رواية ابن ليل بقلم اميرة اسامة ج٤

اطمن علي ولادي يا كرم واطمن علي هيما و ولاد مها وسماح.
كرم....طيب لحظه انا جاي معاكي
خرج كرم معاها وقفل مكتبه وراحوا علي الدور اللي في الغرف بتاعتهم لمحوا الرجاله قاعدين علي الكراسي من بعيد و نايمين.
دره....هما نايمين كده ليه دول هيتعبوا
قرب منهم كرم .
كرم....بكر بكر عبدالله .
بكر...ايه ايه في ايه
كرم....اهدي متخافش امسك المفتاح بتاع المكتب طلع ابويا وعم زكريا يناموا فوق علي الكنبتين كده هيتعبوا.
زكريا.....بصوت مرهق انا مش نايم اوي يا ابني عيني بتغفل بس
كرم...معلش قوم ارتاح فوق ادام صممتوا تفضلوا يبقي تسمعوا كلامي وتريحوني.
دره....قوم يا بابا ارتاح فوق النومه دي مش كويسه عليكم
زكريا....طمنيني عليكي يا دره
دره....بملامح حزينه انا بخير يا حبيبي ولو عايز تريحني اسمع كلام كرم.
بكر....يلا يا عمي قوم
كرم.....يلا يابا قوم
رفاعي.....العيال كويسين.
كرم....هنروح نبصوا عليهم يلا اطلع وانا هنيجي وراكم بعد شويه يلا يا عبدالله.
قاموا كلهم وخدهم بكر وطلعوا علي فوق.
فتح كرم اول اوضه بتاعت الشباب كان كلهم نايمين ونجوي نايمه.
قربت دره منهم تطمن علي كل واحد فيهم عينها كانت بتلف علي الكل بحزن هيما وشه كله خدوش و بيأن من التعب وهو نايم محمد عينه متغطيه بالبلاستر والشاش مكان العمليه ووشه وارم ومتبهدل حسن واحمد نفس الحال
كرم....سبيهم نايمين هما بخير متقلقيش.
مسكت دره غطاء ومسحت دموعها وقربت من نجوي غطتها براحه وبعدين خرجت هي وكرم.
راحوا مع بعض علي الاوضه التانيه حط كرم ايده علي اوكره الباب وبعدين بصلها
دره....فهمت انه مش عايزها تدخل عشان متتوجعش علي منظرهم افتح يا كرم انا كويسه.
هز كرم راسه وبعدين فتح الباب براحه كلهم كانوا نايمين ومها نامت علي الارض سونه شابتلها المكان وكانت واقفه تبص من الشباك من وراء الازاز و فضلت صاحيه دموعها نازله لمحتهم داخلين عليها ابتسمت بهدوء من غير ولا كلمه عشان محدش يصحي.
قربت دره من دارين مسكت ايدها باستها وهي دموعها نازله فضل كرم واقف ساند ضهره للباب ومربع ايده وسايبها براحتها
دره....بهمس دارين قربت ايدها من شعرها فضلت تمشي ايدها براحه عليه وبعدين بصت علي ديما باستها من راسها وفضلت ټعيط من غير اي صوت كان جواها كميه ۏجع متتوصفش و يوم عن يوم بيزيد كرهها ليوسف و شايفه إن كل اللي بيحصل معاهم مهما كان نصيب لكن هو كان جزء منه 
بصت دره لفوق وخرجت منها ااااه بصوت ضعيف وهي بټعيط.
دره.....اااااااااه
كرم.....دره احنا قولنا ايه البنات كويسين اهدي بقي.
سونه....بصوت هادي وهب دموعها نازله سيبها يا كرم سيبها تخرج اللي جواها عشان
ترتاح دول مهما كان ولادها.
كرم.....وبعدين يا سونه العياط هيعمل ايه انتي كمان بطلي عياط البنات بخير وعياطكم مش هيخليهم يقوموا يتنططوا
سونه.....اهو علي الاقل بيريح
كرم.....مقولناش حاجه بس كفايه اليوم كان متعب عليكم زي ما كان متعب عليهم اهدوا شويه عشان علي الاقل لما يصحوا ويشوفوكم حالتهم النفسيه متتأثرش بيكم اكتر ماهما نفسيتهم بعد الحاډثه اكيد مش مظبوطه
مسحت دره دموعها وبصت لسونه
دره....في حد بص علي سماح
سونه.....لا دكتور عمرو اللي. عملها العمليه وهو الله يكون في عونه بعد اللي حصل لوالدته وابنه اكيد دماغه مش فيه.
في الوقت ده خبط دكتور عمرو وهو باين عليه الحزن.
عمرو.....صباح الخير معلش كنت بدور علي الاوض اللي تبعك يا دكتور كرم عشان ابص علي سماح واخيرا لقتها.
