بقلم نورهان محسن مزيج العشق الجزء الثاني

منذ قليل كويس اوي
طرقت مها باب المكتب ثم دخلت مجددا وخلفها أحد موظفي الفريق التي قالت بهدوء استاذة كارمن الفساتين اتغلفت و هتروح للاوتيل دلوقتي .. تحبي تشوفيهم قبل ما نتحرك
هزت كارمن رأسها بالإيجاب قائلة بجدية بعد أن سيطرت على توترها ثم سلمت البطاقات لإسراء اكيد هشوفهم اتفضلي وانا جاية وراكي
بعد أن غادر الجميع بقيت هي وأدهم فقط فاقتربت منه بعفوية فوضع يده على وجذبها إليه لتستند عليه قائلا بعبوس مالحقناش نفضل مع بعض شوية
طبعت قبلة صغيرة على وجنته وقالت بابتسامة على مظهر حواجبه المعقودتين بعبوس لطيف للغاية هخلص بسرعة و ارجعلك
أسدل يديه عن وقال بقلة حيلة بينما تتألق عيناه بحب طيب هسيبك بس ماتطوليش عليا
نبرته الدافئة ونظرة الحب الصادقة في عينيه اللامعتين جعلتها تشعر بالإشتياق إليه وهو أمامها فتمتمت بخفوت بينما ينبض قلبها بصوت عال ادهم لو سمحت بطل تبصلي بالطريقة دي عشان وقتها مش هقدر امشي من هنا اصلا
انحنى عليها بلطف قائلا ماشي
اقتربت منه كثيرا وتهمست في أذنه بدلال قبل أن تغادر بسرعة بحبك
في شركة مراد
كان يجلس مراد في مكتبه الواسع بديكوراته المميزة متكئ بظهره على الكرسي الجلدي الاسود الخاص به و موليا ظهره بالكامل نحو النافذة الزجاجية الخلفية في غرفة المكتب.
قاطع شروده رنين الهاتف في جيبه فأخرجه ثم أجاب بعد أن وضع الهاتف على أذنه وقال بهدوء ايوه يا حمدي
حمدي بإحترام اهلا اهلا يا مراد بيه حمدلله علي سلامتك
مراد ببرود الله يسلمك كل الامور عندك تمام
أومأ حمدي برأسه كما لو أنه كان يقف أمامه وأجاب ايوه يا فندم انا اتصلت عشان اسلم علي حضرتك و عندي خبر عايز
ابلغك به
قال مراد بإستفهام ايه خير
اجاب حمدي بتفسير حفل الازياء لشركة البارون بعد يومين و زي ما حضرتك امرتني عرفتلك كل المعلومات عنه و كمان قدرت اخد دعوة لحضرتك اذا حابب تحضر وكمان دعوة للحفلة التنكرية المعمولة بعد الديفليه علي طول بنفس الليلة
مراد بإبتسامة صغيرة حلو اوي ابعتلي المعلومات اللي عندك و الدعوات في اسرع وقت
حمدي بطاعة تمام تأمرني بأي حاجة تانية
أدار مراد كرسيه لتتوسع عينيه بذهول لكنه قال بتنهيدة لا متشكر يا حمدي .. يلا انت سلام
ثم أردف مراد بسخرية ايه يا حاتم مش هتبطل عادتك دي .. واقف من امتي كدا
خطي حاتم داخل المكتب وقال بهدوء من اول المكالمة يا مراد
مراد ببرود ماشي كويس وفرت عليا الشرح
جلس حاتم امامه و قال بإزدارء بلاش البرود دا معايا عايز تروح الحفلة دي ليه
مط مراد شفتيه بلا مبالاة وقال ببرود فضول و اغير جو شوية ايه المشكلة
هتف حاتم فيه بسخط انت نفسك مشكلة يا بني خرجها من دماغك كفاياك تتعلق بوهم .. انت مش صغير واللي كنت موقف حياتك بسببهم خلاص غارو .. ليه ما تدورش علي بنت الحلال وتخلف زي اي انسان طبيعي
تنهد مراد وهو يشرد في كلمات حاتم ثم قال بهدوء صدقني انا مش عايز اخرب حياتها .. بس انا من يوم ماشوفتها بجد جوايا احساس مش قادر اوصفه .. بحس براحة و بألفه يمكن عجباني براءتها .. لكن الاكيد ان سفري كان له مصلحة عشان أهدي و افكر بعقل في الموضوع
واضاف المهم سيبك من دا كلو واطمن يا حاتم خلاص مش هحضر الديفليه ..
ثم ظهرت علي شفتيه ابتسامة لعوبة مردفا بحماس بس هروح الحفلة التنكرية اغير جو واتسلي
تشدق صدغ حاتم بسخرية و هتلبس ايه يا عم المتنكر!!
