رواية ابن ليل بقلم اميرة اسامة ج٥

مكانتش تسمح بكل اللي هي بتعمله ده بس استحملت وقولت ڠصب عنها فقدت ولادها وفقدت الامل في انها ترجع تاني تبقي ام ولازم استحملها عملت معاها كل حاجه حلوه حاولت احسن نفسيتها اتكلمت معاها قولتلها اننا ملناش نصيب في الولاد واكيد ربنا ليه حكمه خلاص نستعوض ربنا وهعمل كل حاجه في ايدي عشان اعوضك هنسافر العالم مع بعض هنتبسط كل اللي تطلبيه هيتنفذ مش هخليكي تحسي بأي حاجه في الاول مكانتش راضيه بس بعد شويه بدأت تهدي او انا اللي كنت فاكرها بدأت تهدي بس للاسف طلعت بتخطط للهرب بكل فلوسي وفعلا جهزت كل حاجه بهدوء وخدت مني كل حاجه وهربت علي مصر .
حسن....لا حول ولا قوة إلا بالله دي حكايه ولا في الأفلام
يوسف....الدنيا مليانه حكايات متتصدقش يا حسن وحكايتي من ضمن الحكايات اللي متتصدقش انا الوقت مش عايز اي حاجه منها غير انها ترجعلي حقي ولاخر مره هخلي بالي عليها طويل هي بردوا اكيد ڠصب عنها هحاول اعرض عليها ترجع معايا وهسامحها بس لو رفضت هديها حقوقها والمبلغ اللي يرضيها كمان ويأمن حياتها بس اخد انا كمان جزء من فلوسي.
حسن.....ده انت طلعت طيب اوي يا باشا بعد كل ده بتفكر ترجعها معاك او تديها جزء من الفلوس لو رفضت تكمل
يوسف....قولتلك يا حسن للاسف انا لسه بحبها المهم انا حكيتلك حكايتي الباقي عندك هتقدر تساعدني
حسن.....بعد اللي سمعته منك يا باشا مش هنقدر نتخلي عنك بس كمان متزعلش مني انا قلقان يعني لو القصه في المكان فا دي محلوله بس اني اخطڤ ست دي صعبه اوي جنابك عارف الحريم والجرسه بتاعتهم عندنا هنا لو هبطت في واحده ڠصب عنك بتقف وسط الشارع تصوت وتفضحك وتقولك اتحرش بيا وتخلي الخلق كلهم يضربوا فيك ومتلحقش تقولهم انه ڠصب عنك ما بالك بقي في اني نخطفها بيتهيألي دي محتاجه تفكير متآخذنيش يا باشا انا مش بنتخلي عنك والله بس انا راجل بنجري علي اكل عيشي و بنحاول نزق اليوم زي ما انت شايف ومش حمل مشاكل او ضړب ولا سجن انت عارف عقوبه الخطڤ كام سنه.
يوسف......يا ابني. افهم انا اكيد مش هأذيك انت لا هتضرب ولا هتتسجن ولا حتي هتخطف.
حسن....ما حضرتك اللي قولت وبعدين هنجيبها ازاي علي المكان من غير ما نخطفوها.
يوسف......انت ملكش دعوه بالقصه دي يا حسن انت كل

اللي هتعمله هي شغلتك سواق هتركب معاك وتوصلها للمكان بكل هدوء وفي حد هيساعدك
حسن....حد مين مش جنابك قولت مفيش حد غيري انا وانت اللي عارف
يوسف....لا في حد تاني هيساعدنا بس هو تبعي مش تبعك انت واللي هيساعدنا في الحكايه دي واحده ست هي اللي هتجيبها وهتبقي معاك علي الخط يعني هي هتعمل انها طلبت اوبر وانت هتكون مستني بصفتك سواق الاوبر وهي هتقولك علي المكان هيركبول معاك وهتجيبهم انت علي هناك وانا هكون مستنيكم هناك بس كده فهمت.
حسن....بتفكير وتمثيل التوتر فهمت
يوسف....طيب قولت ايه 
حسن....مش عارف حاجه جوايا بتقولي متسيبش الراجل ده وساعده وحاجه تانيه مخوفاني بتقولي بلاش خاېف حد يشوفها معايا ويجيبني من رقم العربيه
يوسف....قولتلك يا حسن متقلقش انا عامل حسابي لكل حاجه وبعدين انا مش هأذيها عشان الموضوع يوصل للشرطه ولو فرضنا يا سيدي ده حصل انت ملكش دعوه انت مجرد سواق وبس زباين ركبوا معاك وانت وصلتهم وخدت أجرتك ومشيت
وبعدين انا قولتلك انت لا هتخطف ولا اللي هتساعدك هي هتركب معاكم بإيرادتها فهمت ها قولت ايه.
حسن....طيب تمام بس الموضوع ده مش هيتعمل خبط لزق كده ده عايز وقت
يوسف....قد ايه لازم تعرف ان لازم خلال ست ايام بالكتير اكون رجعت امريكا لان ليا شغل هناك ومينفعش اسيبه كل ده.
