رواية ابن ليل بقلم اميرة اسامة ج٥

في وجودك بدأت احس اني رجعت تاني طبيعيه مش مهزوزه يمكن لسه معنديش ثقه في نفسي ولا في الناس بس انا عندي ثقه فيك عشان انا عمري في حياتي ما شوفت حد بيحب بالشكل ده يمكن شوفت في عينك حب لمامي مشوفتوش في عين بابي نفسه خليك مع مامي وخليك معانا من فضلك
كرم......بتأثر حس ان قلبه بيدق پعنف قبض علي ايد ديما اكتر انا عمري ما هسيبكم ولا عمري هبعد وهفضل ديما موجود يا احلي ديما في الدنيا.
ديما....ابتسمت من بين دموعها هو انا ممكن اطلب منك طلب.
كرم.....طبعا انتي تطلبي من غير ما تستأذني
ابدا وعلي قد ما تصدمت علي قد ما قلبها كان طاير من الفرحه و قدرت تطمن من رد فعل اول واحده في بناتها 
اول ما بعد عن ديما اتقلبت دره بهدوء وبعدين فتحت عينها
كرم.....صحيناكي 
دره....بإبتسامه هاديه لا خالص انتي كويسه
ديما....بإبتسامه جميله الحمد لله.
دره.....الحمد لله انت لسه راجع يا كرم.
كرم...اه جيت من شويه
دره....دكتور عمرو عامل ايه
كرم.....تعبان اكيد انا قولتله يروح يرتاح شويه ويغير كده ولو حابب يجي يجي
دره.....كنت قولتله ياخد اجازه واحنا هنا بداله
كرم....قولتله والله بس هو مرضيش قال كفايه يرتاح شويه ويغير وكنلن عشان مش حابب يكون بعيد عن ابنه وعشان يطمن علي مريم.
دره.....ربنا يعينه و يصبره
كرم....يارب انا هنروح نبص علي منكش تيجي معايا
دره....اه طبعا يلا ديما شويه وهنرجعلك تاني خلي بالك من اخواتك
ديما....بأبتسامه عبيطه حاضر متقلقيش روحي واتأخري براحتك انا معاهم يلا شوفوا شغلكم
خلي بالك من مامي يا دكتور كرم ختمت كلامها بغمزه بسيطه لكرم
كرم.....بسعاده غمزلها في عيني متقلقيش 
ابتسمت دره ڠصب عنها علي شقاوة بنتها وبعدين خرجت هي وكرم.
بصتله دره اول ما خرجوا.
دره.....خير شيفاكم بقيتوا صحاب
كرم.....الله وانتي مالك بتغيري ولا ايه
دره....لا وانا هنغير ليه ربنا يخليكم لبعض
كرم.....يارب ويبعد عننا الناس اللي عينها وحشه
دره....لا والله تقصدني انا
كرم....بضحكه هاديه وانتي خدتي الكلام علي نفسك ليه انا بأمن وراكي ولا عايزه العين تدخل بيني انا وبنوتي الصغيره
دره....بصتله بحب بنوتك
كرم.....ايه عندك مانع انا ربنا رزقني بأربع بنات زي القمر اقول لا
دره....بتنهيده حب بحبك يا كرم
كرم.....وانا بمۏت فيكي يا بنت الجمال وبطلي تبصيلي كده بدل ما يحضر 
دره....بإبتسامه هاديه هو مين
كرم....شيطاني 
دره.....ضحكت ومشيت جنبه وهي ساكته وصلوا قدام اوضه منكش ودخلوا
دخلت دره الاول
دره.....اهلا حمد الله علي سلامتك يا منكش.
منكش.....بإبتسامه تعب الله يسلمك يا دكتوره
دره.....عامل ايه الوقت طمني عليك
منكش....زي الفل عشان شوفتك تصدقي بالله.
دره....بإبتسامه لا إله إلا الله
منكش.....لو نعرف اني هنتعالج علي ايدك كنت رميت روحي تحت الترام من زمان
ضحكت دره ودخل من وراها كرم وهو رافع حاجبه.
