رواية ابن ليل بقلم اميرة اسامة ج٥
سمعت محايله ابويا وبعدها قررت اني نرفض زيارتهم عشان مكنتش قادر نشوفهم في الحاله دي ولا كنت عايز نسمع منهم كلمه عن دراستي مكنتش عايزهم يشوفوا ابنهم الكبير وهو بينهار ونوجع قلبهم اكتر ما هو موجوع علي رميتي في السچن
شوفت صاحب عمري واخويا بايعني شوفت حبيبتي سيباني عشان اتسجنت وراحت لغيري شوفت حلمي ضاع قدام عيني وانا مستسلم ومش ماسك فيه ولا باقي علي حاجه شوفت ان بعد كل ده بقيت بالنسبه لدره رد سجون ومشرفهاش مكانش عندي اي دافع يخليني نكمل حلمي
لحد ما اتعرفت علي واحد جوه السچن الراجل ده بعد ربنا كان ليه الفضل في كل حاجه كرم الرفاعي وصلها الوقت حكالي حكايته واقنعني ان مهما يحصل مهما اقع مهما اتكسر لازم في النهايه يبقي ليا قومه تانيه خالص واقتنعت وقررت اني نكمل تعليمي ونوصل لحلمي قررت ان لما الدنيا تلف وترجع تاني تقف قدامي واشوف دره اقولها رد السجون اللي سبتيه بقي من اكبر جراحين مصر
رد السجون اللي مشرفكيش وبسرعه روحتي دورتي علي واحد يليق بيكي بقي احسن منك الوحيد اللي عرف بقراري ده كان بكر هو اللي وقف معايا وساعدني وكان تاني واحد بعد ربنا ليه الفضل اني اكون دكتور كرم الرفاعي كان بيجبلي كل حاجه احتاجها كتب ملازم شرح كل حاجه كان بيعملها بدالي وحتي لما طلعت من السچن كان ديما معايا ديما شايل عني عشان نقعد نذاكر مفيش مره كان عندي فيها امتحان ومكانش معايا كنت نخرج نلاقيه لسه واقف بعد ما وصلني عشان بس يطمن ويعرف عملت ايه في الامتحان مع كل مره كنت بننجح فيها بتقدير امتياز فرحته اللي في عينه تثبتلي اني ماشي في الطريق الصح .
خبيت علي ابويا مع اني كنت نفسي مع كل مره ننجح فيها نجري عليه ونقوله ابنك اللي كان نفسك تفرح بيه بيشرفك بس مكنتش بنقدر عشان وقتها ابويا كان مسلمني كل شغله ومعتمد عليا وكنت واثق انه لو عرف اني لسه مكمل دراستي هيرفض اني نشتغل معاه ويشيل الحمل لوحده
وقررت اني منعرفش اي حد غير لما نتخرج ونبقي دكتور رسمي
وعدت السنين اتخرجت وعملت دكتوراه وبمجرد ما ممسكت شهادتي روحت وعرفتهم كلهم عشان كان لازم يفرحوا شويه بعد ما شافوا معايا اسود ايام حياتي
وطلبت منهم محدش يعرف ابويا كان رافض حقه كان حابب يفرح بأنه ويفتخر بيه بس انا فضلت مصمم علي اللي في دماغي وكان لسه مسيطر عليا نفس الحدوته ان دره سابتني عشان مبقاش معايا شهاده عشان شايفه اني منفعلهاش وانها كانت معايا بس عشان كنت كرم تاني كل اللي كان مسيطر عليا ان دره اكيد هترجع وهنتقم منها بس للاسف بعد ما دره رجعت وبعد كل السنين اللي كنت عايش فيها علي تفكير غلط اكتشفت ان دره كانت مظلومه ظلمتها لما أسأت الظن بيها لما اتهمتها انها وصوليه وبتحب المظاهر والشكل الاجتماعي ظلمتها لما فكرتها باعتني عشان واحد تاني مستقبله مضمون بس ظلمي لدره انتوا كنتوا السبب فيه وانتي اكتر واحده فينا ظلمتيها يا بلبله لما لجأتلك وانتي دوستي عليها عشاني لما غصبتيها عليا.
