رواية ابن ليل بقلم اميرة اسامة ج٥
اللي عرضتي عليا من غير ما اطلب انا كمان اللي بعرض عليكي المبلغ ده من غير ما انتي تطلبي واظن ان انتي مكنتيش تعرفي من بدايه كلامي معاكي ان الموضوع في فلوس فا انا فاهم انك بتساعديني
مش عشان الفلوس فل ده ملهوش علاقه بإتفاقنا اعتبريه فرحه بنجاح الخطه بتاعتي
سونه.....طيب نتكلموا في حوار الفلوس ده بعدين خلينا في المهم قولي طلباتك.
يوسف....قبل ما اقولك طلباتي هقولك الاول انا عايز اعمل كده ليه الاول انتي من وقت ما دره رجعت عرفتي ايه سبب رجوعها
دره.....كل اللي عرفته من كلام الناس في الشارع انها اتطلقت وبس منعرفوش اي حاجه تانيه بيني وبينك فرحت فيها بس علي قد ما فرحت اضايقت زي ما قولتلك يا باشا دره زمان فرقت بيني وبين كرم فا بيني وبينك علي قد ما فرحت فيها علي قد ما خۏفت انها ترجع تشغله تاني خصوصا يعني اني مصدقت انه اتغير معايا وبقي في بينا كلام حلو وقدرت انسيهاله .
يوسف.....تمام هو يمكن صح إنها أتطلقت بس اتطلقت ليه بقي ده اللي انتي متعرفيهوش.
سونه....طيب عرفني انت.
يوسف.....دره اللي طلبت الطلاق وصممت عليه فضلت فتره احاول معاها عشان البيت ميتخربش بس رفضت كنت بحاول اعرف السبب بس مكانش فيه انا عارف ان مفيش حد فينا ملاك بس صدقيني انا كنت حاطت دره فوق راسي وعمري ما زعلتها
دره كانت سمعاه وباصه للموبايل بقرف وكلها ۏجع
يوسف.....اكيد كلن بيحصل بينا زعل ومشاكل زي اي اتنين متجوزين بس عمري ما سيبتها زعلانه وكنت ديما سواء انا اللي غلطان او هي اللي غلطانه انا اللي كنت براضيها حاولت معاها كتير بس هي صممت وفعلا انفصلنا واليوم اللي انفصلنا فيه انا روحت قعدت في فندق وقولت تاني يوم هروحلها واتكلم معاها تاني يمكن تكون هديت او علي الاقل اعرف السبب اللي خلاها تطلب الانفصال
نفذتلها اللي هي عيزاه عشان بس تهدي وتحس ان كلامها مشي وترتاح شويه تاني يوم روحتلها مكانتش موجوده ولا هي ولا البنات في الاول فكرت انهم خرجوا يشموا هوا او تغير جو عشان تهدي بس عدي حوالي ثلاث ساعات وانا مستني في جنينه الڤيلا قررت اتصل عليها موبايلها كان مقفول جربت اتصل علي البنات هما كمان موبيلاتهم كانت
مقفوله مش هكدب عليكي قلقت عليهم اوي ومكنتش مخون دره ابدا حاولت اوصلهم بكل الطرق لحد ما عرفت ان دره والبنات سافروا علي مصر بعد ما انفصلنا بحوالي ساعتين كنت عامل زي المچنون وبردوا مكنتش مخون كل اللي كان في بالي انها سابتلي البلد كلها ومشيت واني اكيد عملت حاجه زعلتها اوي
قولت خلاص مفيش اي حاجه في ايدي اعملها لحد ما توصل والموبيلات تتفتح واعرف ليه بتقطع كل حاجه توصلني بيها وليه سافرت وسابتني هي والبنات
روحت علي الفندق وفضلت صاحب لحد الصبح كنت ھموت من كتر التفكير واول ما الصبح طلع فضلت اجرب اتصل بردوا كان مقفول روحت علي الشركه
وهناك اټصدمت صډمه عمري لما عرفت ان هي خدت نصيبي في الشركه بيع وشراء بالتوكيل اللي عامله ليها
سونه....بتمثيل يانهار اسود ومنيل.
ومش بس كده دي سحبت كل رصيدي في البنك حولته بأسمها كانت سيبالي مبلغ بسيط عشان مكتشفش ان الرصيد فاضي بسرعه حتي الڤيلا اللي كان لينا فيه احلي ذكريات بيتي اللي مليش غيره هو كمان خدته مني
سونه....دي ايه دي دي جاحده طب هي ازاي تعمل كده فيك ده انت جوزها وابو بناتها
يوسف.....صدقيني مش عارف ولحد الوقت هتجنن ومش فاهم اي حاجه دي مشافتش مني غير كل خير بس دره دمرتني
سونه....طيب ازاي انت معرفتش انها خدت منك كل ده غير بعد ما طلقتها.
