رواية ابن ليل بقلم اميرة اسامة ج٥

يا معلم صبري
بص منكش وراه بسرعه پخوف.
ضحكوا كلهم عليه.
عبدالله...طلعت لسان علي الفاضي بيشتغلك يا ولا
منكش.....لا اصل ده راجل قلاب
رفاعي....طب والله بيحبك يا ولا وكان خاېف عليك وزعلان والله
منكش....بإبتسامه وانا والله بنحبه ميغركش يعني اللي بنقوله عليه وقت الهزار الراجل ده انا عمري ما شوفت منه حاجه وحشه كفايه انه بيعتبرني زي ابنه
نبيله....انت طيب ياولا وتتحب وكلنا بنحبك وبنعتبرك واحد مننا
منكش.....وانا والله يا ست نبيله بنحبكم اوي انتو عيلتي واهلي اللي منعرفش غيرهم انا كبرت واتربيت وسطكم وشوفت منكم حب وحنيه مشوفتهاش من اهلي اللي منعرفوش عنهم حاجه ولولاكم كان زماني مرمي في المستشفي ومحدش بيسأل عني.
كرم.....بإبتسامه تأثر متقولش كده يا منكش انت واحد مننا زي ما بلبله قالت انت اخونا وصاحبنا واحنا اهلك واي حاجه تحتجها انت عارف ان كلما في ضهرك.
منكش.....بحزن ربنا يخليكم ليا وميحرمنيش منكم ابدا
نجوي....مالك يا منكش قلبتها حزن ليه ياولا مش واخده عليك كده
نبيله....انا عارفه يا اختي في ايه يا ولا هنعيط والله ويومك معايا هيبقي ازرق.
منكش....بضحك لا خلاص انا زي الفل المهم انا جيت نسلم عليكم قبل ما نمشي ونطمن علي الشباب وكمان كنت عايزك يا معلم دكتور كرم.
ضحكوا كلهم علي كلمه منكش.
منكش....بضحك ما انا مش عارف نقوله ايه
كرم.....قول اللي يعجبك يا منكش انا راضي يا سيدي قولي بقي عايزني في ايه سر نجيلك ولا تقول هنا.
منكش.....لا مش سر والله مفيش حد غريب بس يعني
كرم....في ايه يا ولا ما تنطق.
منكش....طيب بص بقي المعلم صبري قالي انه سألك علي الحساب يدفعه فين قولتله ان مفيش حساب والحساب اندفع فا انا جايلك بنفسي عشان نعرف منك
كرم....حساب ايه يا ولا

انت بتتكلم جد ولا بتهرج قبل ما نتهور ونقوم نديلك علقھ نرقدك تاني.
منكش....بإبتسامه لا والنبي انا مش ناقص لسه بنقول ياهادي
كرم....يبقي تظبط كده بدل ما ننسي اني دكتور ونوريك شغل المعلم.
منكش.....معلش والنبي ريحني وقولي الحساب كام.
كرم.....لا انت بتتكلم بجد بقي بطل عبط يا منكش انت في مكان اخوك يعني مفيش حساب بين الاخوات والحساب زي ما قالك المعلم صبري اندفع خلاص
منكش.....طب علي الاقل قولي تمن العلاج انت حتي العلاج كله جيبتهولي في الشنطه
كرم.....ياولا بلاش عبط انت لسه متعرفش غلاوتك عندي ولا ايه انت زيك زي هيما اخويا وزي الشباب كلهم واللي بتتكلم في ده حجات بسيطه ويلا اتكل علي الله بدل ما نقوم نروقك
منكش...بحب ربنا يخليك ليا طول عمرك جدع وراجل
كرم.....انا بنرد جزء بسيط من جدعنتك يا منكش يعني انا مليش عندك جمايل المهم الوقت انت بقيت زي الفل تاخد بالك بس من اكلك وعلاجك وتهتم بروحك ولما تنزل الشغل براحه علي نفسك لحد ما تتحسن اكتر وانا هنتابعك بنفسي
منكش....ماشي يا ابن الاصول طيب بالله عليكم مش محتاجين مني اي حاجه قيل ما نمشي.
كرم......سلامتك يا منكش منتحرمش.
رفاعي.....تخلي بالك من روحك زي ما كرم قالك واي حاجه تحتاجها تقولي ولو المعلم صبري داسلك علي طرف تعالي قولي وانا هنشوف شغلي معاه
منكش.....تسلملي يا سيد المعلمين ربنا ميحرمني منك ولا منكم كلكم وبكره بأمر الله هنستناكم ترجعوا و هنوزع شربات وساقع حلاوة خروج الشباب
رفاعي....طول عمرك صاحب واجب بس خلي الساقع عليا حلاوه خروجك كلكم بالسلامه.
بكر.....بضحك انا بنقول تتكل بدل ما المعلم يطلع يجيبك من قفاك.
منكش....بضحك والله عايز نقول كده بس هما اللي بيرغوا 
رفاعي....اه يا واطي مفيش فايده
فيك وفي لسانك الطويل.
منكش....بضحك رفع ايده يلا سلام عليكم اشوفكم علي خير بكره.
