رواية ابن ليل بقلم اميرة اسامة ج٥

ومبقاش عريس ليه ده ابوك وعم زكريا عاملين حفله الواحد بردوا يخرج وهو ليه برستيچه مش كفايه شكلي اللي عامل زي ابو دومه بعيني دي
ضحكوا كلهم علي محمد.
حسن.....سيبه طيب يابا انا هنجيله.
عبدالله....جرا ايه يا واطي منك ليه مكانتش جزمه هيلبسها انجز يا ولا بدل ما نديك في رجلك
دخل كرم هو وبكر اللي كان واقف بره بيتكلم مع رفاعي في الموبايل.
كرم.....ايه جهزتوا خلاص 
هيما.....كرم تعالي بالله عليك خلي عبدالله يقوم
عبدالله.....بردوا هيقوله خلي عبدالله يقوم
كرم....بضحك اوعي انا هنلبسه وبعدين انت كبرت علي القاعده دي
عبدالله.....مكانوش سنتين اللي بينا يا عم الشباب 
ضحك كرم وخد منه جزمه هيما عشان يلبسهاله.
هيما....يعني انا بنقوم عبدالله عشان تلبسني انت خليك يا كرم حسن هيلبسني.
كرم.....بصله وهو رافع حاجبه افرد رجلك ياولا
ابتسم هيما بإحراج ومد رجله
لبسه كرم الجزمه بتاعته وربط الرباط

وقام ظبطه وسرح شعره
هيما ....بحب ربنا يخليك ليا.
كرم....ويخليك ليا يا حبيبي ولا با احمد محتاج حاجه
احمد....لا انا فل اوي بكر ساعدني ومستنيكم
كرم....طيب هنروح نشوف البنات جهزوا ولا لا.
حسن.....اديك قولت البنات يعني فيها سنه
كرم....بس يا واطي 
حسن....ماشي يا عم كيرو
دخل كرم غرفه البنات كل واحده فيهم كانت قاعده علي سريرها لابسه ومستنيه وسونه بتأمن علي باقي حاجتهم عشان مينسوش اي حاجه.
كرم.....ايه القمرات دول بنقولكم ايه الولا حسن كان بيسخني عليكم بيقول ان اكيد انتوا مجهزتوش عشان بنات يعني
سماح.....احنا جاهزين بقالنا كتير ومستنينكم
كرم....اهو انا قولت اللي قاله وخلاص شوفوا شغلكم انتوا معاه.
سونه.....بضحك كرم بيسخنكم علي الولا.
ديما.....والله تلاقيه هو اللي معطلنا كده.
كرم....لا حرام هو جاهز وبيساعد الشباب المهم انتوا خلصتوا في حاجه ناسينها.
دارين....لا سونه جمعت كل حاجه.
سونه....انا خلاص خلصت مفيش حاجه ناسينها متقلقش.
دانه....كرم هي مامي فين
كرم.....كانت بتغير هدومها وقالت هتطلع ورايا زمانها خلصت
دانه....طب ما يلا بقي انا زهقت وعايزه اخرج.
كرم.....طيب يلا بينا و نعدي في طريقنا ناخد دره
خرجوا مع بعض وعدوا علي الشباب عبدالله كان ماسك هيما ومسنده و حسن ماسك محمد
اول ما لمح سماح خارجه مع دانه ساب محمد وراحلها.
محمد....اه يا واطي بتسيبني
دانه.....بضحك خليك معاه انا مسنداها 
حسن....بهمس يابت متبقيش رخمه زي الواد ده.
سماح....بضحك وإحراج امشي هتجرسنا
بصلوا كرم وابتسم وهو رافع حاجبه.
كرم...طيب ماشي دماااااغنا بقي
بصله حسن وسماح والاتنين ضحكوا
سماح ....بهمس عاجبك الحفله دي
حسن....كل من الرخمه والرخم دول
عبدالله....هي دره فين
كرم....هناخدها الوقت واحنا نازلين.
مسك كرم دارين في ايده ونزلوا مع بعض في الاسانسير علي مرتين.