يوسف.....فلوسي ومالي كله كان بين ايدها هي وانا عمري ما خونتها بس اللي عرفته ان دره كانت مجهزه كل حاجه قبلها باسبوع وانا عشان كنت مشغول بحوار طلبها للطلاق لا كنت مركز في شغل ولا مركز في اي حاجه مكانش فارق معايا اركز في اي حاجه غيرها هي وبس واني احاول اراضيها واخليها تهدي.
سونه....طيب ومتأخذنيش بناتك موقفوش معاك
يوسف....للأسف لا مع انهم كانوا قريبين مني جدا بس مش عارف هي ازاي عملتلهم غسيل مخ مش قادر أخمن هي قالتلهم ايه عني يقسيهم عليا بالشكل ده تصدقي انهم لحد اليوم ده عاملنلي بلوك عشان ميكلمونيش ولا اقدر اوصلهم .
سونه....بس بردوا هما مهما كان لسه عيال الدور والباقي علي امهم هي اللي ملأت قلوبهم من ناحيتك.
يوسف....مش فارق معايا هما مبقوش يلزموني ولو حصل فيهم ايه مش هيوجعوني هما مش مشيوا وراها وباعوني من غير سبب يبقي هما كمان في ستين داهيه
مسكت دره الكوبايه پغضب اول ما قال كده علي البنات
قرب منها حسن بسرعه هو وبكر وبصولها بحزن.
بكر....بهمس اهدي عشان خاطرنا ده ميستاهلش .
بصتله دره بۏجع ورجعت ركزت مع سونه ومع كلامه
سونه....طيب سيبك منهم خالص انا والله ما عارفه نقولك ايه ولا نطيب خاطرك ازاي بس قولي انت عايز ايه وانا معاك وبعد اللي عملته فيك تستاهل اللي يحصل فيها.
يوسف.....دره دمرتني يا ست سونه ولما ردت عليا بعد فتره قالتلي بكل جحود اني مليش حاجه عندها واللي خدته ده حقها وربنا عالم انا تعبت قد ايه عشان اوصل للي انا فيه المبلغ البسيط اللي سابته في رصيدي كلن يادوب يخليني اقدر اعيش بيه اسبوعين بس ربنا قدرني وكان ليا واحد صاحبي وكام عميل اعرفهم من سنين وقفوا جنبي وساعدوني والمبلغ اللي كان معايا علي قد ما هو كان بسيط بس سحبته كله واديته لصاحبي شغلهم والحمد لله عملوا مبلغ كويس استنيت شويه لحد ما ارجع اقف علي رجلي لاني لو كنت كلت وشربت وقعدت في الفندق من غير ما اشغل الفلوس دي مكنتش هقدر اكمل حياتي بعد كده بس وقفت علي رجلي واول ما حسيت ان الدنيا بترجع من تاني وده بفضل ربنا طبعا لان ربنا عارف ان عمري ما افتريت عليها ولا علي اي حد
حجزت علي طول ونزلت علي مصر عشان اقدر اجيب حتي لو جزء من حقي منها عرفت وقتها ان البنات كانوا في الحاډثه اللي حصلت ومهما كان انا اب مقدرتش استني لحظه وجريت عليهم ولما روحت حسيت اني وسط عصابه واتلمت عليا هي واهلها ووقفوا قصادي وحتي البنات رفضوا يشوفوني والباقي انتي عرفاه خرجت وانا في الحاله دي وانتي شوفتيني وعشان كده انا محتاجك معايا انا بدرو علي مكان فاضي ويكون بعيد عن دوشه الشوارع يكون مكان متطرف شويه وعايزك تجبيلي دره عليه لان دره طول ما هي في وسط اهلها والبنات مش هقدر اتكلم معاها ولا هقدر ارجع حقي منها انتي مش هتعملي اي حاجه غير انك تلاقي طريقه تجبيها عندي في المكان اللي هبقي اقولك عليه
سونه.....ايوه بس هنجيبها ازاي دي لا بتطيقني ولا بطيقها ميتهيأليش هترضي تيجي معايا
يوسف....حاولي تلاقي طريقه مقنعه مثلي عليها اي حوار استعطفيها بطريقتك وانا عارف ان هي هتصدقك وتيجي معاكي
كمان في شاب اتعرفت عليه وهو اللي هيساعدني في تأجير المكان وكمان معاه عربيه شغال عليها اوبر هبقي ابعتهولك يومها علي انه سواق عادي انتي
جيباه وطبعا ده عشان متبقيش لوحدك وفي حاجه كمان عايز اقولهالك
سونه ...قول يا باشا
يوسف....في بدايه كلامك قولتي انك خاېفه رجوع دره يخليها تشغل اللي اسمه كرم ده من تاني عايز اقولك ان يوم ما جيت المستشفي هو وقف معاها وكان بيدعمها بقوه يعني سهل اوي انه يوجع يتشغل بيها من تاني ووقتها هتتوجعي للمره التانيه
سونه....بتمثيل القلق يعني ايه كرم كان واقف معاها بجد
يوسف....انا مش هكدب عليكي صدقيني ده اللي حصل
سونه.....طيب انا معاك في كل اللي هتطلبه بس انا مش عايزه اي حاجه تتثبت عليا ولا يبقي ليا يد في اختفائها وكمان عايزه اعرف انت ناويلها علي ايه هي مش فارقه معايا إن شالله لو ناوي ټقتلها وتريحني منها بس انا مش عايزه الاذي ليا متنساش اني عندي بنت و ملهاش غيري.