الجميع....عليكم السلام.
عبدالله....غلبان الولا ده اوي
نبيله....قطع قلبي عليه صحيح مفيش حد مرتاح علي قد ضحكه وهزاره بس وجعه من اهله باين في عينه.
دارين....هما اهلوا ماتوا
نبيله....لا يا بنتي ميعرفش عنهم اي حاجه اصلا ولا يعرفهم المعلم صبري لقاه مرمي في الشارع كان حتت لحمه حمرا خدوا رباه هو ومراته وكبر في وسطهم مرات المعلم ماټت وهو فضل معاه واشتغل في القهوه ومن يومها وهو وسطنا وواحد مننا.
دارين.....بس بيتهيألي انا سمعته قبل كده بيقول ان ليه اهله مش عارفه بيتهيألي ولا قال كده فعلا
زكريا......هو لما بيتزنق بيتكلم علي انه ليه اهل مبيحبيش يبان مكسور بس هو زي ما انتي شايفه ملوش حد غيرنا
دارين.....يا حرام صعب عليا والله.
دره....ربنا يريح باله ويعوضه كل خير.
نجوي....والنبي نفسي يتجوز ويعمل عيله وبيت
دارين.....طيب صحيح ليه مش بيتجوز.
رفاعي.....مش راضي يا بنتي بيقول انه مرتاح كده مش عايز بجيب عيال وميبقاش ليهم اهل وبيقول مين هيرضي بيه وهو محدش يعرفله اصل من فصل
نبيله....والنبي ولاد الحلال كتير وفي بنات وستات عايزه تعيش لو نصيبه جاله مش هيقدر يقول لا
دعاء....بلبله معاها حق لو نصيبه جاله مش هيقدر يقول نفس الكلام ولا هيقدر يعترض بس لسه نصيبه مجاش.
عبدالله.....ربنا يراضيه هو غلبان وطيب ويستاهل كل خير
خبط الباب وهما بيتكلموا ودخل عمرو وفي ايده مريم.
كرم....تعالي يا صاحبي
زكريا.....تعالي يا دكتور اتفضل.
عمرو....معلش انا بزعجكم معايا كتير بس مريم زهقت عشان ياسين نام وقالتلي نجيبها عند ست سونه.
رفاعي....كلام ايه ده بس يا ابني ازعاج ايه متقولش كده.
سونه....تعالي يا مريومه
نبيله....طمني علي ابنك يا ابني عامل ايه الوقت.
عمرو....لا الحمد لله كنا فين وبقينا فين الحمد لله اتحسن كتير وهيخرج بكره كمان
نبيله....طيب الحمد لله ربنا ما بۏجع قلبك عليه تاني ابدا
عمرو....يارب
نبيله.....طيب وعامل ايه بعد ما عرف ان والدتك الله يرحمها
عمرو.....بحزن الحمد لله ربنا كرمني و عدت علي خير كنت قلقان لما يعرف يتأثر ويتعب اكتر بس عدت علي خير.
نبيله....هتعدي والله ان شاء الله انت بس معلش استحمل وطول بالك في النهايه دول عيال.
رفاعي.....بالظبط هتتعب معاهم شويه بس اكيد انت قدها.
عمرو....بحاول والله وربنا معايا وانا كنت جاي عشان نقولك يا ست سونه ان معلش انهارده اخر يوم لمريم معاكي عارف اني تقلت عليكي بس بكره بأمر الله لما ياسين يخرج هنروح مع بعض وهاخد كمان اجازه يومين لحد ما نظبط الدنيا.
سونه.....كلام ايه ده يا دكتور بس تقلت عليا ايه طب والله مريم هتقطع بيا بعد ما اتعودت علي وجودها وزي ما قولتلك خليها معايا لحد ما تظبط امورك حتي ياسين لو هيخرج انا ممكن ناخده سماح كمان خارجه بكره وهنبقي معاهم التلاته وهنشيلهم في عيني والله.
عمرو....عارف والله بس كفايه كده خليني نقعد معاهم يومين ونعوضهم عن الايام اللي فاتت ونحاول نظبط امورنا.
عبدالله....طيب انت لاقيت حد يا دكتور يقعد بيهم بعد رجوعك للشغل.
عمرو....والله مش ساكت لاقيت كذا حد بس للاسف هما مش مناسبين اللي كبار في السن ومش هيقدروا علي خدمة اطفال واللي عندهم اطفال ومش مناسبهم الوقت بتاعي ومواعيدي واللي مش بتعرف تسوق فا بالتالي لا هينفع

تودي مدارس ولا دروس ولا تمارين واديني لسه بنحاول واتمني في خلال اليومين دول الاقي حد.
دره...طيب ما ممكن تشوف حد يقعد بيهم في البيت ومشاوير المدارس والتمارين والدروس تشوفلهم سواق يعني اقصد حل مؤقت لحد ما تلاقي حد مناسب.
عمرو....انا فكرت في كده فعلا ولو الدنيا ضاقت بيا هنعمل كده مؤقتا مفيش حل تاني .
