رواية ابن ليل بقلم اميرة اسامة ج٥

الجمال
حسن......باااااااااااااس نقطع الكلام بقي خمسه كده عشان منرتكبش چريمه.
سكتوا كلهم وبصوله.
دعاء....في ايه ولا .
نبيله....چريمه ايه اللي ارتكبها يا واطي سيبنا نفرح دي فرحه متأخره عشرين سنه.
حسن....مليش فيه انا كان ليا فرحه قبلهم ايه عايزين كرم ودره يسرقوا مني الاضواء ما تتكلم يا جدي قول كلمتك يا كبير انت طول عمرك حقاني.
ضحكوا كلهم علي حسن وضحكت سماح بإحراج.
زكريا....ياولا انت عارف رأيي بس كل حاجه بالاصول وبعدين من لما عروستنا تشد حيلها وتخف.
حسن.....تخف ايه ما هي زي القرده اهي قولي حاجه يابت
نبيله....ياولا هو سلق بيض دي مش عروسه وليها طلبات والاصول بتقول لازم تروحلها لحد عندها وتطلبها من امها 
حسن.....قولي موافقه يا سونه وخلصي الليله دي
نبيله....احيه عليك ولا مالك مسروع كده ليه يا ولا لازم نطلبها من بيتها
حسن.....فرقت يعني ما هي القاعده اللي هتتعمل هناك هتتعمل هنا وبعدين يا ستي نبقي نروح لحد عندها تاني احنا ورانا ايه البيت مش بعيد قولي موافقه يا سونه بدل ما نرتكب چريمه.
سونه.....بضحك وسعده موافقه يا ولا
نبيله...شوف يا اختي الوليه يابت متبقيش مدلوقه كده وعايزه تجوزي بنتك وخلاص متعمليش زيي
ضحكوا كلهم علي نبيله واعترافها انها ملهاش زي 
عبدالله....خلاص ياما عملت زيك واللي كان كان ووافقت وعشان بردوا نمشي كلام ابويا وامي ونمشوا بالاصول يوم الخميس الجاي هنيجي نتفقوا علي كل طلباتك يا سونه ونقروا فتحتهم
سونه.....مليش طلبات يا عبدالله كفايه ان بنتي تبقي وسطكم ده عندي بالدنيا يوم ما نطمن عليها.
نبيله.....ده انتي تقعدي وتطلبي وتتشرطي يابت انتي حيلتك غيرها وبعدين اللي عايز يفرح يستحمل طلباتك ولا ايه يا حسن 
حسن.....بتلبسيني يعني 
نبيله....اه بنلبسك مش عروسه ولازم طلباتها تبقي مجابه سمعونا زغروطه يا عيال.
فرح حسن والسعاده كانت هتنط من عينه هو وسماح وسونه قلبها كان طاير من السعاده الكل باركلهم وانتهي يومهم نهايه سعيده وغير متوقعه.
وللحديث بقيه....
أبن_ليل
صاحبة_البطل_الواحد
أميره_اسامه
البارت السابع والأربعون 
الحزن لما بيدق الباب بيجيب احزان كتير وراه والفرح لما بيدق الباب بيجي افراح كتير وراه
وده كان حال ابطالنا بعد حزن وۏجع اخيرا الفرح دق بابهم و الفرحه بقت فرحتين دره وكرم وحسن وسماح بس يمكن فرحة دره وكرم كانت اقوي واكبر فرحه متأجله عمرها عشرين سنه
اليوم انتهي نهايه سعيده بعد اعتراف كرم وبعد نقاشه الحاد بينه وبين بلبله الاتنين نسيوا كل حاجه في لحظتها خرجوا كل اللي جواهم لبعض و فرحوا من قلبهم بجد
اما دره فا فرحتها بطلب كرم وان ابوها كان عارف كانت فرحه كبيره لكن فرحتها الاهم كانت في ردود افعال اهل كرم وبناتها بالتحديد
كانت قلقانه وحابه تجيبها واحده واحده لكن بناتها غيروا كل توقعاتها.
