رواية ابن ليل بقلم اميرة اسامة ج٤

اللي هتلعبوا بيها اۏسخ ماتش معايا انا وبناتي وفكرتوا انكم جبتوا فيا جول بس اوعدك يا يوسف اني مش هاخد كل الوقت اللي ضيعتوا في خططكم دي والجول بتاعي هخلي كل الخلق تحلف بيه ويقولوا دره الجمال جابت جول عالمي في اۏسخ اتنين جابتهم البشريه وهخليكم عبره ويوم ما حد يفكر يجيب سيرتكم هيجيب سيرتكم وهو بيضرب مثال باللي اتعمل فيكم 
يوسف.....دره انا معترف بغلطي وعارف اني ۏجعتك وليكي كل الحق في كل كلمه بتنطقيها بس اديني فرصه مش عشان ادافع عن نفسي بس علي الاقل افهمك جزء بسيط
دره......تنسي انك تقابلني عشان متندمش لو عايز تسمعني اتكلم الوقت مش عايز يبقي تقفل وتحافظ علي اخر واحد في الميه من كرامتك ده لو كان في كرامه
يوسف....تمام يا دره انا هقولك وبعد كده هسيبك تهدي وتقعدي مع نفسك شويه انا هفضل هنا كام يوم لو حسيتي انك عندك استعداد تقابليني هركب اول طياره واكون عندك تمام
دره......انجز يا يوسف 
يوسف....دره انتي حتي لو فقدتي كل ثقتك فيا بس اكيد عمرك ما هتنكري اني حبيتك من قلبي واني عمري ما كنت شخص وحش معاكي انا وقفت معاكي وكنت ببديكي علي نفسي كنت بفرح كل ما بشوفك بتتقدمي كنت دينا واقف في ضهرك وعملت معاكي حجات خلوه كتير ومش بقول كل ده عشان اعرفك اني عملت معاكي حاجه بس عشان افكرك اني عمري ما كنت وحش وحبيتك بجد من قلبي مش هنكر اي غلط انا عملته انا فعلا اتجوزت دينا عليكي ومش هنكر كمان يا
دره اني حبيتها هي كمان
دره.....
يوسف.....حبيتها ليه وازاي مش عارف بس حبيتها واتجوزنا خبيت عليكي وقتها لان ولا انا ولا هي كان عندنا الجرأه اننا نقف قدامك ونقولها في وشك بس انا لا اول ولا اخر راجل يتجوز علي مراته يا دره وحبي ليكي عمره ما قل حتي بعد جوازي منها والدليل اني مقصرتش معاكي ولا حسيتي في يوم اني متجوز عليكي ولا هي حسستك بده بالعكس فضلنا طبيعين وبنتعامل بنفس الطريقه اللي انتي متعوده عليها مننا
دره....بۏجع نزلن دموعها لكن صوتها كان قوي ودي مش شطاره اوعي تفكر ان ده ذكاء منكم لدغه التعبان مبتجيش غير بالسياسه والهدوء والفار اللي ادي الامان مكانش غبي لكن كان طيب ومحسش بغدر التعبان
يوسف.....صدقيني مكانش في نيتنا الغدر يا دره وانا مش جاي احكيلك كل ده عشان ابرر موقفي او اخليكي تغيري فكرتك عن اللي حصل انا بحكي عشان اللي جاي هو الاهم دره بعد جوازي من دينا بفتره دينا عرفتني علي مستثمر كبير كان هو سبب النعيم اللي عيشنا في اخر
فتره الشركه اللي كان ليها فرع بقوا اتنين وتلاته واسمنا في البلد بقي مسمع كان بسببه هو الراجل ده عرض علينا شغل بتوسع اكبر كان بيمولنا من غير ما اسمه يتذكر يعني كل العقود اللي كانت بينا وبينه كانت عقود علي ورق مش مترخص بينا وبين بعض بس احنا بنشغل فلوسه وهو بيسهل علينا كل حاجه نفكر فيها كنت حابب اقولك بس مكانش هينفع لان لو كنت عرفتك كنتي اكيد هتعرفي بعلاقتي انا ودينا المهم بعد فتره عرفت بالصدفه ان كل الفلوس اللي بيمولنا بيها دي غسيل اموال لشغله القذر اللي من تحت التربيزه وقتها مش هنكر انا خۏفت وقررت اني ابعد لكن الطريقه اللي اخترت بيها البعد لاكانت صح ولا كانت في وقتها ويوم ما واجهتوا فتحت في وشي باب جهنم وانا مش عارف واكتشفت انه كان مأمن نفسه وكل شغله ده كان بيتم عن طريقي انا ودينا من غير ما نعرف
