رواية ابن ليل بقلم اميرة اسامة ج٥

في الطريق وطلبت منهم ميحتكوش بيه خصوصا عبدالله وقالوا تمام.
بكر....طيب كويس اوي
دره....طب وكرم كان عايزك في ايه
بكر....مفيش طلب مني احط يوسف تحت عيني عايز يتاكد ان مفيش حد معاه هنا او انه ممكن يقابل حد يكون مثلا مدبرلك حاجه وانتي متعرفيش يعني. من الاخر بيأمنك مش اكتر وقالي انه مش عايز يظهر في الصوره عشان انتي لسه في العده سيبك من كلام كرم خلينا في المهم.
دره.....صحيح انت قولت انك عايزني ضروي.
بكر.....بصي يادره انتي عارفه اني جنبك واتفاقنا مع بعض هيفضل بيني وبينك بس لما فكرت فيها لاقيت اننا محتاجين نغير الخطه شويه ونعمل عليها تعديل بسيط ولازم الوقت اخد موافقتك عشان علي حسب موافقتك نتصرف بسرعه قبل ما يجي.
دره....تعديل ايه يا بكر
بكر.....دره احنا محتاجين حد يدخل معانا تاني في الخطه دي عشان نوصل للي احنا عايزينه.
دره.....مستحيل يا بكر وحد مين اوعي تقولي انك عايز تقول لكرم او عبدالله.
بكر....لا طبعا مينفعوش.
دره....امال مين وليه عايز تدخل حد تاني
بكر....انتي بتثقي فيا يا دره
دره....طبعا يا بكر انت بتقول ايه امال انا لجأتلك ليه.
بكر.....خلاص قولي موافقه وملكيش دعوه
دره....موافقه بس طيب قولي مين.
بكر....هاتي موبايلك
دره....اتفضل.
بكر خد موبايلها واتصل علي حسن.
حسن.....ايوه
بكر.....حسن حاول تقوم تخرج بره ومتبينش انك بتكلمني
حسن.....حاضر لحظه.
قام حسن عشان يخرج.
دعاء....رايح فين يا حسن.
حسن.....راجع ياما
خرج حسن وقفل الباب وراه
حسن ...في ايه يا خال
بكر......اسمعني كويس اللي هنقوله ده يتنفذ في اقل
من دقيقه عايزك تكلم سونه بنفس الطريقه اللي كلمتك بيها ومتخليهاش تلفت نظر وتنزل انت وهي في مكتب دره
حسن....حاضر طب في حاجه دره كويسه
بكر...كويسه ولما تنزل هنقولك المهم زي ما قولنالك انت وهي محدش فيكم يبين اني بنكلمك.
حسن....تمام ثواني و نبقي عندك.
اتصل حسن بسونه كانت في اوضه البنات.
سونه.....ايوه يا حسن 
حسن....يا اختاااااي بنقولك ايه يا سونه لو سماح لاحظت اني بنكلمك قوليلها اني كنت بنسألك علي شاحن او اي حاجه او حتي بنسأل عليها
سونه....بإرتباك وعدم فهم اه
الحمد لله.
حسن...اسمعيني بكر لسه قافل معايا وقالي نجيبك وننزله تحت علي مكتب دره من غير ما حد يحس عايزنا ضروري.
سونه.....منعرفش والله يا حسن كان جنبك شوفته علي التربيزه
حسن....انا واقفلك بره انجزي عشان ننزلوا نشوفه عايز ايه
سونه.....طيب لحظه هنيجي نشوفه انا اقفل.
حسن....سلام.
سماح.....في ايه
سونه.....وهي بتقوم اااه بيدور علي الشاحن بتاعه هنروح نشوفه مكان ما كان حاطه
سماح....طيب.
خرجت سونه بسرعه وقفلت وراها.
سونه....في ايه حصل حاجه 
حسن....مش عارف والله يا سونه هو قالي ننزلوا ومحدش يعرف انه كلمنا.
سونه....خير يارب طب يلا تعالي.
............