نبيله....إن شاء الله يا ابني ربنا يراضيك وتلاقي اللي بتدور عليها.
سونه....وزي ما قولتلك انا مش هنضغط عليك اقعد مع ولادك ولو حسيت انك مش عارف لسه تظبط امورك انا موجوده هاتهم وملكش دعوه بيهم لحد ما تظبط امورك براحتك.
كرم....احنا كلنا معاك يا عمرو واعتبرنا اهلك الموضوع مفيهوش إحراج كلنا بنشيل بعض
عمرو....عارف والله ربنا يعلم انكم عملتوا معايا اللي الاهل مش بيعملوا .
كرم....خلاص لو بتعتبرنا اهلك بجد يبقي زي ما ست سونه قالتلك شيل حوار الاحراج ده خالص اقعد مع الولاد اليومين براحتك ولو لاقيت حد يبقي الحمد لله ملاقتش متشلش هم كلنا موجودين وبيوتنا مفتوحه للولاد
عمرو....ربنا يديم بينا المعروف وتسلمولي والله ما عارف نقولكم ايه
نجوي....متقولش اي حاجه يا ابني انت زي ابننا بالظبط وخلاص بقيت واحد مننا وكلنا مع بعض عيش وملح يعني اطمن ليك حد تتسند عليه وعمرنا ما هنتقل منك او من ولادك.
عمرو.....تسلمي يا ست الكل ربنا يحفظكم يارب عموما خلوها علي الله وان شاء الله اللي ربنا عابزه هيكون هستأذنكم انا بقي.
كرم....خدني معاك خليني نقوم نشوف اللي ورايا.
عمرو....باي يا مريومه هشوفك قبل ما تمشي.
مريم....باي يا بابا.
كرم....شويه و هنرجعلكم.
رفاعي.....شوف شغلك يا ابني
خرج كرم وعمرو وخمس دقايق وقامت دره كمان خرجت
وعدي حوالي ربع ساعه بعت حسن رساله لبكر قاله انه داخل عليهم ينزلوا يستنوا في مكتب دره.
بص بكر لسونه بهدوء من غير ما حد يحس شاورلها علي الباب وهز راسه بمعني اسبقيني
خرجت سونه بهدوء من الاوضه دقيقتين وخرج بكر وقال لمها انه هينزل يجيب قهوه ويشرب سېجاره.
اول ما خرج كلم دره.
بكر.....ايوه دره انتي فين
دره....انا في الدور معاكم بنمر علي حاله ايه عايزني نجيلك
بكر.....اه انزلي علي مكتبك حسن كلمني وداخل علينا وعايزنا.
دره....طيب حالا يلا سلام.
بكر.....سلام.
...............
دقايق وكانوا التلاته في مكتب دره مستنين حسن وكل واحد فيهم بيفكر ياتري يوسف طلب من حسن ايه.
دخل حسن بعد ما ركن عربيته وراح علي مكتب دره خبط وفتح الباب .
دره.....تعالي يا حسن .
حسن....سلام عليكم
الجميع.....عليكم السلام.
سونه....ايه اللي حصل طمنا.
بكر.....الاول استني متأكد ان مكانش في حد ماشي وراك و بيراقبك.
حسن....اطمن كله تمام خدت كذا لفه من شوارع مختلفه ووقفت مره قدام كشك جيبت مايه وبصيت كذا مره مفيش اي حد ورايا.
بكر....طيب الحمد لله اقعد بقي كده وقولنا اللي حصل.
دره.....طلب منك ايه يا حسن
بصلهم حسن وبعدين بص لدره وبعد كده فتح الشنطه اللي في ايده نزل الفلوس اللي فيها قدام دره.
بصت دره علي الفلوس ورفعت عينها بهدوء لحسن وسكتت
بكر....ايه دول يا حسن
حسن...بص لدره بحزن دول 100 ألف جني نص تمن اللي طلبه مني
والنص التاني بعد التنفيذ
دره.....بهدوء مريب وثبات رغم الحزن والۏجع اللي جواها وايه هو الطلب
بكر....طلب منك ايه يا حسن 
حسن.....طلب مني اشوفله مكان مهجور والرجل تكون عليه خفيفه ومتطرف يأجره كام يوم وبعدها طلب مني نخطف دره وطبعا قالي انا هكون مجرد سواق لما حس اني قلقان يعني كل اللي هنعمله هنوصل دره لحد المكان وان هي هتركب بإرادتها واللي هتقنعها وهتجيبها لحد عنده واحده ست تبعه وكان يقصد سونه اكيد.
سونه....پصدمه ايه انا مستحيل ده اكيد مچنون عايزني نساعده في خطڤ دره انتوا مينفعش تسكتوا بعد ما عرفتوا نيته ولازم يروح في ستين داهيه.
بكر.....استني بس يا سونه اهدي خلينا نعرف كل اللي حصل احكيلنا با حسن كل اللي قاله اكيد مقالكش خبط لزق كده ټخطفها.
حسن.....لا طبعا هو قالي حكايه عبيطه وانا عملت عبيط وصدقته وكل كلامه معايا علي ان دره مراته وسرقته وهو عايز