وناسب لينا كل شغله القذر بطريقه تخلينا يوم ما نكتشف ونعترض نروح في ستين داهيه وهو يخرج منها بكل سهوله يومها انا حسيت ان وقعت في حفره مفيش منها خروج حاولت اسايسه كتير واهدي اللعب معاه لاني عارف اني مكنتش قده وهو بدأ يلعب معانا علي المكشوف ومش بس كده بدل ما كان بيدينا عشر قروش بقي يدينا ميه عشان يشركنا معاه في كل شغله القذر ومقدرناش نعترض مش هنكر ان الشغل بقي في مكان تاني ومش هنكر ان جه عليا وقت ونيمت ضميري ومش بس كده طمعت وبقيت مبسوط بالفلوس اللي بتدخل والشغل اللي بيكبر بس بعدها بفتره تانيه عرفت انه حاطت ايده علي كل حاجه يعني من ناحيه لو حصل اي مشكله ووقعنا قدام حكومته هو صاغ سليم ومفيش اي ادله عليه ومن ناحيه تانيه قدر يتلاعب بالاوراق ويقدر لو اي وقت حبينا نبعد ياخد مننا كل حاجه ويخلينا علي الحديده كنت واقف بين نارين عارف اني في كابوس مش عارف اخرج منه كده ڼار وكده ڼار لما اكتشفت مقدرتش اسكت وواجهته قالي طول ما انت ماشي معايا كل حاجه تخصك هي بتاعتك لكن لو فكرت تبعد مش هخلي في جيبك دولار ومش بس كده هسجنك وبعدها بدأ يهددني بيكم لانه كان حاسس اني باخد قرار اني ابعد ومش مهم اسيبله كل حاجه المهم ابعد عن شغله القذر ده بس هو شاف ان شغله مينفعش يقف فا بدأ يضغط عليا بيكم كان بيراقبكم وكل ساعه يبعتلي صوره ليكم من اي مكان انتوا فيه من جوه مكتبك من مدرجات البنات في جامعتهم بدأت اتاكد انه بيراقبنا ومش بس كده ده تقريبا كأنه عايش معانا في كل تفاصيل يومنا لدرجه انه كان باعتلي صور من قلب الجنينه بتاعت البيت وانتي والبنات وانا قاعدين مع بعض وقتها حسيت اني بستسلم للكابوس اللي دخلت روحي فيه وسكت بس هو قرر يعلم عليا عشان يضمن اني اشتغل معاه من غير ما انطق وخلاني ساعدته في شغله انا ودينا نفذت معاه اول عمليه وعدت علي خير بس التانيه فشلت فيها وده لاني كنت ضايع ومن كتر خۏفي مكنتش مركز وخسرته كتير وهو اداني مهله اسبوعين ارجع فيها كل اللي خسره وقتها قررت انا ودينا نفكر ازاي هنرجعله كل ده وطبعا دينا وصلت لفكره وهي اننا ناخد منك كل حاجه من غير ما تعرفي ونسد بيها المبلغ اللي خسرناه عشان نتجنب شره وكده كده انتي عملالي توكيل والاهم انك مش هتعرفي لانك مش بتراجعي ورايا وفعلا عملنا كده و مسحت الرسايل اللي جاتلك وقابلت موظفين البنك وعرفتهم انك مسافره ولما رفضوا الفلوس خلصت كل حاجه ومشينا كل حاجه قانوني بس وانتي بعيد عن الصوره وسدينا المبلغ وبعدها بفتره اكتشفت بالصدفه ان دينا كانت بتشتغل معاه برضاها من وراء ضهري قدر يضحك عليها وطمعها بالفلوس قدرت توصله ان انتي والبنات نقطة ضعفي ولعبوا عليا كل اللعبه دي عشان نبعدكم وشغلنا يبقي علي المكشوف وانا اشتغل معاه بتركيز اكبر وعقلي يكون معاه هو وشغله وبس