قابلوا دره وخرجوا علي عربياتهم
كرم.....بكر خد هيما ومحمد واحمد وعبدالله ياخد سونه وسماح وحسن ودره والبنات هيركبوا معايا.
بكر....طيب تمام يلا بينا
دره....بكر خلي هيما يركب جنبك عشان يفرد رجله
بكر...طيب تمام.
دره....وانت با عبدالله براحه وانت ماشي متسيبش الاسفلت السليم وتصطاد المطبات كالعاده عشان سماح
عبدالله.....طب وليه السياح والفضايح 
دره....نكدب يعني
عبدالله....لا بس قوليها براحه حتي ده انتي واقف جنبك جوز نا بيصدقوا
كرم....بضحك طيب واحنا نطقنا الوقت اختك اللي بتقول
بكر.....ياجدع ده انت مبيعيشلكش عربيه خلينا ساكتين
حسن....طب يلا بقي عشان نمشي ولا هنبات هنا.
كرم....حط لسانك في بوئك هاا دمااااغنا
حسن....بضحك اوامرك يا سيد المعلمين
ركبوا كلهم كرم ركب دارين قدام وفردلها الكرسي شويه عشان ترتاح وبعدين ربطلها الحزام.
دره كانت بصاله بإبتسامه حب وعينها علي كل حاجه بيعملها بإهتمام من قلبه بجد.
كرم....ايه مرتاحه كده
دارين....اه كويس والله اركب يلا بقي.
كرم....طيب حاضر دانه مضايقه من الكرسي ولا ايه انا رجعته شويه بس عشان دارين متبقاش تانيه ضهرها.
دانه...لا لا متقلقش انا قاعده كويس.
كرم....طيب تمام يلا بينا
ركب كرم وطلعوا وراء بعض بالعربيات طول الطريق دره كانت سانده راسها علي الشباك جنبها بصاله في المرايه ومبتسمه بحب
عينه جات علي المرايه لقاها بصاله ابتسم وهو رافع حاجبه وهز راسه بمعني بتبصيلي ليه.
دره....حركت شفايفها بهدوء بحبك
ابتسم كرم وبصلها بإستغراب مصطنع وهز راسه تاني بمعني بتقولي ايه
دره....بحبك
كرم....بهدوء وانا بعشقك
دق قلب دره وخدها احمر وابتسمت بحب
بكل هدوء باسها كرم علي الهواء.
ابتسمت دره وفتحت ايدها قدامه بهدوء وبعدين قبضت عليها تاني كأنها مسكت البوسه بتاعته بين ايدها وقربت ايدها من شفايفها باستها بحب.
ابتسم كرم وخرجت من تنهيده عشق خلت قلب دره يدق پعنف
.............
واخيرا وصلوا الشارع واتفاجئوا باللي حاصل فيه الكل مستنيهم عشان يستقبلهم واول ما دخلوا الشارع لقوا فرقه بتحتفل بيهم والناس في الشارع بتسقف وشباب المنطقه بيوزعوا حاجه ساقعه علي الكل نزلوا من العربيات مهل ودعاء ونجوي واقفين يزغرطوا وستات الشارع بيجمالوهم وبيزغرطوا هما كمان
واول ما نزلوا من العربيات خرج زكريا عجل علي باب المحل ورفاعي كمان خرج عجل وصمموا يدبحوا بنفسهم كانوا طايرين من الفرحه.
اما كرم فا ساب كل ده وكان قاعد لسه جوه العربيه ومقرب من الازاز اللي قدامه وبيبص پصدمه.
عبدالله.....ايه هتبات هنا يلا انزل
كرم....انزل ايه انا اتجرست
دره....بضحك في ايه مالك.