نبيله....بۏجع ايوه انت ظلمتها وانا كمان ظلمتها بس انا ظلمتها بسببك انت
كرم....انا بسببي انا
نبيله....ايوه لو مكنتش خبيت وكدبت انك كملت تعليمك مكنتش فضلت مقطعاها العمر ده كله اوعي تفكر ان مقطاعتي لدره كانت بس عشان راحت لغيرك لااا انا قاطعتها اكتر لما عرفت
انك رفضت تكمل تعليمك بعد ما هي سابتك كنت شايفه ان بنتي مقضتش بس علي قلبك دي قضت علي مستقبلك كله وانت اكتر واحد عارف انا بنحبك قد ايه ومنحبش ان حد يجي عليك حتي لو كانت بنتي انا حبيتك يا كرم زي ما حبيت دره وعبدالله طول عمري بنقولك يا ابن قلبي عشان انت ابن قلبي كنت ابني وصاحبي وونيسي وسري وكل حاجه حلوه مستحملتش عليك الۏجع قاطعتها وكنت فاكره انها بعد شويه مش هتقدر وهترجعلك وتعرف غلطها
كنت فاكره اني بالشكل ده بنضغط عليها بس كل ما الوقت كان يعدي ومترجعش نعند اكتر والعند يولد الكفر يا ابني فضلت مقاطعه بنتي عشرين سنه لو مكنتش كدبت يا كرم ومخبتش انك كملت حلمك اللي كلنا كنا عارفين هو مهم قد ايه عندك يمكن مكانش كل ده حصل بيني وبينها مكنتش هحملها ذنب قلبك وذنب حلمك ذنب واحد كان كفايه يخليني نحنلها بس انت خبيت وكدبت وفضلت انا مشحونه منها
كرم.....اه خبيت واه كدبت بس عشان تفكير في دماغي وعشان مكنتس اعرف الحقيقه وبعدين وهو مين فينا مبيكدبش يا بلبله
كلنا بنكدب بس في ناس بتكدب بضمير لدرجه إن الكدبه ممكن تبقي أصدق منهم بكتير شكلهم ميوحيش ابدا ان كل ده يطلع منهم زيك بالظبط يا بلبله
نبيله....انا يا كرم
كرم....اه انتي يا بلبله كدبتي عليا طول السنين دي وخبيتي الحقيقه ظلمتي بنتك وخلتيني اظلمها معايا خبيتي انها مكانتش بتحبني خبيتي انها جاتلك وطلبت منك تقفي معاها عبدالله كدب وفضل يضغط علي دره اخته عشاني كان بيغصبها عليا وهو عارف ان قلبها مع حد تاني وكل ده عشان ميخسرنيش بص لزكريا وانت يابا كدبت وخبيت وسمعت كلام بلبله انها متعرفش مصلحتها وان ده دلع بنات واللي انت عملته للأسف امي عملته بص لنجوي بحزن
كلكم كدبتوا وخبيتوا وانا ظلمت دره لو كنت عرفت من البدايه انها مبتحبنيش مكنتش عمري اشوفها وصوليه وبتاعت مصلحتها مكنتش شوفتها سابتني عشان بقيت رد سجون وراحت لغيري مكنتس شوفتها خاينه وبياعه كنت كملت دراستي وحلمي في النور من غير ما اكبر فكره الاڼتقام جوايا من دره من غير استني اوصل لحلمي عشان اثبت لدره ان رد السجون اللي سبتيه مستسلمش وبقي احسن منك
نبيله......بۏجع افهم يا حمااااار انا مكنتس اعرف ان كل ده ممكن يحصل انا عملت كل ده عشان بحبك
كرم....عارف يا بلبله انك بتحبيني زي ما عبدالله بيحبني من قلبه وحبه ليا ميقلش عن حب بكر ولو كان وقتها عرف اني بكمل تعليمي ومكانش كل ده حصل بينا كلن وقف نفس وقفه بكر معايا عارف ان امي بتحبني بس عملتوا زي الدبه اللي قټلت صاحبها بالظبط
من كتر حبها فيه موتته
ولازم تعرفي حاجه مهمه لما خبيت عليكي يا بلبله وعليكم كلكم كنت كل مره بننجح فيها ببقي ھموت ونجري عليكم عشان نفرحكم وانتي بالذات با بلبله كل مره نكلمك فيها كنت ببقي هتجن ونيجي نحكيلك كل حاجه ونشوف في عينك الفرحه اللي كنت واثق منها بس فكرة اڼتقامي من دره كانت مسيطره عليا كنت عارف انك هتقولي والكلام هيوصلها كنت عايزها تفضل عايشه في تأنيب ضمير اني مكملتش تعليم بسببها بس المشكله ان اكتشفت بعد ما دره رجعت انها عرفت اني مكملتش تعليمي وطول السنين دي مكانتش تعرف ودعاء خبت عليها
يعني خبيت علي الفاضي ومقدرتش نوجعها زي ما وجعتني وطلعت دره متعرفش اي حاجه خالص يعني زيها زيي احنا الاتني اه ظلمتا ووجعنا بعض بس انتوا السبب الظلم والۏجع بدأ منكم وكل ده باسم ايه باسم الحب.