حسن....لا مش هتوصل لست ايام بس علي الاقل اديني يومين نكون ظبطنا حوار المكان بردوا حضرتك طالب مكان بمواصفات معينه واهم حاجه انه يكون متطرف انت عارف الحريم بيعملوا قلق وارد تصوت صوتها يعلي حد يسمع نروح في داهيه فا لازم نشوف مكان مناسب ونشوفه قبل ما نعمل العمليه دي ونتأكد انه تمام.
يوسف....وانا موافق يومين حلوين اوي بس مش اكتر من كده يا حسن عشان نلحق
حسن....هما يومين بالعدد ان مكانش يوم انا بس واخد وقت اطول عشان منوعدكش بحاجه ويحصل حاجه تانيه انا بمجرد ما هنقوم هنكلم صاحبي ده ونقوله علي الحكايه ونشوف هيقولي ايه
يوسف....بس هتقوله زي ما اتفقنا المكان للتصوير
حسن....اكيد يا باشا يعني هنروح نقوله هنخطف واحده ست متقلقش
يوسف....خلاص يبقي اتفقنا وانا مستني تليفونك اكون ظبطت مع الست اللي بقولك عليها وعرفتها الحوار هيمشي ازاي عشان هي كمان تبقي جاهزه واول ما انت تقولي المكان تمام نبدأ علي طول
حسن.....تمام يا باشا واعتبره حصل واطمن مش هتمشي من هنا غير وانت حقك معاك وكمان هتحلف بحياة ابو علي في وقفته معاك.
يوسف.....بإبتسامه من غير ما تقول يا حسن انا لما اختارت تساعدني كنت عارف انك جدع وهتساعدني المهم امسك الشنطه دي فيها ال الف اللي قولتلك عليهم.
حسن....طيب بالنسبه للفلوس بقي
يوسف....ايه عايز تزودهم بعد ما عرفت الطلب التاني
حسن....عيب يا باشا مش انا اللي نستغل واحد جدع زي حضرتك انا بس كنت بنقول معلش خلي الفلوس معاك لحد ما اطمن ان المكان تمام ونبدأ ننفذ
يوسف....ليه حد يقول للفلوس لا
حسن....مش القصه يا باشا بس بردوا حضرتك لسه متعرفنيش اوي مش يمكن نخرج من هنا يجرالي حاجه وحقك يضيع معايا
يوسف....بعد الشړ متقولش كده
حسن....معلش يا باشا محدش فينا ضامن عمره احنا نفس داخل ونفس طالع وده حقك وبعدين انت ليه طيب كده مش خاېف مثلا اني نخرج من هنا متشوفش وشي تاني واكتفي ب الف جني من غير تاجير مكان او خطڤ
يوسف.....بإبتسامه قولتلك يا حسن لما اخترتك كان ليا نظره واهي بانت انت ابن اصول يا حسن وانا واثق فيك
حسن....يا باشا متآخذنيش اهي طيبتك الزايده دي اللي عملت فيك كده انت وثقت في مراتك غدرت بيك ايش عرفك اني منغدرش بيك انا كمان خلي فلوسك معاك يا باشا لحد ما نقولك ان كله تمام صدقني يا باشا انت لسه متعرفنيش انا حقاني ولولا ان عرفت ان اللي هتعمله ده ڠصب عنك مكنتش هنساعدك ابدا بس انا يعلم ربنا حبيتك وعايز نساعدك من قلبي ومش عايزك تثق في حد ولا عايزك تبقي طيب كده انت متضمنش النفوس اللي بتتعامل معاها.
يوسف.....انت جدع يا حسن اوي وانا واثق ان ربنا هيكرمك وعموما يا سيدي انا مصمم تاخد الفلوس كفايه انك وافقت وادتني كلمه والراجل بيبان من كلمته وانت راجل يا حسن وعارف انك هتساعدني.
حسن....بإبتسامه إحراج مصمم يعني. يا باشا
يوسف....اه مصمم يا سيدي.
حسن....طيب تمام هناخدهم بس قيل مناخدهم اقسم بالله واللي خلقني وخلقك يا باشا انا هنساعدك ونقف معاك ومش هنغدر بيك بس زي ما قولتلك محدش ضامن عمره والحاجه الوحيده اللي ممكن تخليني نخل بالاتفاق معاك لو خرجت من هنا وقابلت وجه كريم فا عايزك تبقي مسامحني.
يوسف.....بعد الشړ عليك وإن شاء الله مش هيحصلك اي حاجه عشان انت نيتك طيبه ولو ياسيدي لا قدر الله حصل انا مسامحك.
حسن.....وإن شاء الله مش هيحصل عمر الشقي بقي زي ما بيقولوا عموما زي نا قولتلك اديني يوم او اتنين و لحد ما اظبط

كل حاجه احنا علي تليفون مع بعض عشان اول باول اعرفك كل حاجه.