الكل كان قاعد ومبسوط ومحدش فيهم حابب اليوم ده يخلص ابدا و كالعاده دره كانت بتهرب من نظرات كرم اللي مصمم ديما انه يلغبطها 
حسن....طلع لكرم لسانه كيرو انا عريس زيك
كرم....بضحك ياولا اكبر و اعقل وبعدين العبره في اللي يسبق يا اهبل انت أخرك قرايه فاتحه
حسن....مين ده لا مفيش منه الكلام ده انا هتجوز معاك.
كرم....بضحك احنا طالعين رحله وبعدين تعالي هنا بقي عشان في سؤال ھنموت ونعرف إجابته
بكر.....اهو فاق عليك اشرب بقي
حسن....سؤال ايه
دره....ايوه وانا كمان عايزه نعرف
حسن....انتي جايه في اي حاجه يا دره
دره....اه عشان عارفه السؤال
حسن....بضحك غمزلها ايوه بقي كنان عارفه السؤال من قبل ما يسأل
ضحكوا كلهم علي حسن ودره ضحكت بإحراج.
دره....اتلم ياولا بدل ما نفتح نفوخك
حسن....اتلمينا اسأل يا كيرو
كرم.....اشمعني يا ولا انت الوحيد اللي ولا اتفاجئت اني دكتور ولا حتي سألت انت كنت عارف
ضحك حسن وبص لهيما ومحمد واحمد وهما فضلوا يبصوا حواليهم كأنهم مسمعوش وهيما حط ايده علي وشه.
كرم.....ااااااه قولوا كده بقي انا اصلا كنت شاكك فيكم والله
هيما....بضحك لا والله مش زي ما انت فاكر انا اصلا مليش دعوه بالحوار ده.
كرم.....يلا افضحوا بعض 
احمد......بص انت عارف اننا بنحفظ السر وعمرنا ما بنقوله
كرم.....وحصل ايه يا ولا السر سرب لوحده
حسن....بضحك بما انه قفش الحوار خليني انا نفهمه
كرم......اه يلا يا حيلتها فهمني.
حسن.....طبعا انا عارف الحوار ده من سنين مش من قريب
كرم.....كماااان ده انتوا ليلتكم سوده 
محمد.....بضحك يا جدع ما تتكلم علي طول هو ناقص تسخين.
بص كرم لمها 
مها.....ودين محمد ما ليا دعوه انا اصلا اول مره نعرف الوقت حالا ان حسن كان عارف
كرم....ماهي ربايتك 
مها....متتكلمش عالربايه يا خويا دول تربايتك انت وابوهم
كرم....انا ربايتي متعملش كده يبقي ربايه جوزك 
بكر.....بضحك وجوزها ماله انتوا مش لاقينله مصېبه تحطوه فيها
كرم.....ماشي يا اخويا احكي يا سي زفت عرفت ازاي
نبيله....استني بس يا كرم انت يا ولا عارف بقالك سنين ومقولتش
كرم.....متسكتيلوش
حسن.....بضحك هو ايه اللي متسكتيلوش كنت عايزني نفض سرك 
كرم....ماهو اتفضح يا اخويا انت مش عرفته بس العيب عاللي عرفك
هيما....يا ابني ما تنطق بدل ما يفجرنا
حسن......طب ما تسكتواااااا اسمع يا عم
كرم.....عم ده انت ليلة اهلك سوده ربايتك يا عبدالله هاااا
عبدالله.....وانا مااااالي 
كرم....انا بنعرفك بس هو جيل كله عايز ربايه
حسن....طب خليني نقول الكلمتين
كرم.....هو حد حايشك
دره....بضحك ما انت قاعد تتكلم صحيح
ضحكوا كلهم وبصلها كرم وهو بيضحك ورافع حاجبه انتي بتقويهم عليا
دره....بضحك لا بس انت مش مدي لحد فرصه يتكلم.
