رواية ابن ليل بقلم اميرة اسامة ج٥
هيبقي من بناتي وانا عارف هتصرف معاهم ازاي طول ما دره هتبقي بعيد عني هما لا هيقدروا يكملوا في مصر من غيرها ولا هيقدروا يقعدوا مع اهل دره لوحدهم فا وقتها هيرجعولي من تاني وبردوا هفكرك ان انتي هتفوزي بكرم ومحدش هيشاركك فيه.
سونه....بقلق ايوه بس يعني انا بقول بلاش قتل والكلام ده انت هددها وافضل وراها لحد ما تتنازل عشان نكون كلنا في امان لا انا اتعك فيها ولا انت كمان ومتأخذنيش انا هتعك فيها اكتر متنساش انك هتسافر ومحدش هيطولك لكن انا هنا معاها.
يوسف....متقلقيش انا بقولك لو حصل ورفضت بس زي ما قولتلك دره معندهاش حريه الرفض هي بمزاجها او ڠصب عنها مش هتطلع من المكان غير وهي عملالي تنازل.
سونه......خلاص اتفقنا الخطه دي بقي هتتنفذ امتي
يوسف.....اول ما المكان يجهز والشاب اللي معايا يقولي ان كله تمام هعرفك الوقت والمكان وفي الوقت ده انتي تحاولي تجيبي دره عشان نخلص من الحوار ده بسرعه.
سونه....خلاص شوف انت بس المكان وخلي الباقي عليا وهنفكروا بقي من الوقت في حاجه نقنعها بيها عشان ترضي تيجي معايا.
يوسف....تمام وانا واثق انك هتقدري تقنعيها وهتجبيها لحد عندي.
سونه.....اطمن يا باشا انت متفق مع سونه مش مع اي حد كله خير يا باشا متقلقش
يوسف....ماشي يا ست سونه يبقي اتفقنا اول ما اعرف تفاصيل المكان هبلغك
سونه....وانا في انتظارك يا يوسف باشا.
يوسف......يلا هسيبك الوقت مع السلامه.
سونه.....بالسلامه يا باشا.
قفلت سونه الموبايل وبصت لدره بحزن وعدم تصديق لقذاره يوسف.
في الوقت ده دره كانت جابت أخرها مسكت الكوبايه وبكل قوتها لفت وحدفتها پغضب
حيواااااااااان
بكر.....دررررررره
حسن....لا والنبي يا دره اهدي عشان خاطرنا.
فضلت دره تاخد في نفسها بسرعه وهي سانده بأيدها الاتنين علي المكتب.
سونه....بۏجع حقك عليا يا دره انا كنت مضطره عشان يقتنع اني معاه بس اللي قولته طلع صح اللعبه دي اكبر مننا يا دره فكري بالله عليكي اديكي شوفتي نيته من ناحيتك
دره.....بۏجع انتي صح يا سونه كل اللي عملتيه معاه صح وهو شربها وفكره ان حسن يجيب تاكسي ويعمل نفسه رش علينا مخدر فكره كويسه عشان تحسسيه انك قلقانه ومش حابه اسمك يتجاب في اي حاجه تحصلي .
سونه....حاجه ايه اللي تحصلك دره انتي فاهمه كويس الكلام اللي قاله . هو ايه انتي مستسلمه لأذيته ولا ايه
بكر.....مش هيقدر يجي جنبها احنا معاها واللعبه اللي بيخطكلها هتتقلب عليه
دره....بۏجع ونفس عالي اطمني يا سونه زي ما بكر قالك اللعبه اللي بيخططلها هتتقلب عليه وحياه ولادي اللي قال انهم مش هيفرقوا معاه لا هندمه علي اليوم اللي جه فيه للدنيا مش بس اليوم اللي فكر فيه انه ېغدر بيا
بكر ...طيب ممكن تهدي شويه
حسن....دره انتي بتترعشي جامد اقعدي عشان خاطري.
دره ...متقلقوش انا كويسه و كلامه ده كان كفيل يشحني منه اكتر ويفوقني اكتر واكتر
سونه....طيب اجبلك مايه تشربي
دره.....لا مش عايزه يا سونه عيزاكم بس تطلعوا فوق عشان محدش يحس بحاجه وسيبوني لوحدي شويه وانت يا حسن بكره هتكلمه تقوله انك لسه بتشوف المكان وتعرفه انك بتكلمه بس عشان تطمنه وانك منسيتهوش وبعد بكره هتقوله المكان جاهز وكل خطوه هنعملها لازم تكون بحساب خدوا بالكم كويس كل اللي رتبتله لازم يمشي خطوه خطوه.
حسن....اطمني يا دره متقلقيش هعمل كل اللي تطلبيه مني.
سونه...وانا كمان هو كده اكيد مش هيكلمني تاني غير لما يعرف من حسن ان المكان جاهز وبعدها هيبلغني.
دره....بالظبط خلينا بس نطلع ولادنا من هنا بكره علي خير وهنفضاله كويس اوي.