ابتسم مراد بغموض بينما تومض عيناه الزرقاوان بخبث ماكر.
في توقيت ما بعد الظهر في الإسكندرية داخل مطعم أسماك بجانب البحر
نظر زين بإبتسامة الي روان و قال بهدوء عجبك الاكل يا قلبي
قالت روان بهمهمة مسرورة من المذاق اللذيذ للمأكولات البحرية الرائعة تحفة بجد
قال زين بحب بألف هنا و عافية علي قلبك
ابتسمت روان بخجل وقالت تسلملي حبيبي
تساءل زين بعد أن وضع شوكته بهدوء بجانب طبقه دون أن يصدر صوت طقطقة ايه رأيك نطلع نتمشي شوية بعد ما تخلصي اكل
لقد أحبت الفكرة حقا لذا أومأت بسرعة وقالت الحمدلله انا شبعت ياريت نتمشي
صمتت روان عندما نادي زين علي النادل ودفع الحساب ثم نهضوا وقال زين يلا بينا
في ذلك الوقت بداخل قصر البارون
اجتمع الجميع بعد تناول الغداء معا
قال مالك بإمتنان لكريمة التي أحضرت لهم مشروبات مختلفة بين بارد وساخن برفقة بعض الخادمات الجدد بعد إصرار ليلي على تغيير بعض الفتيات اللاتي لم ترتاح لهن وكان ذلك بمساعدة كريمة التي اختارت الفتيات بحذر ورواية مش عارف اشكرك ازاي يا دادة لولا مساعدتك انا كنت اتمرمطت
ابتسمت كريمة في وجهه وقالت بود ولا يهمك يا ابني دي حاجة بسيطة
ثم اردفت بصدق المهم ربنا يقوم ست يسر بالسلامة وربنا يفرح قلوبكم بالنونو الجديد
يسر بإبتسامة جميلة تسلمي يا دادة و بجد شكرا الرنجة كانت تجنن
اتسعت ابتسامة كريمة قائلة بإحترام العفو يا حبيبتي عن اذنكم
استدارت يسر متسائلة بحيرة اومال فين ياسين يا مالك
مط مالك شفتيه دلالة علي عدم معرفته و أجاب والله ماعارف احنا اكلنا من هنا وهو جري معرفش بيعمل ايه!!
جاءت كارمن من ورائهم وقالت بابتسامة اطمنو هو برا في الجنينه مع ملك بيلعبو لسه جاية من عندهم
قالت يسر پخوف برا دلوقتي يمكن يبردو
اجابت كارمن بنفي وهي تجلس بجانب ادهم ماتقلقيش الجو حلو دلوقتي برا
ثم اضافت بتساؤل رقيق موجهة حديثها الي زوجها حبيبي احطلك حاجة حلوة
لف ذراعه حول كتفها ونظر إليها بشغف قائلا بهمس وانتي جنبي يا كارميلتي .. هحتاج اي حاجة حلوة .. ازاي يعني!!
صاح مالك الذي كان يتابع هذا المشهد أمامه بعيون واسعة بعدم تصديق وصدمة قوية وقال بسؤال أحمق الله اكبر عليك يا روميو من امتي الرومانسية دي كلها طلعت مش ساهل ابدا
زجره ادهم بنظرة حاړقة وقال بتهكم خليك في مراتك لو سمحت .. بدل ما اطردك انت وابنك اللي لازق لبنوتي في الجنينه
لكزته يسر في كتفه بقبضتها وقالت بغيظ ماتسيبو يعبر عن شعوره يا سي مالك و ركز انت هنا شوية و لا مش عاجباك انا يعني
قال مالك وهو يقرص وجنتها بلطف ازاي يا روحي انتي الخير و البركة
حدقته پصدمة وهتفت فيه پغضب يا نهارك مش فايت وخليتني بركة كمان
رفع عينيه الي السقف بضجر و قال بحسرة يارب صبرني اهي زي ما انتو شايفين اللماضة و النرفزة بيطلعو في لحظة واحدة
قالت مريم بهدوء اهدي يا حبيبتي هو يعني مش قصده و انت يا مالك استحمل شوية ما انت عارف الهرمونات يا بني
أومأ مالك برأسه وقال بابتسامة مغتاظة انا
مركز دلوقتي في الاتنين اللي بيتوشوشو هناك دول و لا معبرنا
غمغم أدهم في استياء وهو يلتفت إليه وقال بنفاد صبر اللهم طولك ياروح .. لو قومتلك هرميك برا
رجع مالك للوراء وهو يلتصق في يسر ممسكا يدها ويقبلها قائلا پخوف مصطنع خلاص يا ابو الشباب خد راحتك دا انا بهزر
صدح بعدها أصوات ضحك الجميع عليه
وقت غروب الشمس على كورنيش البحر الأبيض المتوسط 
وقف كل من مالك وروان يشاهدان هذا المشهد المبهر في صمت ثم قاطع زين هذا الصمت بعد لحظات قائلا بصوت هامس حبيبتي
غمغمت روان بصوت خاڤت وهي تستند رأسها على كتفه نعم
قال زين بهدوء وهو نظراته شاردة نحو البحر في حاجة عايز اقولك عليها !!