كرم.....العامله دي متخرجش من منكش هاتولي منكنش الكلب ده هنا حالا معلقلي صوري وكاتب اهالي بحري يرحبوا بالدكتور كرم فاكرني داخل انتخابات الواطي ده يوم اهله ازرق
فطست دره وعبدالله من الضحك
بكر.....قرب منه وهو بيضحك بنقولك ايه منكش تقريبا عامل الليله دي كلها ليك مش للعيال ده جرسك
كرم.....هاتهولي هو فين الواطي ده
نول كرم من العربيه واول ما نزل الزغاريط عليت والكل بقي يرحب بيه كأنه غايب بقاله سنه وهو بيبتسم وعينه بتدور علي منكش لحد ما لقاه واقف ماسك عصايه مع الفرقه وبيرقص
راح عليه كرم مسكه من قفاه
كرم.....ده انت ليلتك سوده يا منكش الكلب اتاريك مصمم انت اللي تحتفل بينا عاملي فرح ياض ومعلق صوري ايه حد قالك اني مرشح روحي لمجلس الشعب
منكش.....ايووووه وهما بتوع مجلس الشعب يجوا فيك ايه يا دكتور كرم
كرم....ياض مالك فرحان كده ليه باللقب ده
منكش.....ومالك زعلان كده ليه ده انت دكتور مش تمرجي
كرم....ياض بطل لماضه هنقطعوا لسانك وبعدين انا ياولا انا تجيبلي مزيكا حسب الله ياض انا طالع من السچن انت ياولا مش

مريحني مشاعرك مش ماشيه علي بعضها صور متعلقه كأني في الانتخابات ومزيكا حسب الله كأني خارج من السچن
منكش....واحنا في ديك الساعه لما ابن منطقتنا يتخرج ويبقي دكتور قد الدنيا
كرم.....اتخرج منين يا ابن الفقريه ياولا انت فاكرني تلميذ
منكش.....احيه يعني انت مش لسه متخرج هو انت دكتور بقالك كتير ومخبي.
كرم.....انا محصلش انا بقيت دكتور يوم الحاډثه بس لما عرفت ان انت اتصابت قولت لا يمكن دكتور غريب يدب في بطنك مشرط غيري ولبست البالطوا وبقيت دكتور.
منكش.....بشرود ابتسم يعني انا لو لابست بالطوا هنبقي دكتور وصبي قهوجي قد الدنيا 
كرم.....طبعا ما انا عندك اهو بقيت دكتور و جزار احسن منك انا اقولك البالطو بتاعك عندي وليك عليا نخلي كل العيال في الرايحه والجايه يقولولك يا دكتور منكش
منكش.....طب ما تجيب البالطو بتاعك واهو ابقي لبست حاجه من ريحتك
كرم.....منك لله من ريحتي يعني بعد ما طلعتني من السچن بفرقه حسب الله ودخلتني مجلس الشعب بالصور اللي من اول الشارع لاخره عايز تاخد البالطو يبقي من ريحتي بتورثني بالحياه ياللي منك لله
منكش.....مش القصد بعد الشړ عليك بس ماهو التعليم والشهادات طلعوا حاجه سهله اهي امال بيصعبوها ليه.
كرم.....يا ولا دول اعداء النجاح انت فاكر ان الشغل بالتعليم
منكش.....يعني هو مش بالتعليم
كرم.....حمار وهتفضل حمار ده باللبس ياض يعني مثلا انت فاكر المحامي ده اتعلم
منكش....امال
كرم....جاب نفس البالطو الابيض بتاعي وصبغه اسود وحفظ جملتين بقي محامي قد الدنيا المهندس لبس خوذه علي دماغه بقي مهندس طب انت عارف بقي الاحسن من الدكتور والمحامي والمهندس ايه
منكش......ايه
كرم......تروح تجيبلك بدله ظابط وتبقي واجهه ياولا وفي الرايحه والجايه الكل هيقولك ياباشا وتبقي هيبه ياولا واتخنها كمين تروح تقف فيه هتلاقي الكل بيضربلك تعظيم سلام وكمل پغضب واهو نبقي هلصنا من وش امك يا منكش الكلب.
منكش.....بتسلمني تسليم اهالي يا معلم دكتور كرم.