كرم....ماااااشي الصبر حلو
حسن....اسمع في مره كنت انا وهما خارجين فا نزلت تحت عشان اروح اقابلهم في اخر الشارع قبل ما تشوفونا فا مها كلمت محمد قالتله اطلعلي انت في اليوم ده كنت ناسي في البيت ورق مهم واتصلت عليها عشان تبعتهولك مع حد فا طلع محمد خد منها الورق ونزل و جالنا علي اخر الشارع.
فا قالنا قبل ما نخرج لازم اروح بسرعه اعدي الورق ده علي كرم في المستشفي..
حك محمد ايده علي وشه وكرم بصله وهو رافع حاجبه ومبتسم.
محمد....احيه
حسن....بضحك انا وقتها اټخضيت فا سألته كرم ماله هو كويس فضل ا يبصوا لبعض وواحد يغمزله والتاني يضربه في كتفه
فا حلفت ما هنمشي غير لما نقعد عالخبر وعرفت كل حاجه بس حلفوني منجيبش سيره عشان متعلقهمش
دانه.....بضحك يعني مطلعتش انا بس اللي لساني فالت
محمد....بضحك اسكتي انتي الوقت مش وقتك 
كرم....ما صحيح انا مستأمن شويه عيال 
حسن....لا بس انا صونت السر ووالله ما نطقت 
كرم....جدع يا ولا مش زي ناس 
محمد.....ما خلاص بقي يا كيرو كانت ذله لسان وبعدين قالك من كذا سنه يعني مش من قريب
كرم....ماشي يا اخويا هعلقك بعدين 
محمد.....ده انا حبيبك
كرم.....ولا اعرفك يا واطي 
كملوا قعدتهم و ضحكهم و هزارهم وانتهي اليوم نهايه سعيده علي الجميع
طلع حسن ودخل علي اوضته بعد ما دره قالتله كلم يوسف قوله انك لسه ملاقتش المكان بس انت مش بتدور.
دخل وقفل علي نفسه واتصل عليه.
يوسف......الووووو
حسن....باااااشا اسف يعني لو بنتصل في وقت متأخر يارب مكونش ازعجتك ولا صحيتك
يوسف......لا يا ابو علي انا صاحب ايه شكلك جايب اخبار حلوه ولقيت المكان.
حسن.....متقلقش يا باشا الاخبار الحلوه جايه
جايه بس انا شوفت انهارده مكان بس حسيت انه مش مناسب هو مش بعيد وحواليه دوشه يعني اي حد ممكن يلاحظ دخولنا.
يوسف....لا يا حسن انت عارف انا عايز المكان مواصفاته ايه وزي ما قولتلك اهم حاجه يكون المكان هادي.
حسن....ما عشان كده انا قولت لا وان شاء الله بكره هنشوف مكان غيره انا بس قولت نكلموك عشان متفكرش اني ناسيك او خلعت بالفلوس
يوسف....بضحك وانا قولتلك اني واثق فيك يا ابو علي
حسن....تسلم يا باشا دي شهاده كبيره والله عموما انا قولت نطمنك وان شاء الله بكره نجيبولك اخبار حلوه الولا اللي قصدته في المكان قالي ان اكيد طلبي في مكان بكره اللي هيفرجني عليه.
يوسف....إن شاء الله المهم اول ما تلاقي طلبي أجر علي طول متستناش و بلغني بسرعه
حسن....اطمن يا باشا بكره انا معاك عالخط
يوسف....تمام يا ابوعلي
حسن.....تؤمرني بحاجه يا باشا
يوسف....شكرا يا حسن.
حسن......تصبح علي خير
يوسف....وانت من اهله.
بص حسن للموبايل بقرف وشتم يوسف في سره وبعدين أتصل علي سماح.