دره.....ممكن تفهمني ايه اللي بتعمله ده حسن وسونه طب حسن وفهمنا بس سونه ليه وليه اصلا هنعرفوا اتنين والكلام بينا يدخل في كذا حد
بكر....اسمعيني يا دره انتي قولتي انك بتثقي فيا والاتنين دول اكتر اتنين هيساعدونا اولا كرم طالب مني احط يوسف تحت عيني في اوقات ڠصب عني ممكن منقدرش نعمل كده فا حسن هيسد بدالي
والاهم من كل ده لما قولنالك لازم ناخد موافقتك الوقت قبل ما يجي فا ده عشان بموافقتك حسن وسونه هيساعدونا من غير ما يوسف يعرف انهم تبعنا يعني ايه هيختفوا خالص طول ما هو موجود ولو خرج بره الاوضه هيفضلوا وراه عشان لو اتكلم مع حد في الموبايل عمل اي حاجه غريبه هما يبقوا وراه وهو مش عارف انهم تبعنا في حاجه كمان انتي لازم تعرفيها يوسف لما قرر ينزل ويقابلك مكانش جاي يقابلك مره ويمشي تاني لازم تعملي حسابك انه هيفضل هنا شويه وبعد ما عرف اللي حصل للبنات هيعملها حجه وهتبقي جات من عند ربنا في مصلحته و هيعمل حاجه من الاتنين لا هيحاول يجر ناعم ويفكر انه بيكسبك وبيرجعك ليه تاني عشان تثقي فيه لحد ما تتنازلي يا اما هيفضل رايح جاي عشان بردوا يثبتك وانا واثق ان هيكون وراه حاجه فا لو محصلش وغلط اي غلطه قدام حسن وسونه انهارده اكيد الكام يوم اللي هيفضل فيهم ها انا واثق انه هيغلط ولو احنا ظالمينه وهو مش شرير اوي كده وجاي بس يثبتك عشان متاخديش منه ولا مليم ومش في نيته انه يأذيكي او يعمل اي حاجه يبقي بردوا مخسرناش حاجه مراقبتهم ليه مش هتخسر .
دره....طيب و اشمعني حسن وسونه وليه حسن انت يعني اختارته علي اساس ان انا عمته وانت خاله فا هوافق عليه.
بكر.....بصلها بطرف عينه علي اساس اني بقولك اهو حد بينا محايد يعني اكيد لا بس محمد وهيما انتي عارفه حالتهم والعنليات اللي عاملينها واحمد مش هيسعفني الموضوع ده محتاج تنطيط وهو رقبته مش محتاجه مجهود و كرم وعبدالله بره حسابتنا اصلا واكيد لا ابوكي ولا المعلم رفاعي ينفعوا فا مفيش غير حسن..
ابتسمت دره ڠصب عنه من عصييته البسيطه
دره....طيب خلاص براحه انا فكرتك بتعمل كده عشان خاېف اني ارفض لو قولت حد غيرهم محسبتهاش زي ما قولت
بكر....عارف انك مش هترفضي يا دره كلهم عيالنا وكلهم رجاله وثقه بس حاليا مفيش غير حسن وحسن زيه زي عيالي أضمنوا برقبتي وسر يعني محدش يقدر ياخد معاه لا حق ولا باطل.
دره....طيب وسونه.
بكر......عشان نفس السبب لا مها ولا دعاء ينفعوا دعاء اختي ولخمه عبدالله هيقفشها بسهوله مها بقي ممكن من كتر ما هي مش طايقه يوسف تروح تديله بحاجه علي راسه
ضحكت دره ڠصب عنها 
بكر....بإبتسامه اه والله وطبعا نبيله و بلبله صعب وكل دول وارد يوسف يجي اي وقت و يلمحهم مع العيال في الاوضه و هيقفشهم لكن سونه لا اولا جدعه وبميت راجل و هتعرف تتصرف من الاخر هتنفعنا.
دره.....طيب تمام اللي تشوفه المهم محدش فيهم يغلط لا قدامه ولا قدامهم
بكر.....قولتلك
سونه....خير يارب في ايه يابكر
بكر....ياستي تعالي بس اقعدي هنقولك.
قعدوا قدامه الاتنين وبصوله بترقب.
بصت دره لبكر بمعني اتكلم انت
بكر....بصوا من غير مقدمات لان مفيش وقت معانا خالص لو قولتلكم اننا محتاجين مساعدتكم او بمعني اصح دره محتاجه مساعدتنا كلنا .
حسن......طبعا معاكم مش محتاجه سؤال.
سونه....رقبتي يا بكر ليك و لدره قولولي بس الحكايه وسيبوا الباقي عليا.
بكر.....حلو اوي وانا عارف يا سونه عشان كده اختارتكم بصي يا ستي 
انا هنحكيلك الحكايه بإختصار وفي السريع .
سونه....سمعاك.
بدأ بكر يحكي الحكايه بسرعه چاك قالها ايه و يوسف قالها ايه وايه اللي يوسف بيخططله وايه اللي هما بيفكروا فيه وكلام كرم مع بكر وليه بكر اختارهم.
بكر....انتوا كده عرفتوا كل حاجه
سونه....احيه علي راجل واطي بصت لدره بسرعه يقطع لساني اللي عامل زي الدبش معلش يا دره مهما كان ده ابو ولادك بس صراحه دمي اتحرق.
دره....بإبتسامه لا يا سونه خدي راحتك .
سونه.....عموما انا معاكي وفهمت كل اللي بكر قاله واللي المفروض نعمله ومتقلقيش هنزود شويه من عندي كمان
بكر....لا تزودي ايه بلاش تجويد يا سونه الله يباركلك عشان الخطه تمشي تمام.
سونه....الله اهو التزويد اللي عندي ده ممكن يكون بالخطه كلها.
دره....استني يابكر خلينا نفهم قولي يا سونه.