كرم.....طب دماااااغنا وعدي يومك بدل ما نرقدك ومتقلقش مش هنحرمك من العلاج بس علي ايدي انا
بصله منكش پصدمه وفضل ساكت
كرم....بإبتسامه وهو رافع

حاجبه ايه سكت يعني الترام داس علي لسانك ولا ايه
دره ضحكت وخبت وشها 
منكش....دكتوره دكتوره
دره....بضحك ايه يا منكش 
منكش....هو ممكن الواحد بعد العمليه بيومين يحصله حاجه في دماغه
دره....حاجه زي ايه
منكش....يعني تخيلات وتهيؤات
دره....ليه انت بيتهيألك ولا ايه
منكش.....فاكره احلام العصاري اللي قولتلك عنها.
دره....بضحك اه فكراها.
منكش.....اهي رجعتلي تاني تتخيلي انها زادت معايا وحالتي بقت صعبه.
دره.....ايوه بتشوف ايه احكيلي
منكش.....شوفت المعلم صبري جالي مرتين لا وايه جاي وجايبلي عصير
دره....طب وانت مش مصدق ليه ماهو يمكن جالك 
منكش.....قولي كلام غير ده ده الجنيه لو طلع من جيبه ينصب صوان العزاء وبعدين سيبك من المعلم صبري تتخيلي اني شايف المعلم كرم دكتور
دره.....ضحكت انت مصېبه يا منكش.
كرم....ايه ياولا مش عاجبك ولا ايه
منكش....احيه لا وبيتكلم كمان
كرم....بضحك تحب نعرفك انك صاحي وندخلك عمليات من غير بنج
منكش....لا خلاص قلبك ابيض بس انا معذور يا ناس بنشوف حجات مينفعش نشوفها قولوا انكم متفقين عليا وده برنامج رامز جلال ولا حتي الكاميرا الخفيه بتاعت اديني عقلك
كرم.....بضحك حمد الله علي سلامتك يا مصېبه شكلي هنكتبلك علي خروج كمان. 
دره....حمد الله علي سلامتك يا منكش.
خرجوا الاتنين وسابوا وهما بيضحكوا ومنكش بيرفع راسه يبص عليهم.
منكش.....لا والمرسي ابو العباس دي الكاميرا الخفيه او انا مۏت وبنتحاسب
......................
كرم.....مبسوطه اوي
دره....حرام عليك جننته هو مش ناقص
كرم....اديكي قولتي هو مش ناقص يعني هو مچنون خلقه.
دره....تقوم تجننه زياده
كرم....انا جيت جنبه هو اللي بيتلكك
دره...كرم
كرم....نعم
دره....انا قلقانه علي دارين اوي وبفكر اعرضها علي دكتور نفسي
كرم....ليه ده كله يا دره دارين بخير ومش محتاجه دكتور نفسي
دره.....بخير فين بس دي من امبارح علي نفس الوضع مش بتنطق وطول الوقت بټعيط وبتاكل بالعافيه
كرم.....طيب من امبارح مش وقت طويل عموما لو حابه أرشحلها دكتور كويس تمام بس اللي دارين فيه ده طبيعي الحاډثه مكانتش بسيطه يادره والبنات اول مره يمروا بحاجه زي دي فا ده كله طبيعي
دره...طيب اشمعني اخواتها ماهما كويسين.
كرم....مين قالك انهم كويسين ديما ودانه لحد امبارح كانوا نفس الوضع ساكتين وموهومين ومش هنا بس الكل يا دره دارين بس حساسه شويه وكمان اصابتها مكانتش سهله لا هي ولا سماح بت سونه انتي بس خليكي جنبها علي قد ما تقدري طمنيها يا دره دارين محتاجه تحس بآمان
دره....اطمنها ازاي بس ده انا محتاجه اللي يطمني انا بجد تعبانه يا كرم اوي.