يوسف....اطمني انا عمري ما هأذيكي كفايه انك بتساعديني انا كل اللي هعمله اني هجبرها علي التنازل هن كل فلوسي اللي سرقتها مني وارجع حقي منها وهحاول اكون باقي عليها لاخر مره عشان خاطر البنات بس ولو حبت ترجع معايا هي والبنات يرجعوا واهو نبقي ضربنا عصفورين بحجر واحد خدت منها حقي وكمان ارجعها عشان تسيبلك كرم قيل ما يروح من ايدك.
سونه...بلهفه وانا معاك بس يعني في حاجه عيزاك تزودها في الخطه بتاعتك دي
بصوا كلهم لسونه بتركيز عشان يعرفوا هتطلب ايه.
يوسف....قولي سامعك.
سونه....يعني انت قولت ان الولا اللي هتبعته ده معاك فا عيزاك تفهمه يعني اننا قبل ما نقربوا من المكان يكون معاه مخدر ويرش علي دره ويعمل نفسه رش عليا عشان لو حصل في الامور امور ودره رفضت تديك حقك ورفضت ترجع معاك لما تفوق تعرف اني مكنتش معاك لان وقتها هتستغل ده وهتجرسني في الحته وتقول اني كنت هنخطفها ومتفقه معاك
وكأنك يعني كنت مراقبنا
يوسف.....تمام بس المفروض انتي اللي هتكوني طالبه عربيه من الابلكيشن يعني هتقفش الحوار ازاي السواق هيخطفكم ويبقي متفق معايا وانتي اللي مختاراه عشوائي من الابلكيشن.
سونه....الله ينور العلم حلو بردوا بس انا مكملتش كلامي عشان الحوار يكمل صح و دره متشغلش دماغها علينا وتقول ان انا اللي جبت السواق خليه يجي بتاكسي احسن وعادي انا بوقف تاكسي وهو يقرب مني بسرعه ويقف قصادنا ويطلب مننا يوصلنا وبكده يبقي انت اللي متفق معاه متأخذنيش انا مش بنبيعك بس يوم ما انت هتتقفش عادي انت ليك عندها حق لكن انا اللي هنلبسوها
ابتسمت دره لسونه وهزت دماغها كلام سونه عجبها ودخل دماغها وعرفت ان اعتراضها ده هيخلي يوسف يطمنلها اكتر
يوسف.....بصي اولا انا معاكي و هعمل كده عشان تطمني وتعرفي اني مش عايز أي أذي من بعيد او من قريب ليكي انا هقول للسواق
يعمل كل اللي قولتي عليه بس لازم تعرفي حاجه مهمه انا معنديش اي حاجه اخسرها بعد اللي خسرته دره معندهاش حريه الرفض هي مجبره يا هتتنازل وترجع معايا لو حابه او تتنازل وتخليها جنب اهلها بس في حالة انها اعترضت زي ما بتقولي وديني لا ھڨتلها واندمها علي اليوم اللي فكرت تاخد مني اي حاجه وعليا وعلي اعدائي وفي الحاله دي انتي هتمشي انتي والسواق ولا ليكم دعوه بأي حاجه وانا هرجع علي امريكا وبردوا هعرف ارجع حقي بس وقتها