انا خۏفت عليكم وكنت عايزكم تبعدوا بأي طريقه وهما كانوا عايزين ده اصلا مكانوش عايزين اني اتشغل عنهم واركز معاهم اكتر يمكن يا دره انا اختصرت بلاوي كتير حصلت في الثلاث سنين دول بس انا حبيت اوصلك الصوره اللي اتحطيت فيها دره انا مش شخص وحش ولا جاي انهارده عشان أحلي نفسي قدامك انا غلطت بس اللي چاك بيعمله الوقت ممكن يأذيكي انتي والبنات انا عملت كل حاجه عشان اخرجكم من البلد طلعت نفسي بأبشع صوره في نظرك انتي والبنات من خۏفي عليكم لكن اللي بتعمليه الوقت ده يادره ممكن يورطكم لو عرفوا انك بتحاولي تقربي مني مشكلتهم مش هتبقي الفلوس اللي بتطالبي بيها لان دي بالنسباله نقطه في بحر الفلوس اللي يملكها لكن لو حس ان ممكن ظهورك يشغلني او يخليني مركز معاكي صدقيني هيعمل اي حاجه عشان يوصلك وهيقدر انا حتي دينا معرفتهاش بالقضيه اللي چاك رفعها عشان عارف انها هتوصله ده دينا عارفه اني بحبك وزي اي ست غيرتها ممكن تعميها لكن في حاله ديما بعد ما اتغيرت مش هتتردد لحظه انها تأذيكي انتي والبنات دره خلي چاك يوقف القضيه ويتنازل وانا اوعدك كل مليم خدته منك هيرجعلك وعشان اثبتلك حسن نيتي قبل ما يعمل اي خطوه بمجرد ما هقفل معاكي هحولك علي حسابك ربع المبلغ بس اديني فرصه اقدر اوفر الباقي والقضيه انتي تقدري ترفعيها وتمشي فيها من تاني لو حسيتي اني بضحك عليكي وانتي عارفه كويس انك تقدري ترفعي نفس القضيه من تاني لنا كل اللي طالبه منك فرصه انا خاېف عليكم يا دره وحيات غلاوتك انتي والبنات خاېف عليكم.
دره....بۏجع ودموع انت تخرس خااااالص اوعي تفكر يا يوسف ان كل اللي سمعته منك ده ممكن يخليك تصعب عليا او يخليني اتعاطف معاك او حتي يخليني اشوفك بطل فووووووق انت أقذر حد شوفته في حياتي انا ندمانه ان غلطت زمان وطاوعت قلبي وحبيتك انت فاكر بعد كل اللي قولته ده ممكن تقدر تخليني اشوف اني ظلمتك لا يا يوسف انت بتحلم كل اللي حصل ده لو حصل فعلا بجد وطلعت صادق فيه فا اوعي تتخيل اني ممكن اقف معاك او تصعب عليا عارف ليه يا يوسف عشان انت من البدايه غلطت في حقي ربنا بيرد كل حاجه فيك من يوم ما غفلتني واتجوزت دينا عليا اللي حصلك ده كله حصل بعد ما اتجوزت وغلطت وغفلتني حصل بعد ما انت جاي بكل بجاحه وقذاره وبتقولي انك حبيتها وعادي الراجل ممكن ييتحوز مره واتنين ويحب مره واتنين انت بدأت يا يوسف خونت عشرتي وحبي ليك خونت طيبتي وثقتي فيك خونت كل حاجه حلوه قدمتهالك من غير مقابل لو فاكر انك وقفت جنبي وقدمتلي كل الدعم فا انا ردتلك وقوفك ده بدل المره عشرررررره قدمتهولك يوم ما سيبت حلمي وشغلي ووقفتهم ثلاث سنين عشانك يوم ما حطيت كل قرش من شغلي وحطيته تحت رجلك وقولت ابدأ حلمك واكبررررررر وقفت شغلي عشانك ثلاث سنين وانت عيشت انت وهي مغفلني الثلاث سنين دووووول كنت جايه علي نفسي وانا معرفش انك مغفلني ومتجوز عليا اوعي تفكر انك بطل يا يوسف انت اۏسخ واقذر شخص عرفته في حياتي 
لو هنسالك سرقتك لفلوسي وشركتي وبيتي وحلمييييي ولو هنسالك طردك ليا انا وبناتك من البلد وهنسالك قسوتك عليا وانا بترجاااااك زي العيال الصغيره مش هنسالك ابدا انك اتجوزت عليا وانك دوست علي عشرتنا بأوسخ جزمه عندك ياريتك كنت قولت ان كل ده حصل وانك