رواية ابن ليل بقلم اميرة اسامة ج٥

بسبي صغيره لازم كل شويه افكرها باللي هنعمله.
دره....عاجبك ولا لا وبعدين مش احسن ما

اتفاجئ ان بابا بينادي عليا ويقولي كرم عايزك في مشوار
كرم.....بغمزه ابتسم امال لما يجي يقولك كرم طالب ايدك هتقولي ايه
دره....بضحك احترم نفسك وعدي ليلتك دي بدل ما نسمعوك ربع
كرم....ايووووه انتي يا شبر ونص تسمعيني ربع يابت ده الربع اطول منك
ضحكت دره ڠصب عنها.
كرم....بإبتسامه حب يلا يا عمري خدي البنات واطلعي نص ساعه بالظبط تكوني تحت عشان منتأخرش.
دره.....ماشي خلينا نشوف اخرتها معاك.
كرم.....اخرتها حلوه متقلقيش وبعدين مش كنتي ھتموتي وتعرفي انا لسه مخبي ايه اديني هنقولك اخر حاجتين متعرفيهمش عني
دره.....ياخوفي منك 
كرم....يلا يابت علي فوق اخلصي ولا عاجبك الوقفه في الزحمه
دره.....اه وانت مالك انا بحب اقف وسط الزحمه
كرم.....بضحك بس بيحصل في الزحمه حجات مش حلوه
دره....بضحك ساڤل
كرم.....بس بحبك
مشيت دره وسابته وهي بتضحك.
فضل كرم مع الناس يسلم عليهم ويشكرهم علي اللي عملوا وبعد وقت بسيط طلع لما الدنيا بدأت تهدي وفضل الدبح مستمر وتوزيع اللحمه علي الناس مستمر والكل كان فرحان وبيدعيلهم من قلبهم.
وقت بسيط ودره كانت راكبه العربيه مع كرم وخرجوا من الشارع .
دره....ممكن اعرف بقي احنا رايحين فين
كرم....الوقت تعرفي مستعجله علي ايه
دره.....طيب مش كنت اجلتها لبكره حتي تكون ارتاحت
كرم....انا كويس متشغليش روحك انتي وبعدين لازم نعرفك كل حاجه خلاص بقي والمشوار اللي احنا رايحينه ده بالذات كان متأجل يوم ما جيتلك المستشفي وكنتي بټعيطي وبترمي الموبايل من ايدك كنت جاي عشان اخدك من ايدك ونروح نفس المشوار عشان اثبتلك ان انا وسونه مفيش بينا اي حاجه بس بعدها حصلت الحاډثه وكل حاجه اتلغبطت
دره....كرم لو المشوار ده عشان تقبتلي بجد ان مفيش بينك وبين سونه حاجه يبقي يلا نرجع عشان انا مصدقاك يمكن وقتها كانت اعصابي تعبانه و كل حاجه جات وراء بعضها بس صدقني انا لا بشك فيك ولا فيها ويمكن الكام يوم دول قربت انا وسونه من بعض اكتر وصدقني خلاص مفيش اي حاجه جوايا.
كرم.....عارف ان انتوا الاتنين تمام مع بعض وحاسس بتغيير سونه وبتغييرك بس معلش خديني علي قد عقلي
دره....حاضر يا كرم بس لازم تكون عارف اني هاجي بس عشان انت عايز كده مش عشان انا محتاجه انك تثبتلي انك صادق انا مصدقاك يا كرم.
كرم....بحب ولسه هتصدقيني اكتر مدلها ايده بحب
ابتسمت دره ومسكت في ايده باسها كرم وفضل ماسك كفها في ايده لحد ما وصلوا تحت برج عالي قدام البحر ركن عربيته وبصلها.
كرم....يلا يا حبيبي انزلي.
بصت دره علي المكان بإستغراب ونزلت من غير ولا كلمه .
قفل كرم العربيه ومدلها ايده وراحوا ناحيه البرج وقفت دره وبصتله وهي رافعه حاجبها
كرم....بضحكه جميله مالك بصالي كده ليه مش هخطفك متقلقيش
دره....لا مش كده بس افهم.
كرم....تفهمي ايه لما نطلعوا فوق هتفهمي كل حاجه
دره....بضحك ماهو انا عايزه نفهم فوق فين 
كرم....ضحك وهو رافع حاجبه انتي يابت خاېفه مني ولا ايه 
دره.....بضحك لا مش منك انت انا خاېفه من شيطانك اللي بيحضر فجأه
كرم.....انتي تطولي يا شبر ونص شيطاني يحضر عليكي وبعدين متقلقيش انا لسه مسلسله بس نوعدك قريب هنفكه
ضحكت دره وضړبته في كتفه
دره....قليل الادب
كرم....طب امشي قدامي يا مؤدبه.