يوسف....وانا هستناك تبلغني اخبار حلوه.
حسن....اعتبره حصل يا باشا نقوم انا بقي عشان نلحق نظبط الدنيا.
يوسف.....قوم يا حسن
حسن.....بإبتسامه قرب منه بهمس بنقولك ايه ياباشا
يوسف.....قول
حسن....لا موأخذه يعني وانا داخل مكانش في فأيدي شنطه والوقت هنخرجوا بشنطه تفتكر يعني ممكن حد يوقفني ويقولي جبتها منين معلش قولتلك مدخلتش فنادق قبل كده وحاسس اني عامل زي تجار المخډرات داخل فاضي وخارج محمل 
يوسف.....بضحك انت مصېبه لا ياسيدي محدش هيوقفك متخافش
حسن....امان يعني 
يوسف....امان يا سيدي يلا بقي اتكل علي الله
حسن....رغاي انا اوي معلش استحملني يا باشا واهو منك بنتعلم.
يوسف....ماشي يا ابو علي اشوفك قريب.
حسن.....إن شاء الله بنقولك ايه لحد ما المصلحة بتاعتنا تقضي لو احتاجتك اي توصيله انا في الخدمه اوعي تجيب سواق غيري وتقول ده بقي غني ومعاه 100 الف البحر يحب الزياده يا باشا وكلك نظر.
يوسف....بضحك مش هكلم حد غيرك يا مصېبه يلا امشي بقي.
حسن....بإبتسامه حط الشنطه تحت كتفه سلام عليكم.
يوسف....عليكم السلام 
..................
خرج حسن من الفندق ركب عربيته واول ما اطمن ان مفيش حد وراه و ان يوسف مش متفق مع اي حد طلع موبايله وكلم بكر.
خرج بكر بهدوء من الاوضه واول ما خرج رد عليه بلهفه
بكر.....ايوه يا حسن فينك.
حسن.....انا جاي علي المستشفي وعايز قبل ما نطلع فوق تجيب دره وسونه و تروحوا علي مكتبها
بكر....طيب طمني عليك الاول انت كويس حصل اي حاجه منه
حسن....اطمن امان انا بخير
بكر....طيب مفيش حد تبعه مش متفق مع رجاله او اي حاجه تراقبك
حسن....بنقولك اطمن ده فاضي خالص تقدر تقول هو معتمد عليا انا وسونه في اللي طلبه مني.
بكر.....طيب انت قدامك قد ايه.
حسن.....انا لسه ماشي من الفندق نص ساعه ولا ساعه إلا ربع ونبقي عندكم لما نقرب هنديلك رنه تاخد سونه ودره وتستنوني تحت.
بكر....طيب خلاص مستنيك
حسن....بنقولك ايه الدنيا عندك تمام قولتلهم زي ما اتفقنا
بكر....اطمن عرفتهم انك لو لاقيت المراجعات نزلت هتكلمهم تعرف منهم اللي محتاجينه
حسن....طيب تمام يلا مسافة السكه ونبقي عندك.
بكر....خلي بالك من نفسك سلام
حسن....سلام.
..................
في غرفه الشباب كلهم كانوا متجمعين مع بعض وما بين اوضه البنات واوضه الشباب في بلكونه بتوصلهم ببعض و دانه وديما واحمد ومحمد كانوا واقفين في البلكونه والباقي في الاوضه قاعدين بيتكلموا وبيهزروا وبدأوا يرجعوا زي الاول.
كرم ودره كانوا بيريحوا وقاعدين معاهم كرم بيشرب معاهم شاي
دخل عليهم منكش بعد ما خبط
منكش....سلام عليكم
الجميع.....بإبتسامه وعليكم السلام
رفاعي....اهلاااااا يا بطل
زكريا....بإبتسامه تعالي يا منكش يا ابني طمني عليك كرم قال انه كتبلك علي خروج
منكش.....اه الحمد لله اخيرا هنخرج قولت اجي اسلم عليكم واطمن علي الشباب ربنا يخرجهم بالسلامه.
رفاعي.....فيك الخير والله يا منكش وحمد الله علي سلامتك
هيما.....حبيبي يا منكش اطمن بكره هنخرج و هنرجع نرازي فيك
منكش.....بضحك وانا في ديك الساعه اخرجوا انتوا بس ورازوا فيا زي ما انتوا عايزين.
نبيله....والنبي فيك الخير يا ولا ان شاء الله يتم شفاكم كلكم علي خير
كرم....بإبتسامه بس بقي عشان منكش محدش قده مدلع اخر دلع تتخيلوا المعلم صبري جاي يا خده بنفسه
زكريا....بضحك ايه ده اخيرا شكله بيحبك يا ولا
منكش.....حس بقيمتي واحتاس من غيري مش عارف يدور القهوه
زكريا......بضحك ايوه اتنمرد بقي وشوف روحك.
بكر....اهلا