كرم....مش قولتلك ارتاح ومتحملش هم حاجه
عمرو.....انا بخير اطمن عايز بس ابص علي سماح بعد اذنك يا دكتوره دره طبعا
دره....اكيد طبعا وبعدين انا معملتش حاجه انت اللي عملت كل حاجه
عمرو.....ازاي بقي انتي كمان ساعدتيني قرب من سونه طمنيني في اي مشاكل
سونه.....لا هي بس كل شويه تفتح عينها وتتكلم مع نفسها بس مش واعيه اوي
عمرو.....متقلقيش هي زي الفل بس تأثير الدواء اللي في المحلول اللي عامل كده والنوم ليها افيد عشان متحسش پألم العمليه
قرب عمرو من سماح وبص علي مكان العمليه ومسك ايدها يشوف النبض وقاس الضغط وبعدين بص لسونه
عمرو.....متقلقيش هي بخير وحالتها مستقره الحمد لله
سونه.....كله بفضلك يا دكتور
عمرو....الفضل لله وحمد الله علي سلامتها بص لدره شكرا يا دكتوره عرفت من دكتور كرم اللي عملتيه مع ياسين في العمليات.
دره.....مفيش بينا شكر يا دكتور عمرو ده واجبي ربنا يطمنك عليه.
كرم......انا لسه مكمن عليه من شويه هو بخير متقلقش.
عمرو.....الحمد لله
هي فين مريم 
سونه....اهي نايمه هناك علي الكنبه متخافش عليها هي كويسه.
عمرو.....انا عارف انكم مشغولين ومش فاضين بس انا بستأذن يعني لو ينفع تفضل معاكم لحد بس ما ارجع لاني مش هقدر اخدها معايا وقت الډفن
سونه....كلام ايه ده يا دكتور طبعا خليها وبعدين هي عامله ايه يعني ماشاء الله دي هاديه ومتقلقش عليها خالص .
عمرو....انا عارف اني تعبتكم بس معلش ابتسم بضعف لما عرفت انكم تبع دكتور كرم اطمنت وطمعت ان حضرتك تخلي بالك منها لاني مقدرش آمن عليها مع اي حد.
كرم....يا جدع اطمع براحتك كلنا هنا جنبك.
سونه.....زي ما دكتور كرم قالك اطمن عليها هي في عيني متحنلش همها خالص خليك انت بس باللي فيك ووقت ما تفضي خالص هي معايا
عمرو.....شكرا بجد وحمد الله علي سلامه سماح وبناتك يا دكتوره دره
دره....الله يسلمك
سماح....الله يسلمك يا دكتور.
كرم....روح يلا ريح شويه النهار طلع ولسه يومك طويل صحيح انت هتعمل عزاء.
عمرو....امي كانت موصياني من زمان ان يوم ۏفاتها ميتعملش عزاء والعزاء يكون علي المقاپر بس كمان زي ما انت شايف الوضع الحالي ميسمحش لا هقدر اسيب ياسين من غير ما اكون جنبه ولا هقدر اسيب المړضي دول كلهم كمان لازم اطمن علي مريم اكيد مش هفضل سايبها كده في المستشفي مهما كان هي لسه صغيره مش هتستحمل وانا مش هقدر افضل رايح جاي بيها فا هحاول اشوف حد من اهلي او معارفي اخليها معاهم كام يوم لحد ما اشوف هعمل ايه.
سونه.....لو هتطمن عليها معايا خليها معايا ومتخافش عليها سيبهالي لحد ما تفضي من كل اللي انت فيه وانا هنشيلوها في عيني احنا من بكره اتفقنا نبدل علي البنات عشان منفضلوش قاعدين وزاحمين الدنيا هنا علي الفاضي هنخدوها معايا وقت ما
نمشي هترتاح في البيت ووقت ما نرجع هنجيبها واهو بالمره تشوفها
كرم...اهي سونه حلتهالك يا سيدي خلص الډفن ولو حابب تعمل عزاء كمان اعمل وارجع اطمن علي ياسين ولو حابب تروح البيت تريح روح لحد ما دماغك تهدي شويه والبنت معاها كل ما تيجي هتشوفها وتكون حليت موضوع المربيه
دره....انا شايفه انه حل كويس يا دكتور وده في مصلحة البنت بدل ما تتبهدل هنا
عمرو....انا اكيد مطمن عليها هي من الصبح معاكي وشايف انه حل كويس خصوصا ان مريم ملهاش علاقه اوي بأهلي زي ما قولتلك يا دكتور احنا تقريبا بنشوف بعض في المناسبات بس كمان مش حابب اتقل علي ست سونه مهما كان مريم صغيره واكيد متعبه زي اي طفل في سنها.
سونه....لا متعبه ولا حاجه هي منطقش والله متحملش انت بس همها وسيبهالي خلص دنياك ولما ترتب حالك خدها وبعدين انت هتشوفها كل يوم
عمرو....انا والله محرج منكم والموقف اللي انا فيه الوقت مخليني مش عار أرد عليكم ولا عارف اقول ايه
سونه....متقولش اي حاجه احنا اخوات وكلنا في نفس المحنه زي. بعض.