رفعت رأسها وهي تنظر إليه بقلق وقالت بإنزعاج زين لو سمحت انت عارفني بقلق من مقدماتك ياريت تتكلم علي طول
سألها زين وهو يضحك بينما يضع ذراعه على ظهرها ويتحرك معها إلى الأمام مش عارف انا ليه انتي بتتوتري كدا .. اهدي كدا شويه و اطمني
تنهدت روان بنفاذ صبر مطمنة يلا احكي
جلس زين معها على أحد المقاعد وسألها بتروي ايه رأيك لو عيشنا في القاهرة
عقدت روان حاجبيها بدهشة وقالت بعدم إستيعاب القاهرة مش فاهمه .. ليه فكرت في كدا!!
أخذ زين نفسا عميقا قبل أن يقول بهدوء وهو يمسك يديها بين يديه روان انتي عارفه ان مستقبلي الطبي هيكون افضل في القاهرة
همست روان بتفكير ايوه عارفه بس..
بتر زين جملتها قائلا بتفاهم عارف اللي بتفكري فيه اهلك واهلي
نظرت إليه و هي تومئ بالايجاب وقالت بإضطراب صح انا عمري مابعدت عنهم
قال زين بتنهيدة وهو يسحب شعره بيده الذي تبعثر بفعل الريح مقدر كلامك صدقيني .. بس في مصر الابواب هتكون اوسع دا هيفيدني جدا وانا كنت ناوي علي كدا بس ماحبتش بعد جوازنا نسافر علي طول
كانت صامتة ولم تستطع الرد على حديثه حيث بدا أنه اتخذ قراره و إنتهي الأمر.
مد يده الكبيرة ورفع ذقنها ليجعلها تنظر إليها وقال بإبتسامة روان بصيلي هنا .. خدي وقتك في التفكير مابقولكيش تقبلي الوضع دلوقتي فكري علي مهلك خالص
نظرت روان إليه بحب وقالت بإبتسامة هادئة مش محتاجة تفكير يا زين امي قالتلي نصيحة يوم جوازي هي قديمة شوية و كنت بسمعها في المسلسلات بس كانت مظبوطة .. قالتلي بلدك مكان مايروح جوزك
أمسكت بيده الباردة من التوتر الذي كان يشعر به وحاول كبحه طوال حواره معها بينما كانت تفرك يده بين يدها الدافئة قليلا قائلة بابتسامة جميلة وانا مكاني جنبك في اي مكان هتروحو رجلي علي رجلك
ابتسم بإتساع وهو ينظر إليها بنظرات عشق تتفاقم كل لحظة في قلبه تجاهها وقال لها بجدية يتخللها حب عميق فكريني لما نرجع الصعيد علي راسها انها خلفت احلي واعقل واجن بنوته عشان تكون ليا انا وبس
قالت روان تقلد نبرة صوته الأجش بطريقة طريفة كل دول .. وبعدين حيلك حيلك انت ممنوع اي حد غيري يا دكتور حتي لو امي دا ليا انا وبس
قال زين وهو يقهقه علي اسلوبها الظريف وتعبيراتها اللطيفة ماشي يا لمضة
اردف بجدية عموما ماتتوتريش مش هننقل الا بعد امتحاناتك ولما تطلع النتيجة هنقلك ورقك للجامعة في مصر واكون رتبت اموري هناك
قالت روان بسعادة وحماس وهي تصفق بكلتا يديها وتنظر إليه ببراءة انا مش متوترة بالعكس تصدق انا فرحانه اني هبقي قريبة من كارمن ماكنتش في فرصة نقعد مع بعض براحتنا
قرص انفها برفق وقال بعبوس مزيف يا بكاشة فرحانه عشان بنت عمك ماشي صحيح زي القرع بتمدي لبرا
ضحكت روان بشقاوة وقالت بنظرات مترجية يعني مش لبرا اوي .. بس اوعدني انك هتخليني اورحلها علي طول
نظر إليها من زاوية عينيه محاولا إخفاء الابتسامة الماكرة على شفتيه من ڠضبها بعد ما سيقوله للتو انا كنت عامل حسابي علي كدا .. اهو اخلص شوية من الدوشة بتاعتك
كانت فاغرة فاهها بدهشة من حديثه