دخلت دره معاه لمحت الامن اللي جوه البرج بيرحبوا بيه كانت مستغربه بس كملت عشان تفهم دخلوا مع بعض الاسنسير
وقف كرم بص في المرايه فضل يمشي ايده علي دقنه ويعدل في هدومه وهي بصاله بصلها في المرايه وابتسم ورفع حاجبه.
كرم.....خير
دره....مش عارفه مش مرتحالك عاملي فيها عريس وواقف تظبط في روحك ايه جايبني معاك اخطبلك
كرم.....بإبتسامه جميله بص للمرايه وكمل تظبيط في دقنه طول عمرك بتلقطيها وهي طايره
ضړبته في كتفه پغضب.
دره.....اتعدل يا ابن نجوي بدل ما نصورلك قتيل
كرم....اااااه يابت كتفي يخربيت عقلك وبعدين مالك بس غيرانه ولا ايه طب مش تشوفي العروسه يمكن تعبجك
دره....وماله ونروح معاك منان نجيبواك البدله هديه مني ليك
كرم.....طب امته اصل انا علي اخري
دره....بضحك وهب متغاظه منه متستفزنيش ياكرم احسنلك.
كرم.....بضحك الله مش انتي اللي سألتي عموما احنا فيها لو معجبتكيش قولي رأيك وانا مس هناخد بيه
دره.....اللهم طولك ياروح وبعدين ماله الاسانسير ده هيطلع السماء
كرم.....ابتسم من ڠضبها احنا طالعين الدور ال
دره....احيه قول والله
كرم.....والله عشان لو عصلجتي معايا نحدفك من فوق
دره....ادعي بس منحدفكش انا من فوق بعد ما نشوف مخبي ايه
كرم....ماشي هنشوف.
وقف الاسانسير ونزل كرم وهي وراء بتحاول تبص وتستكشف المكان طلع كرم مفتاح من جيبه وبعدين وقف وبصلها
دره....ايه 
طلع من جيبه قطعه قماش لونها اسود وبصلها.
دره.....ايه ده انت هتغميلي عيني
كرم....بضحك مش بنقولك طول عمرك بتلقطيها وهي طايره
دره.....ده يبقي يومك اسود لو فيها عروسه بجد يا كرم
ضحك كرم بصوت عالي وهو بيقرب منها وبيخبي عينها
دره....بتضحك اضحك هيطلع علي عينك
كرم.....طب يلا يا ام لسان طويل جاهزه.
دره....علي حسب.
فتح كرم الباب ومسك أيدها ډخلها وبعدين قفل الباب فتح نور بسيط وسابها واقفه سانده ضهرها للباب.
كرم.....خليكي. زي ما انتي واوعي تشيلي من علي عينك
دره....طيب انت رايح فين
كرم.....انا جنبك يا حبيبي متقلقيش اديني ثواني بس وهبقي

معاكي بس اوعديني متشوفيش حاجه
دره.....مش هشوف والله.
كرم.....تمام لحظه سابها كرم وراح شغل إضائات تانيه وشغل جهاز صغير اول ما أشتغل ظهر منه علي كل الحوائط والاسقف صور لدره في كل مراحل عمرها الصور كانت بتلف وتتغير في كل حيطه شويه مع دوران الجهاز شغل جهاز تاني علي حيطه معينه وظهرت صوره دره الصوره اللي كان ديما بجي. يقعد قدامها بالساعات وهو مخڼوق.
الشقه كانت كلها بانورما علي البحر كل شباك او بلكونه مستبدل الحائط بتاعها ومخليه إزاز منظر البحر مع الاضاءه وصورها كانوا مخليبن المنظر يبهر بجد ظبط كل حاجه وبعدين راح شغل اجهزه فيها معطرات للجو في لحظه ريحه الشقه كلها بقت نفس الريحه اللي دره بتستخدمها من زمان.
دره.....في ريحه حلوه الريحه دي انا بحط منها ديما
كرم....بنبره حب عارف
دره.....بتعمل ايه يا كرم
ثواني وشغل موسيقي هاديه لأكتر اغنيه سمعها في حياتهه
لسه فاكر كانت موسيقي من غير كلمات.
كرم.....جاهزه 
دق قلب دره پعنف وخدت نفس طويل جاهزه.
قرب منها كرم مسكها من ايدها الاتنين
كرم....متشليش اللي علي عينك غير لما اقولك شيليها
هزت دره راسها بهدوء و ترقب
وقفها كرم في وسط الريسيبشن الكبير في منظر علي قد ما هو يبهر من جماله علي قد ما هو يخوف بسبب البحر والسما اللي باينين من كل مكان كأن البيت كله مفيهوش غير حائط واحد من الطوب وهو اللي عليه صورتها وباقي الحوائط إزاز كلها.
سحب كرم ايده من كفها بهدوء وبعد عنها.
دره.....كرم روحت فين
كرم....بدأ يتكلم مكانتش عارفه صوته جاي منين كل شويه يتحرك وصوته يجي من مكان.