كرم....عارف يا روحي بس انتي مضطره انتي هتقدري تستحملي وتيجي علي نفسك عشان بناتك وعموما انا جنبك ومتقلقيش هتكلم مع دارين واحاول اخليها تطمن
دره....ياريت يا كرم.
كرم....حاضر يا قلب كرم وكمان انهارده لازم نخليهم يتحركوا شويه و هخلي الشباب يروحوا يقعدوا معاهم و يغيروا الجو بينهم شويه هما اللي هيقدروا يساعدوا بعض و يخرجوا من حاله الاكتئاب دي .
دره.....إن شاء الله يا كرم انا هروح أبص علي ياسين وانت روح علي المكتب ارتاح شويه
كرم....ورايا شغل يا دوب اغير وانزل
دره....كرم انت بتقولي انا اللي عايزه ارتاح بص لنفسك في المرايا انت عينك لونها احمر وشكلك مرهق بقالك يومين ونص مطبق.
كرم....متقلقيش عليا انا كويس
دره....لو مسمعتش كلامي انا مش هسمع كلامك علي فكره في اي حاجه يلا اطلع ارتاح شويه نام ساعه علي الأقل
كرم.....حاضر يا دره
دره....يلا امشي.
كرم....بابتسامه همشي براحه 
...................
طلعت سونه غيار لمريم وخدتها ادتها دش دافي وخرجت اكلتها وبعدين نامت مريم من التعب علي السرير قعدت سونه جنبها بعد ما خدت هي كمان دش دافي.
موبايلها رن مسكته بسرعه لقتها دعاء.
سونه.....بلهفه ايوه يا دعاء في حاجه ولا ايه العيال كويسين.
دعاء....يابت في ايه انا كل ما هنكلمك هتلبشي جتتي كده اه كويسين زي الفل
سونه....الحمد لله حقك عليا اعصابي سايبه واي تليفون يرن بنترعب
دعاء.....لا يا أختي مټخافيش ربنا يطمن قلبنا عليهم يارب المهم انا صحيتك ولا ايه
سونه....لأ انا منمتش مريم هي اللي نامت انا مش هعرف عايزه اقوم اعمل اي اكل ناخده معانا للعيال انتي عارفه عيالنا كلهم مبياكلوش اي حاجه
دعاء....ما انا بنكلمك عشان كده متعمليش اي حاجه عبدالله هيوصي الوقت علي فراخ مشويه وهناخدها واحنا رايحين تبقي سخنه نامي انتي وارتاحي شويه وهنصحيكي قبل ما نمشي بحبه
سونه.....طب ليه كده بس ما انا كنت هنعمل
دعاء....ولا تعملي ولا حاجه مفيش حد فينا قادر يقف علي رجله اصلا
وانا

قولت نلحقك عشان عارفه انك هتعملي ومش هتنامي يلا روحي نامي جنب البت شويه
سونه....تسلمي يارب يا دعاء منتحرمش منك
دعاء....بإبتسامه متقوليش كده يابت انتي اختي يلا هسيبك ترتاحي
سونه.....ماشي يا حبيبتي مع السلامه.
قفلت سونه معاها وابتسمت بهدوء لاول مره تحس ان جواها في راحه غريبه رغم كل اللي مرت بيه وۏجعها من حب كرم ومن كلامه اخر مره معاها إلا انها حاسه انها مش شايله منه ولا مضايقه مكانتش عارفه السبب يمكن معاملتهم كلهم ليها ووقوفهم جنبها هي وسماح ومعدنهم الحقيقي ظهر معاها ولا كلام سماح معاها وخناقتهم سوا هي اللي فوقتها ولا المحنه اللي مرت بيها وخۏفها علي بنتها كان اقوي من اي حاجه في الدنيا بس اللي قدرت توصله إن كل الاسباب دي كان ليها علاقه بالراحه اللي هي حاسه بيها.
................
علي الساعه سته المغرب اتحركوا كلهم من الشارع مع بعض وراحوا علي المستشفي راح عبدالله وهو في طريقه استلم الاكل وطلعوا علي هناك.
