاء وكل بنت علي سرير وسونه 
قاعده في الارض سانده علي الحيطه تحت سرير سماح.
فتحت مها الباب براحه وبصت عليهم الكل كان نايم.
سونه....بتعب تعالي يا مها.
مها....انتي صاحيه يا سونه
سونه....مش جايلي نوم تعالي ادخلي.
مها....انتي ايه اللي مقعدك علي الارض كده دي الارض زي التلج
سونه....ماانا مش لاقيه مكان ورجلي وجعتني من الوقفه .
مها....طب اوعي اوعي افرشي البطانيه دي تحتك
سونه....سبيها عشان لو حد احتاجها.
مها....كلهم متغطين اهو حاسبي كده.
سونه....سندت علي الارض ااااه جسمي مكسر.
مها....معلش
هيتكسر اكتر لو فضلتي قاعده كده يلا اقعدي .
سونه....طب تعالي اقعدي جنبي.
قعدت مها جنبها وسندت ضهرها..
سونه...العيال عاملين ايه طمنيني عليهم
مها....نايمين الاربعه حسن واحمد اللي قالقني مفيهمش حاجه خطيره وكلها چروح بس عاملين زي اللي واخدين بنج ومش دريانين بالدنيا.
سونه.....انتي مستهونه يا مها بالحاډثه و قلبة الترام ده تلاقيهم يا قلبي جسمهم مدغدغ ده الواحده فينا لو اتزحلقت وهي بتعمل حاجه في بيتها بتفضل رجلها ۏجعاها كذا يوم من الكدمه مبالك بحاډثه زي دي
مها....عارفه والله بس قلقت عليهم نايمين نوم مش طبيعي والكل بيخرف اللي واخد بنج واللي مش واخد كمان.
سونه.....ماهو نفس الحالي نع البنات شويه يتكلموا وشويه يسكتوا انا حتي سمعت دارين من شويه قطعت قلبي كانت بتنادي علي ابوها
مها.....منه لله زي قلته هو السبب في كل ده
سونه....يلا ربنا يسامحه و يسهله ويخليهم لامهم هي صحيح لسه نايمه
مها....اه في المكتب عند كرم هو كمان قافل عليها خاېفه تصحي وتفضل تخبط
سونه....طب ما حد يروح يشوفها ولا يا خد من كرم المفتاح يشقر عليها.
مها.....هو كمان غطس و يا حبيبي قاعد يلف علي المستشفي مقعدش لحظه.
سونه....بابتسامه بسيطه بصت لمها هو كرم وانتوا خبيتوا ليه انه دكتور يا مها
مها...بصتلها بإرتباك وبعدين اتنهدت مخبيناش ولا حاجه يا سونه بس ده كان طلب كرم
سونه....ليه هو في حد يخبي شغله بدل ما يفتخر بيه قدام الخلق يخبيه
مها....اكيد عنده اسبابه يا سونه وهو اكيد هيقولكم السبب بلاش انا اتكلم
سونه....مش فارقه يا مها صدقيني وعلي فكره انا لما شوفته فرحت يمكن اټصدمت في الاول وللحظه كنت فاكره ان انا بس اللي منعرفش بس أتفاجئت لما لاقيت بلبله وعبدالله كمان ميعرفوش
مها.....الكل يا سونه كلهم ميعرفوش حتي دره عموما اكيد لينا قاعده طويله بس نخرجوا من هنا بعيالنا علي خير.
سونه....إن شاء
الله
...............
طلع كرم بتعب كان مرهق لابعد حد وحاسس انه خلاص مش شايف قدامه وعينه حمراء بطريقه فظيعه بص في ساعته كانت دره كملت ساعتين ونص راح يبص عليها عشان يطمن انها لسه نايمه.
طلع المفتاح وفتح الباب لقي دره قاعده علي الكنبه وباصه علي الباب اول ما شافته قامت وقفت.
كرم.....انتي صحيتي امته
دره.....انت حابسني هنا يا كرم 
كرم.....انا سايبك نايمه وعارف انك مش هتصحي الوقت وبعدين مكلمتنيش ليه علي الموبايل
دره.....موبايلي مع دعاء او مها مش عارفه راح فين اصلا انا صاحيه بقالي نص ساعه خبطت كتير ومحدش رد واتصلت من مكتبك علي الاستقبال تحت محدش رد عليا.
كرم....حقك عليا بس انا كنت عايزك تنامي وترتاح وبعدين متوقعتش ان حتي لو مفعول الحقنه راح هتصحي عشان كان باين عليكي التعب.
دره...بتنيمني ڠصب عني يا كرم
كرم....خۏفت عليكي يا دره انتي لحد الوقت اصلا شكلك تعبان
دره....مشيت من جنبه عشان تخرج انا كويسه يا كرم
كرم....استني رايحه فين
دره....هروح