كرم.....كداب اللي يقول إن الحب ممكن يتبدل بكرهه كداب اللي يقول إن نسي الحب اللي كان في يوم بيجري في دمه كداب اللي يقول إن الاڼتقام هو الحل الوحيد عشان القلب اللي اتوجع يتداوي
وانا كنت اكبر كداب يا دره عشان قولت كل ده لا قدرت ابدل حبك بكرهه ولا قدرت انسي حبك اللي كان بيجري في دمي وكنت اضعف مخلوق علي وجه الارض يوم ما شوفتك بعد غياب سنين والاڼتقام اللي كنت بقسم بيه بمجرد ما بصيت في عينك كأنه جبل تلج ونظره واحده منك دوبته
دق قلب دره پعنف ومع كل خطوه يتحركها كرم ببطئ تلف دره بنفس الهدوء معاه.
كرم......يمكن كنت كداب بس بكدب علي نفسي واكتشفت ان كل اللي حواليا كانوا عارفين انه مجرد كلام لساني بينطقه لكن قلبي رافض يصدقه.
المكان اللي انتي واقفه فيه ده عمره 15 سنه كان مجرد مكان بهرب فيه لما احس انك وحشاني لما احس ان قلبي محتاج لهدنه من الصراع والضغط اللي كان عايش فيهم سكت ثواني وقرب منها بهدوء مسك ايدها وسحبها معاه براحه وقعدها علي الكرسي بتاعه ورجع سابها تاني وبعد.
كرم.....كنت باجي اقعد علي نفس الكرسي ده ساعات طويله من كترها مكنتش بعرف احسبها وافضل باصص للحيطه ساكت مبعملش اي حاجه غير اني مسلم عقلي وقلبي وروحي معاكي.
كنت بفضل شارد و بتخيل صورتك قدامي اكلمك و أعاتبك أتعارك معاكي أغضب و أثور و أرجع أهدي من تاني و اتخيل اني حاسس بصوت نفسك جنبي اغمض عيني واحس براحه وبعدها اقوم أمشي وارجع اكمل من تاني
وقعت وإنهارت كتير ومع كل إنهيار بمجرد ما اجي المكان ده اخرج منه وانا هادي عشان ارجع اكمل من تاني فضلت نيجي هنا خمس سنين من بعد ما اشتريت المكان ده بس طول الخمس سنين كنت بتخيلك في مكان فاضي مفيهوش غير كرسي وبعدها قررت ان اخلي المكان ده بتاعي انا وانتي وبس مكان خاص بيكي لما اهرب من الدنيا واجي علي هنا مش بس اتخيلك قررت اكون شايفك قدامي وطول العشر سنين اللي فاتوا وانا بقعد نفس القاعده بس وانتي معايا وجنبي الدنيا كلها كانت شاهده علي ڠضب الرفاعي وعامله حساب لليوم اللي هيقابل فيه عين دره الجمال بس مكانوش يعرفوا ان الكلام بيتمحي والقسم بيقع بمجرد ما ادخل و أقفل ورايا الباب ده
قرب منها تاني مسك ايدها بهدوء كان مستسلمه ومش بتتكلم مكتفيه بس بأنها تسمعه وتحس بوجعه وتحس بحبه اللي طالع مع كل حرف .
وقفها كرم ورجع سابها من تاني وبعد عنها.
كرم....ناس كتير اوي واولهم اهلي واهلك علي الرغم من انهم كانوا مش مصدقين كل كلمه بتطلع مني عن اڼتقامي ليكي لكن كانوا خايفين مني كانوا شايفين ان لو اتجوزت وعملت بيت طبيعي هنساكي وهعيش حياتي حتي لو وجعك ليا كان هيفضل في قلبي لكن إنشعالي بحياه جديده كان هيخليه مجرد ۏجع خالي من اي اڼتقام وكانوا شايفين ان ادام انا رافض الجواز هيفضل الۏجع جوايا صاحي والاڼتقام يوم عن يوم بيكبر بس اللي مكانوش قادرين يعرفوا او يوصلوا ليه ان مستحيل احب غيرك مستحيل تدخل حياتي ست غيرك مستحيل اتقبل حياتي من غيرك مكانوش يعرفوا

ان ليا حياه خاصه معاكي انتي في البيت ده .
وكمل نبره ۏجع متغلفه بعشق
انا هنا عملت معاكي في خيالي كل حاجه تتخيليها يا دره كل حاجه عشان بس اقدر اعيش واكمل حياتي 
اتكلمت معاكي و ضحكت و هزرت اتوجعت و عيطت اتعاركت معاكي ڠضبت و فرحت من قلبي خيالي معاكي وصلني للجنون يا دره 
انا كنت بعمل معاكي كل حاجه تتخيليلها و متتخيليهاش كل حاجه تتقال وصعب انها تتقال
عشت معاكي تفاصيل ومواقف كلها كانت من خيالي لدرجه ان اوقات لما كنت اركز في اللي بعمله اقوم امشي عشان لو فضلت شويه اكيد هتجنن.
المكان ده