قبل ما يوصلوا بربع ساعه دخلت دره للمره اللي مش عارفه عددها تطمن علي البنات والشباب
دارين كانت كل شويه تصحي وتنام او بمعني اصح كل ما تحس ان حد هيتكلم معاها تهرب بالنوم.
دخلت دره لقت سماح وديما ودانه قاعدين مع بعض ودارين نايمه في سريرها وبتقول حاجه
قربت منها دره لقتها عرقانه ودافيه شويه .
دارين....بابي بابي ليه كده
دره.....قلبها اتقبض وبصتلها بحزن دارين دارين حبيبتي
اتنفضت دارين وبصت لدره
دره.....دارين ردي عليا يا قلبي متسبنيش كده قولي اي حاجه انا قلبي واجعني يا دارين متزوديش وجعه اكتر.
دارين....بضعف مامي 
اوي
دارين.....عايزه مايه
دره....حاضر حاضر يا عمري.
خدت دره إزازه فتحتها وشربتها بهدوء.
قربت منها دانه بحب.
دانه....دودو حبيبتي عامله ايه يا قلبي
دارين.....بإقتضاب كويسه نزلت دارين علي السرير تاني وبصت علي الحيطه وغمضت عينها تاني
دره.....دارين انتي هتنامي تاني
دارين....ايوه عايزه انام
دره....بقلة حيله طيب يا روحي نامي .
سابتها دره وقامت من جنبها بعد ما غطتها وهي وشها حزين
طبطبت دانه علي ضهرها وباستها بحب
دانه....مټخافيش عليها يا مامي هي هتبقي كويسه
دره.....خليكي جنب اختك متسبيهاش وحاولي تكلميها
دانه....حاضر يا حبيبتي انتي بس مضايقيش نفسك حضرتك عارفه ان دارين پتخاف من التعب واللي حصلها ده مأثر عليها بس اول ما تخف وتخرج من هنا هترجع احسن من الاول
دره....يارب يا دانه المهم انتي كويسه طمنيني الچرح تاعبك
دانه....بإبتسامه شويه بس متقلقيش مش ديما تقولي ان دانه الراجل بتاعنا والراجل بيستحمل
دره...بإبتسامه حب ربنا يخليكي ليا انتي واخواتك وايوه انتي بمېت راجل كمان و وجودك مطمني علي اخواتك
دانه....بحب متقلقيش يا احلي مامي في الدنيا 
دره....هروح أشوف الشغل تكون بلبله وجدك وصلوا وهجيلكم تاني
دانه....ماشي يا مامي روحي يلا.
دره.....محتاجين حاجه يا بنات
ديما....شكرا يا مامي
سماح....سلامتك يا دودو
دره....بإبتسامه هجيلكم تاني يلا باي.
وصل عمرو بعد ما ارتاح شويه وغير هدومه كل ما كان يقابل حد يعزيه تاني ويطمن عليه
طلع عمرو يشوف ياسين ويطمن عليه كان اتحسن شويه وطلع من الرعايه فرح عمرو بخبر طلوعه لكن كان الحزن باين عليه لسه.
خرج كرم من مكتبه بعد ما ارتاح شويه وراح يمر علي المصابين لمح عمرو.
كرم.....ايه يا دكتور عمرو ايه اللي جابك بس مش قولنالك ارتاح شويه
عمرو.....ارتاحت والله بس كان لازم اجي اطمن علي ياسين ومريم وبعدين هقعد لوحدي اعمل ايه من غيرهم مش هرتاح غير وانا معاهم.
كرم....ماشي يا سيدي طيب انت كويس احسن الوقت
عمرو.....الحمد لله بخير صدقني يا دكتور كرم مهما عملت معاك عشان ارد جميلك مش هقدر اوفيك حقك
كرم....وانا عملت ايه بس يا عمرو هيب متقولش كده مفيش بين الاخوات جمايل
عمرو.....طبعا ده شرف ليا بس اللي انت عملته انت وكل الجماعه