بكر....طيب انا عايزك بس تهدي يا دره شويه عشان عصبيتك دي غلط عليكي وكمان عشان امك وابوكي وعبدالله ميحسوش بأي حاجه.
دره.....بصتله وكرم يا بكر اوعي تنسي كرم اوعي يا بكر يعرف اي حاجه
بكر...اطمني يا دره احنا علي اتفاقنا .
دره....تمام يلا اطلعوا وانا هحاول اهدي شويه وهاجي وراكم.
بكر....تمام يا دره يلا يا حسن يلا سونه
قربت منها سونه بحزن وضمتها
سونه.....اهدي واوعي تزعلي روحك ده ميتساهلش ضافرك انتي وبناتك وحقك راجع.
ابتسمت دره ابتسامه تكاد تكون معدومه وهزت راسها لسونه.
خرجوا و سابوها تهدي و تقعد مع نفسها شويه
مر اليوم علي خير وحاولت دره علي قد ما تقدر تبان طبيعيه بعد كل الكلام اللي سمعته وانتهي اليوم بسلام.
مشي الكل وفضل بكر بس هو اللي معاهم وروحت مها مع الباقي بعد ما اقنعوها انها تمشي وترتاح شويه وعشان كمان تستقبلهم لما يرجعوا علي الشارع.
في صباح يوم جديد الكل كان مبسوط عشان ده يوم خروج الشباب والبنات من المستشفي
عبدالله وسونه بس اللي راحوا المستشفي عشان عبدالله يرجعهم مع بكر وسونه توصل مريم لعمرو لان هو كمان كان معاد خروج ياسين ابنه.
الوقت كان بيعدي ياسين جهز وخلصوا اوراقه واطمن عمرو عليه من كرم ودره وبعد ما الممرضه جهزته خده ونزل علي الدور اللي فيه غرف البنات والشباب عشان ياخد مريم خبط علي الباب
فتحت سونه الباب وابتسمت لياسين.
سونه....الله الله ايه الحلاوه واللبس الجميل ده يا ياسين.
ياسين.....بابا جابهولي انهارده
سونه....جميل يا حبيبي تتهني بيه يارب خلاص يا سيدي خارج
ياسين....ايوه.
سونه.....بإبتسامه لعمرو حمد الله علي سلامته ربنا يطمنك عليه يارب.
عمرو....الله يسلمك يا ست سونه وحمد الله علي سلامت سماح متقلقيش عليها هي زي الفل انا دخلت اطمنت عليها وخلصت كل اوراقها قبل ما تيجي.
سونه....ايوه ماهي قالتلي تسلم يارب تعبتك معايا واللي عملته مع بنتي لا يمكن ننساه ابدا
عمرو....انا عملت شغلي ياست سونه معملتش اي حاجه والله ولو في حد فينا المفروض يشكر التاني يبقي انا اللي المفروض اشكرك انتي انقذتي ابني واهتميتي ببنتي ومحملتش همها وكنت مطمن عليها وقدرت اهتم بياسين من غيرها فا صديقيني انا اللي المفروض اشكرك.
سونه....ولا انت كنان المفروض تشكرني يمكن ربنا جعلنا سبب لبعض عشان نساعد ولادنا وصدقني مريم ربنا عالم انا حبيتها قد ايه ولولا انك عايز تاخدها وخلاص خارج مكنتش ادتهالك ابدا
عمرو....بإبتسامه كفايه عليكي اوي كده انتي عملتي اللي عليكي وزياده
سونه....بس انا زي ما قولتلك لسه عند كلامي بيتي مفتوح لمريم وياسين اي وقت واي حاجه تحتاجها انا موجوده واكيد انت مش محتاج لسه تطمن عليهم معايا والله ما كلام وفض مجالس انا في العادي مش بنتنقل من البيت ومعنديش اي حاجه تشغلني فا يوم ما تحتاج اي مساعده انا موجوده هاتهم عندي ومتقلقش عليهم وزي ما قولتلك متستعجلش في الست اللي عايز تجيبها ليهم خد وقتك علي الاقل يوم ما تلاقيها وتسيبها معاهم تبقي مطمن وقلبك مرتاح.
عمرو....يمكن الاول كنت محرج منك وحاسس اني بتقل عليكي
بس صدقيني انا وقت ما هحس اني محتاج حد اطمن عليه مع ولادي مش هفكر غير فيكي .
سونه....بإبتسامه وانا موجوده اي وقت وربنا يطمنك علي ياسين ويطمن بالك وقلبك عليهم
عمرو.....ربنا يخليكي ويطمنك علي سماح يارب يلا يا مريومه.
مريم....بإبتسامه وسعاده يلا يا بابا
سونه.....بإبتسامه حزن خلاص يا مريم هتسبيني وتمشي
مريم....معلش بقي يا سونه انا هرجع بيتنا وانام في اوضتي مع بابا وياسين بس اكيد هشوفك تاني..
سونه....اكيد يا نور عيني اوعي تنسيني يا مريومه ده انا بحبك اوي
مريم.....مش هنساكي يا سونه انا كمان بحبك اوي
عمرو....بإبتسامه لا يمكن ننساكي يا ست سونه ومريم إن شاء الله لو مش هيضايقك هتبقي تيجي تسلم عليكي.