كرم.....ياض ايه معلم دكتور دي غور من وشي بدل نا العب في وشك البخت وهو مش ناقص وبعدين ياولا ايه فرط الحركه اللي عندك ده بترقص بعصايه وبتطنطت انت ناسي انك عامل عمليه وممكن الچرح يفتح ونخلصوا منك
منكش.....انت مش قولت انت كويس وكتبتلي علي خروج ولا انت مش شايف شغلك 
كرم ....اه بس مكتبتلكش في العلاج رقصه قبل الفطار ورقصه بعد الفطار بنقولك ايه اخفي من قدامي لا نسمعوك ربع متلبسش عليه هدوم وروح خلي الشباب يشيلوا الصور ده هتحبسني الله يخربيتك لبيت معرفتك
منكش....اهو انت كده الواحد ميعرفش بعمل معاك حاجه حلوه 
كرم.....غور ياض من وشي لنفلقك نصين
منكش....بضحك وهو بيجري من قدامه نصين بالطول ولا بالعرض
كرم....حط ايده علي صدره اه هي بوادر ذبحه منك لله يا منكش الكلب .
لمحت دره دارين واقفه جنب هيما والاتنين بيتكلموا ومبتسمين ونظرات بنتها ڤضحاها
وجنبهم دانه ومحمد نفس النظرات في عينهم وشايفه محمد كل شويه يحط ايده قدامها وشويه وراء ضهرها من غير ما يلمسها بس بيبعدها عن الزحمه.
ابتسمت دره واتنهدت براحه بصت علي ديما واحمد لمحت الاتنين واقفين يشربوا عصير وفطسانين من الضحك ضحكت عليهم ڠصب عنها.
قرب كرم من زكريا في وسط الزحمه ومال علي ودنه فضل يتكلم شويه وزكريا يهز راسه
دره كانت شيفاهم وفضولها ھيموتنا تعرف بيتكلموا في ايه
قربت منهم وهي مبتسمه
دره.....تسلم ايدك يا حبيبي تعبت نفسك ليه بس.
زكريا.....تعب ايه بس دي حلاوة خروجهم بالسلامه وفديه لروحهم
المهم
دره....قول يا حبيبي.
زكريا بص لكرم وبعدين بصلها
هي بصت لكرم بإستفهام وبعدين بصت لزكريا مكانتش فاهمه حاجه.
زكريا.....هتطلعي انتي والبنات بعد الدوشه دي تشوفي بقي هتغيرلهم وتطمني عليهم وبعدين تنزلي عشان تروحي مع كرم مشوار.
بصت دره لكرم بسرعه بإستفهام
دره....ااا اروح فين
زكريا.....هو هيعرفك هو طلب مني ياخدك معاه مشوار ضروري وانا وافقت
بصت لكرم وهي مرتبطه وفضلت ترجع في شعرها ابتسم كرم وضحك بصمت عليها.
دره....اااا ماشي يا بابا حاضر.
كرم.....انهارده في كلام مهم الكل اكيد مستني يعرفه بخصوص حكايه الدكتور كرم بس قبل ما نتكلم في اي حاجه في مشوار عايزك تكوني معايا فيه
درهابتسمت وبعدين رجعت اخفت ابتسامتها توترها كان باين عليها هزت راسها لكرم وهي مش بصاله
ابتسم زكريا بهدوء وطبطب علي كتفها وكتف كرم
زكريا.....يلا هنروح نلم الليله دي عشان لو سيبنا منكش كده هيقلبها فرح
كرم....بضحك اه والنبي اقفشه واقفل عليه الدكان الواطي جرسني
ابتسمت دره واول ما زكريا مشي بصتله پغضب بسيط
دره.....انت حكايتك بقي انت مصمم تخليني عامله زي المراهقه كده
كرم.....وانا عملت ايه عايزك في مشورا واستأذنت ابوكي
دره....لا ياشيخ ومقولتليش ليه
كرم بأبتسامه حب قرب منها خطوه ابتسمت دره ورجعت خطوه بسرعه وهي بتبص حواليا.
كرم....انا قولتلك يا قلب كرم بس يظهر انك بقيتي تنسي كتير مش قولتلك لما هنخرج هاخدك مشوار وبعدين بليل هنقعد كلنا نتكلموا مع بعض.
دره....ايوه بس ده امبارح او اول امبارح لكن مقولتش انهارده
كرم.....اه يعني افهم من كده اني بتعانل مع