كرم...اهي قالتلك يا سيدي طلع بقي مريم اليومين دول من راسك خلص حوار والدتك وخلص حوار المربيه واطمن علي ياسين وبعدين خدها
دره....ومتقلقش كلنا ساكنين في نفس الشارع يعني ممكن تقعد مع والدتي او مرات اخويا لو سونه مشغوله يعني زي ما سونه قالت كلنا في نفس المحنه وهنشيل بعض لحد ما نخرج منها علي خير.
عمرو....ربنا يخليكم بجد اللي عملتوا معايا جميل ربنا يقدرني واقدر ارده.
سونه....مفيش جمايل ولا حاجه ربنا نجد بنتي علي ايدك
عمرو.....ونجد ابني علي ايدك لما اتبرعتيله بدمك
سونه....بابتسامه بسيطه كلنا اسباب علي الارض يا دكتور كل واحد فينا ليه دور ربنا مكلفه بيه
عمرو....ونعم بالله يلا انا مش هعطلكم اكتر من كده هروح انا
كرم....اتفضل يا دكتور عمرو.
خرج عمرو وفضلوا هما التلاته.
كرم...يلا هسيبكم انا كمان واروح علي مكتبي شويه .
دره....انا هروح أمر علي المړضي.
كرم...ما تريحي بقي شويه انا لسه واخد لفه في المستشفي كلها وكله تمام.
دره.....معلش انا بقالي شويه نايمه وبعدين انا احسن.
كرم....طيب لو في اي حاجه كلموني علي الموبايل هننزلكم.
دره....انا منعرفش موبايلي فين ومها ودعاء نايمين مش عايزه اصحيهم.
سونه.....صحيح انتي موبايلك معايا انا وقع منك لما خرجوكي من الاوضه لما ديما كانت تعبانه.
دره....ولا حسيت كنت فاكره انه مع مها او دعاء.
سونه....لا معايا استني لحظه طلعته سونه من شنطتها واديتهولها.
دره....ده فاصل شحن
سونه....انا مش معايا شاحن والله.
دره....انا معايا تخت في مكتبي هنزل اشحنه شويه عشان لو حد فيكم احتاجني.
سونه....تمام.
كرم....لو في اي حاجه يا سونه كلميني او كلمي دره هنكون عندك فورا
سونه....روحوا ارتاحوا ومتحملوش هم ولو في حاجه هنبقي نكلمكم.
خرج كرم ودره وقفلوا وراهم.
كرم....دره متلفيش كتير وارتاحي شويه في مكتبك
دره.....حاضر يا كرم.
كرم....مش عايزه حاجه
دره....هزت راسها شكرا.
مشيت دره من قدامه وفضل باصص عليها وبعدين طلع علي مكتبه.
لفت دره علي كل المستشفي وراحت الطوارئ كان فيها حالات بسيطه وقفت شافت شغلها مر حوالي ساعه وبعدين راحت علي مكتبها افتكرت الشاحن طلعته وشحنت موبايلها وراحت قعدت علي كرسي من الاتنين اللي قدام مكتبها سندت راسها بإرهاق واستنت الموبايل لحد ما يتشحن شويه عدي عشر دقايق لسه هتمسكه لقت كرم بيفتح الباب عليها وداخل وفي ايده كوبايتين قهوه
سابت دره من ايدها الموبايل وبصتله.
دره.....انت منمتش
كرم.....بابتسامه لأ عارف راسك ناشفه وهتفضلي تلفي ومهما اقولك ريحي مش هترتاحي فا فضلت متابعك من بعيد لحد ما خلصتي لف علي كل الحالات جبتلك قهوه
وجيت اشربها معاكي .
ابتسمت دره بضعف وهزت راسها.
دره.....جات في وقتها
كرم.....بابتسامه طلع من جيبه شيكولاته 
دره....بهدوء تمام هو هيتحرك امته
كرم.....الساعه الوقت تسعه ونص هيبدأوا يجهزوها الوقت وهنتحرك اول ما تكون جاهزه عشان هنصلي عليها وقت الضهر ساعتين بالكتير وهنمشي هو قالي مدفانهم هنا يعني قريبن.
دره.....تمام
اتنهدت دره تنهيده طويله وبعدين مسكت موبايلها فتحته.
كرم ...فاصل شحن ولا حصله حاجه لما وقع
دره....لا ده فاصل خالص هو اصلا كان خلاص هيفصل لما كنت بنكلمهم عشان نطمن عليهم ومن بعدها فصل خالص ومقدرتش اشحنه.
كرم....تمام.
الموبايل اتفتح وثواني وفضل يعمل صوت إشعارات كتير ورسايل كتير توصل .
بصت دره پغضب بسيط من غير ما تحسس كرم جالها ان يوسف اتصل بيها علي الساعه 10 مساءا
ثلاث مرات كان بعد ما قفلت معاه قبل الحاډثه بشويه. وبعدين لمحت رسالتين منه وراء بعض.
يوسف....دره انا اتصلت عليكي اكتر من مره وموبايلك كان مقفول انا قولتلك اني هقعد كام يوم هنا تكوني فكرتي فيهم وتوافقي اننا نتقابل بس انا مش