غيرت دره هدومها وقعدت علي السرير وهي حاسه انها طايره من كتر السعاده. جانب من عقلها كان شغال في خطتها وعارفه كويس هي داخله عليه ايه الايام الجايه
لكن مكانتش حابه تفكر و تدي الموضوع أهتمام كبير وتفسد علي نفسها سعادة اليوم اللي بدأ من اوله بدايه جميله خروج البنات والشباب و رجوعهم بألف خير ..
الحب و الدفئ و الفرحه اللي بجد وسط اهل منطقتها اللي أستقبلوهم أستقبال جميل يليق بالعشره الطيبه اللي بينهم ..
اللحظه اللي كانت أشبه للحلم اللي عيشها فيها كرم في مكانه السري و حكايته عن حياته الخياليه معاها لحظه عمرها ما هتتنسي لأنها أتختمت في قلبها وعقلها..
وأخيرا وليس أخرا المفجأه الغير المتوقعه اللي فجأها كرم بيها وهي طلبه لايدها من زكريا قدام الكل ..
وفي وسط ما هي سرحانه والابتسامه مس مفارقه وشها رن موبايلها ولمحت اسمه تلقائي ابتسمت وفتحت علي طول
كرم.....بحب وبعدين يعني هنفضل مستني كتير عشان تحني عليا وتنيميني جنبك حرام عليكي ده انا ھنموت من التعب وكلك علي بعضك وحشتيني
دره....بحب وصوت واطي هو انا مش قولتلك متتصلش وانا هنكلمك لما البنات تنام
كرم....لا بنقولك ايه انا طلبتك من ابوكي عشان ميبقاش ليكي حجه واعرف اكلمك اي وقت
دره.....قصدك خدتني علي خوانه ده انت فكرتني وليلتك مش فايته علي اللي عملته فيا يا ابن الرفاعي
كرم....بضحكه جميله طيب بزمتك مش مفجأه حلوه
دره.....اكيد بس خلتني مش عارفه ننطق ولا حتي نبص لاي حد
كرم....جيبت أخري يا دره ومبقتش قادر علي بعدك صحيح كان في بينا اتفاق بس الاتفاق ده عشان انتي كنتي طالبه اننا ندي فرصه للكل يحسوا بمشاعرنا وده كان حاصل يا دره بس مكانش عندي استعداد نستني لحد ما يجي حد فيهم ويسأل وقولت لازم نتكلم انا والاهم من كل ده اللي انتي كنتي عيزاه حصل
الكل طاير من الفرحه والبنات مبسوطين وموافقين فاضل ايه تاني بقي .
دره.....فاضل اكون معاك في نفس المكان يا كرم
كرم....بحب قريب يا قلب كرم قريب اوي 
دره.....عارف يا كرم انا بحب الكلام معاك اوي
كرم.....بإبتسامه شقيه بتحبي الكلام معايا بس
دره....انا بتكلم جد علي فكره.
كرم.....طيب قوليلي بتحبي تتكلمي في ايه
دره....منقصدش كلام في موضوع معين انا نقصد الشعور نفسه.
كرم.....يعني ايه الشعور نفسه
دره....ديما الناس اللي مبنحسش معاهم براحه بنهرب من الكلام معاهم وبنختصر في ردودنا علي قد ما نقدر أما الناس اللي بنحبهم بجد طبيعي يا كرم اننا نحب الكلام معاهم ومش بس كده ده احنا كمان بنستغل اي فرصه عشان نفتح معاهم اي كلام ولو مفيش موضوع مهم نتكلم فيه
بنلاقي روحنا بنفتكر ذكريات الماضي عشان بس نفتح اي موضوع وقعدتنا معاهم وكلامنا ميخلصش.
كرم....وانا بقي من الناس اللي بتحبي تفتحي معاها اي كلام
دره.....اكيد بس اللي كنت نقصده من كلامي ان شعوري من ناحيتك مش محصور بس في اني نلاقي