سونه.....بصي يا دره مفيش راجل لا مواخذه مبيريلش علي النسوان
ويوسف ده طلع منهم بيتهيألي احنا نمسك في كلام بكر ان طول ما هو موجود لا نيجي ناحيه الاوضه ولا نقرب منكم من الاساس وكل شغلي هيكون بره وراه هو بمعني اصح بس لو حصل وسمعته بيتكلم مكالمه مش مريحه وبيذكر اسم دره وقتها هنعرفوا اني نعرفك ومن منطقتك ومش بس نعرفك ده انا نطيق العماء ولا نطيقك واي حاجه يعوزها انا في الخدمه أدام اللي هيعوزه ده يضرك.
بكر.....يا بنت اللعيبه ايه الدماغ دي اشتريت.
سونه.....احيه عليا لا متستهونش بدماغ الاسكندرانيه احنا معلمين مش اي كلام
دره....انا الفكره عجبتني و لو حظنا حلو يوسف يغلط ويتكلم في المستشفي عشان عارفه انه لو ناوي علي أذي هيعجبه الاتفاق خصوصا انه لما يعرف انك بنت منطقتي هيلاقيها فرصه عشان توصليله كل خطواتي بس بردوا يا بكر انا مش عابزه سونه تتعرض لأي اذي يوسف ذكي.
بكر.....متقلقيش زي ما عيني هتكون عليكي هتكون علي سونه.
سونه.....ايووووه وهي سونه يا اخويا انت وهي يتخاف عليها ده يوم ما يفكر يجي جنبي تبقي امه دعت عليه صوت واحد مني وسط الشارع ونسمعوا اجدعها ربع
دره.....بأبتسامه اسمعيني يا سونه الفكره مش في الصوت العالي ولا الربع اللي هتسمعيهوله يوسف ذكي انا عاشرته الراجل ده عشان يوصل لاي حاجه في احلامه اللي كان عايز بحققها كان بيقدر يكون سياسي للبعد حد ممكن تتخيليه يقدر يتلون بمېت وش شويه اقنعته في الشغل كانت كتيره اوي بين الضعيف والقوي المتسامح الوصولي المستبد الدكتاتوري المتنازل واوقات الكتير السماوي.
كنت سعات بنقوله انا اوقات لما بشوفك بتتحول بالشكل ده بنخاف منك كان يقولي الناس هنا طبعاعا غير وكل واحد ليه طريقه تتعاملي معاه بيها و البيزنيس محتاج انك تتحولي طول الوقت
مش هنكر ان دماغه كانت بتعجبني بس النقطه دي بالذات كانت بتقلقني منه وده قبل اي مشاكل اعرفها بس تقريبا انا مكنتش واحد بالي ان دي شخصيه يوسف وانا اللي هبله.
عموما لازم تاخدي بالك يا سونه يوسف ميضمنش.
سونه....وحدي الله و سبيها علي الله وعليا لو هو مش سهل فا اللي وقع معاهم دماغهم تربيه شيطان ولا ايه يا بكر.
بكر.....مفيهاش ايه طبعا ولا هيسلك معانا.
حسن....طيب انه ايه قصتي في اليوم ده اني نراقب تحركاته بس.
بكر.....هنسلمه لبعض يا حسن بس كمان هتبقي زي سونه احنا منعرفس زيارته دي هتبقي الاولي ولا الاخيره بس لو كررها تاني لازم ميعرفش انك مننا صحيح يا دره هو يعرف حسن شافه يعني في اي صور.
دره....لا خالص اطمن ولا كان بيهتم بالحجات دي اصلا
حسن......طيب كويس بس لو هو قعد اكتر من كذا يوم لازم تتأكدي انه فعلا كداب لانه قالك انه معرفش دينا دي انه رايح شغل كام يوم في الامارات لو فضل اكتر من كده يبقوا مخططين
لكل حاجه مع بعض وهو بيرسيها اول بأول علي اي جديد.
دره....وانا واثقه ان ده اللي هيحصل.
بكر.....چاك بقي ده كمان همته معانا بس من هناك عايزين نبقي مقفلين عليهم كل حاجه.
دره....اطمن چاك من البدايه وهو بيعمل كده المهم عيزاكم تخلوا بالكم أرجوكم حسن عينك تبقي علي سونه 
حسن....اطمني متقلقيش عليها.
بكر.....يلا خلينا نطلعوا بقي وانت يا حسن هتخفي شويه عايزك تبقي في الطرقه عند الاستراحه وعينك تبقي علي الاوضه من بعيد لحد ما تتأكد انه وصل
حسن....تمام لو امي ولا ابويا سألوا عليا قولوا اني قاعد شويه بنطمنوا علي منكش.
بكر.....تمام يلا بينا.
دره....طيب معلش اطلعوا انتوا وخلوا معايا سونه شويه.
بكر....تمام يلا يا حسن.
خرج بكر وحسن وفضلت سونه قاعده قدامها قامت دره وقعدت في الكرسي اللي قدامها.
دره....سونه انا ااا بصراحه انا مش