رواية رائعة بقلم زهرة عصام الجزء الثاني ١

بتوتر
نوح بيه مش هينفع حضرتك تخرج من هنا النهاردة على الأقل تقعد أربعة وعشرين ساعة تحت الملاحظة
نوح بصله باستخفاف و قال لية 
أنا مش بقول الكلمة غير مرة واحدة الإعادة بتبقي ب إعاقة أو عاهة مستديمة تحب تجرب يا دكتور 
خلص نجزنا عاوزين نشوف مشاغلنا
كمال بسخرية
ما تخلص يا دكتور أكتبله على خروج في واحد هنا عاشق ولهان عاوز يتجوز عبالي يا رب يا الجن يحن و الزهر يلعب في ايدي و اتجوز اللي عيني عليها قول آمين يا دكتور
الدكتور بص ليهم باندهاش و قال 
أنا مش فاهم حاجة
نوح ضحك بسخرية و قال
متركزش عشان الداخل بينا خسران
بص لكمال و قال
وإنت عاوز بقي الزهر يلعب معاك في اية يا بشا دا إنت ما شاء الله عندك اللي مش عندي أنا مش بحسد أنا بوضح ليك بس
كمال خمس في وشه و قال
خمسة في عينك المدورة المقورة دي يا حبيبي دا أنا غلبان مش لاقي أكل أنا عرفت خلاص اية اللي جايبني ورا هي عينك الصفرا دي
نوح عقد حواجبه و قال
أنا عيني صفرا يا ابن ال ليك روقة و هعرفك مقامك يا كمال الكلب
الدكتور بقي يبص ليهم باندهاش و قال ل نوح 
لو سمحت ألفاظ زي دي مش هنا في المستشفى و أنصحك متقولهاش تاني لأنها غلط
نوح بصله بحاجب مرفوع و ضړب على المكتب بايده و قال
اخلص نيل الچرح دا إنت هتصاحبني و هتقولي أتكلم إزاي كمان عجبت لك يا زمن بجد على آخر الزمن نوح التوبي يتقال لية الصح من الغلط
كمال قرب من الدكتور و قال
لو خاېف على وشك الجميل لو خاېف على السماعات اللي حولين رقابتك دي تصدق شكلها حلو و لايقه عليك بنظراتك دي المهم خلينا في موضوعنا لخص الحوار لخص الحوار و لم الدور عشان الكينج مستعجل و عاوز يمشي من هنا
الدكتور خاف على نفسه و قال لنوح اتفضل ريح هنا اوشف الچرح بس حضرتك هتمضي إقرار على نفسك إن لو حصلك حاجة المستشفى غير مسؤولة عن دا
نوح بلا مبالاة
خلص خلصني إنت أخد من وقتي كتير أنا سايب الذبادي لوحدة و الصراحه الجو حر و خاېف عليه ل يسيح
أو يحمض هيهيهيي
قالها كمال و بص ل نوح اللي بصله بحاجب مرفوع و قال
بايخة على فكرة و لآخر مرة هنبهك لكلامك دا
كمال اتنحنح و قال
معلش أنا عارف إن دمي سكر شوية زيادة عن اللزوم
الدكتور خيط الچرح تاني لنوح و نوح قام لبس هدومه و خرج من غير كلام
كمال راح ناحية الدكتور و قال
شاطر يا حاج دكتور ما كان من الأول ولا لازم نهدد بالسماعة عشان نتفذ المطلوب إنت كدا حميت السماعة كمل اللي إحنا عاوزينه عشان تحمي وشك الجميل اللي انضف من وش بنات أعرفها سلام يا حاج دكتور
الدكتور خبط ايد على ايد و قال
أقسم بالله مجانين أنا اية اللى كان وداني طب بس يعني درست ٧ سنين و في الآخر اقابل مجانين زي دول يا دعاكي اللي جاب يا امي شكلك كنتي بتدعي و أبواب السما مفتوحة
جري على المراية يبص على شكلة و قال
و بعدين اية حاج دكتور دي والله أنا لسة صغنن و مدخلتش دنيا هو أكيد ميقصدش ولا يقصد حد هياخد على كلام المجانين دول
..
نوح دخل الاوضة من غير ما يخبط على الباب لقي جدته جنب تمارة بتاكلها و تمارة باين علي وشها الازعاج
نوح سال باهتمام
في اية يا ذكية عاملة في البت اية قابلة وشها كدا 
ذكية بلا مبالاة
أصلها ضعيفة و سهتانة كدا مسكت اديها و رفعتها و قالت
بقي دي ايد تقابل بيها ربنا بص سبهالي أسبوع هخليها مربربة كدا و عليها العين
نوح بهلع
لا أنا عاوزها زي ما هي كدا رفيعة كفاية أكل البت هتتفجر منك
ذكية بحدة
ملكش دعوة و أقعد على سريرك عشان هتاكل بعدها
إنت يا بت يا صغيرة
لينا بصت ليها ببراءة و قالت
أنا يا تيته 
ذكية بفرح 
اصمالله عليكي تيتة طالعة زي السكر منك تعالي يا حبيبه قلبي هنا أكلي أختك على ما أشوف البيه الكبيرة و إنتي يا عسل يا وسطانية إنتي
جوري شاورت على نفسها و قالت
أنا