نبيله.....بدموع وانت عندك شك يا ولا اني معملتش كل ده باسم الحب ياحمار ده انا لما شوفتك بلبس الدكتور وانت خارج من اوضه العمليات قلبي خرج من مكانه وجري عليك حضنك
نسيت ۏجعي علي العيال وخۏفي عليهم و فرحتي بيك كانت بتنط من عيني
كرم.....بۏجع عاااااارف يا بلبله وحسييييييت بحضن قلبك اللي بتقولي عليه وعيني يومها مكانتش مع حد غيرك بنراقب نظراتك وكلامك اللي لسانك اتلجم ومعرفش ينطقه.
بس لازم تراعي مشاعري لازم تلتمسيلي الف عذر انا كنت ضايع و البني ادم اللي حاسس بالضياع ڠصب عنه كل تفكيره بيبقي غلط بيمشي يلطش كأنه مش شايف كل قرارته مش صح وانا واحد مع كل ده كان زايد عليهم اني منعرفش غير وش واحد للحقيقه وهو ان دره سابتني عشان مبقتش نشرفها مستحملتش تستناني لحد ما نطلعلها موقفتش جنبي وسندتني وقالتلي هنفضل معاك وهتكمل حلمك كنت منتظر كلام كتير ملاقتش منه غير جمله واحده مرها فضل في حلقي عشرين سنه دره بعتتلك دبلتك وهتتجوز غيرك
لكن باقي الحقيقه معرفنهاش
نبيله.....خۏفت نقولك تتوجع
كرم.....ۏجع الحقيقه اهون بكتير يا بلبله اه كنت هنتوجع لما نعرف ان دره محبتنيش زي ما حبيتها بس مع الوقت كنت
ههدي واكمل حياتي واتمنالها الخير لكن لما الحقيقه تاهت واتخبت مكانش عندي اي حل غير الاڼتقام والافكار الغلط وياريتكم بعد فتره عرفتوني يمكن مع الوقت كنت هديت بردوا بس فضلتوا مخبين كدبتكم سنين وللأسف عرفتها من دره لما رجعت عرفتها متأخر اوي يا بلبله.
سكت كرم ثواني واتنهد تنهيده طويله الكل كان ساكت منهم اللي كان متعاطف مع كرم ودره وحكايتهم الغريبه ومنهم اللي كان مكسوف يحط عينه في عين كرم لان كل كلمه قالها كان معاه حق فيها.
رفع كرم راسه بهدوء وبصلهم وابتسم ابتسامه بسيطه.
كرم.....يمكن حتي عتابي ليكي يا بلبله كلن متأخر كل مره نفكر نعاتبك فيها مكنتش بنقدر عشان عارف انك بتحبيني وحتي لو غلطتي في حقي فا ده من كتر حبي ليكي وبما انكم عرفتوا اني دكتور فا كان حقكم عليا اني نحكي كل حاجه ونعرفكم حياتي كانت ماشيه ازاي
ابتسم كرم لنبيله بحب.
كرم.....ابن قلبك بقي من اكبر جراحين في مصر يا بلبله مستسلمش ومضيعش حلمه
ابتسم نبيله وهي دموعها نازله
كرم.....ابنك يابا دكتور تفتخر بيه
ابتسم زكريا بتأثر وهز راسه بحب
كرم.....صاحب ياولا مش رد سجون صاحبك دكتور وصاحب اهم مستشفي في اسكندريه
ابتسم عبدالله بۏجع
كرم.....والاهم من كل ده اني حابب اقولكم واطمنكم اني مش زعلان منكم ومستحيل اتخيل حياتي من غيركم وعارف انكم بتحبوني بجد زي ما بحبكم كلنا غلطنا وجه الوقت اللي نصفي فيه قلوبنا نتعاتب ونتكلم عشان نفتح قلبنا من غير ما يكون في اي ۏجع
زكريا....احنا كلنا غلطنا يا ابني واي كلام هتقوله حقك يمكن هو كلام يوجع بس ميوجعش عشان انت قاسې هو يوجع عشان كل كلمه قولتها اقل بكتير من اللي كلنا عملناه في حقك انت ودره.
كرم.....وانا مش زعلان منك يابا ولا زعلان من عبدالله وبلبله وحتي امي صدقوني مش زعلان
ويمكن الفتره اللي فاتت لما كل حاجه هديت بيني وبين دره فهمت انكم حبتوني اكتر بكتير مما كنت متخيل و وجعكم ليا مكانش مقصود انكم تيجوا علي بنتكم عشاني وانا مش من دمكم ده دليل