سونه....يالهوي تضايقني ده ايه بس انت متعرفش غلاوتها عندي هاتها انت بس ومالكش دعوه هي وياسين طبعا
عمرو....إن شاء الله يلا يا مريومه
مريم....يلا يا بابا سلام يا سونه
باستها سونه من أيدها وضمتها بحب وسلمت علي ياسين.
سونه.....سلام يا حبيبتي سلام يا ياسين
عمرو....سلام يا سماح حمد الله علي سلامتك.
سماح....الله يسلمك يا دكتور سلام يا مريومه باي يا سو
مريم.....باي يا سماح
مسكهم عمرو من ايدهم وخرج بيهم راحت سونه وقفت علي الباب تبص عليهم ونزلت دموعها ڠصب عنها وهي باصه علي مريم.
بصت مريم وراها وشاورتلها بايدها وحدفتلها بوسه
بص عمرو وابتسم ولمحها وهي بټعيط ابتسم وهز راسه بهدوء وبعدين اختفوا من قدامها.
دخلت سونه وهي بتمسح دموعها.
دانه....ايه يا سونه مالك بس بټعيطي ليه.
سونه.....البت هتوحشني وهتقطع بيا والله اتعودت عليها كنت فاكره اني بنساعد ابوها يومين علي ما ابنه يشد حيله وياخدها بس اتعلقت بيها فكرتني بسماح وهي صغيره
دانه....هي جميله بصراحه بس اكيد هتبقي تسأل عليكي
سماح....في ايه يا ست سونه لا بنقولك ايه انا كده ممكن نغير
سونه....هتغيري من عيله يا بت الهبله اسكتي بقي والنبي حاسه ان روحي اتاخدت مني
سماح....يعني هو انتي كنتي فاكره يا سونه ان ابوها هيسيبهالك العمر كله دي بنته بردوا واكيد انتي عارفه انه كان هياخدها لما ابنه يقوم بالسلامه
سونه....اكيد طبعا بس قلبي وجعني لما خدها يعلم ربنا اني حبيتها ودخلت قلبي كأنها بنتي يلا ربنا يسعدها ويخليلها ابوها واخوها ويعين ابوهم عليهم.
دانه....طب اضحكي بقي انتي مش فرحانه ان احنا كمان خارجين ولا ايه
سونه.....فرحانه بس ده انا طايره يابت ربنا ما يعودها ايام ويخليكم لينا يارب.
دارين....بإبتسامه انتي طيبه وجميله اوي يا سونه سماح كان عندها حق في كل كلمه حلوه قالتها عليكي وبصراحه بقي اول ما جينا مصر وشوفتك في الشارع مع مها لو تفتكري كنت بقلق منك اوي بس لما عرفتك خصوصا بعد الحاډثه حبيتك والله واتأكدت انك طيبه اوي.
سونه.....احيه علي الكلام الحلو وانا والله حبيتكم اوي وعلي فكره امكم كمان غاليه عندي يمكن كنا بنتناقروا سوا بس ربنا يعلم ان هي ومها ودعاء غاليين عندي يابت ده انا مليش اخوات وهما اخواتي.
سماح....شوفتوا بقي ان امي دي عسل
دارين.....شوفنا يا ستي سونه دي قمر.
سونه....والنبي انتوا اللي قمر وبطلوا بقي كلام حلو عشان مبنعرفش نرد عليه
دانه....بضحك بتتكسفي يا جميله
سونه....لا انتوا شكلكم عايزين تسمعوا ربع
دانه....لا وعلي ايه الطيب احسن.
ديما.....سونه صحيح هي مها وبلبله وكلهم مجاوش معاكم ليه
سونه....احيه هنقول تاني
سماح....بضحك لا ماهي كانت في الحمام لما انتي جيتي مسمعتش
سونه.....هنا مستنينكم هناك عاملينلكم احتفال صغير الولا منكش والمعلم صبري معلق نور في الشارع من صباحيه ربنا وجدكم والمعلم رفاعي بس توصلوا هيدبحوا حلاوة طلوعكم بالسلامه اما بقي مها ودعاء وبلبله ونوجا قعدوا عشان يعملوا الاكل اصل كلنا كده معزومين عند بلبله.
ديما....الله يعني انهارده في حفله
سونه....بضحك واي حفله اتقلوا انتوا بس وهتشوفوا
بعد حوالي نص ساعه دره كانت غيرت هدومها وجهزت وكرم كمان كان جهز وسبقها علي فوق يشوف الشباب جهزوا ولا لأ.
عبدالله......ياولا مالك منشف رجلك كده ليه حط رجلك.
هيما....بإحراج طب بالله عليك يا عبدالله سيب انت وحسن يساعد محمد وبعدين يساعدني
عبدالله....ياولا في ايه انت مكسوف مني البس جزمتك يلا خلينا نمشوا ولا حبيت القاعده هنا.
هيما.....ما تنجز يا سي زفت انت هو انت فاكره عريس.
محمد.....في ايه
