رواية ابن ليل بقلم اميرة اسامة ج٥

يهمك امري من غير ما نحس اتعلقت بيكي يا سونه لاقيت نفسي بنوافق انك تاخدي بنتي اللي مكنتش اطيق تبعد عني ثواني وكنت مطمن عليها معاكي
ولو عالجواز يا سونه انا لو عايز اتجوز من بكره هلاقي المشكله مش في الجواز يا سونه المشكله في مين اللي هقدر اتجوزها
عشان خاطري بلاش خاطري انا عشان خاطر مريم فكري وبلاش تفهمي كلامي غلط يمكن الطريقه اللي عرضت عليكي بيها الجواز مكانتش صح بس صدقيني والله العظيم طلبي طالع من قلبي بجد
وعشان تتاكدي اني مكنتش اقصد وافقي بس وبردوا هجيب مربيه للولاد وهعمل معاهم كل اللي قولت عليه بس في النهايه عايزك انتي اللي تكوني معاهم ومسؤوله عنهم عايزك تكوني معايا يا سونه.
سحبت سونه ايدها ومشيت خطوه من غير ما ترد عليه واول ما ادتله ضهرها نزلت دموعها
بسرعه مسك أيدها تاني ووقفها 
ولمح دموعها بصلها بۏجع.
عمرو.....انا اسف والله سامحيني عارف ان كلامي وجعك وضايقك بس انا معرفتش اعبر صح سونه انا كنت متوتر وتعبان بجد نش عارف انا بقول ايه او بعمل ايه
بس والله يا سونه اللي جوايا من ناحيتك اكبر بكتير من الكلام اللي قولته.
سونه....بدموع انا عايزه امشي يا عمرو ممكن تسيبني
عمرو....حاضر هسيبك وبطلي عياط بس كمان لازم تعرفي ان الكلام مخلصش هسيبك تفكري براحتك وتفكري في كلامي وبلاش تحكمي عليا بكلام قولته في توقيت غلط صدقيني وصدقي قلبي يا سونه والله العظيم انا حبيتك واتعلقت بيكي
مسحت سونه دموعها وسابته ومشيت لمحتها مريم وياسين وراحوا عليها ابتسمت سونه ونزلت لمستواهم وفضل عمرو واقف مكانه بعيد.
مريم....رايحه فين
سونه....همشي بقي عشان الوقت اتاخر
مريم.....بس انا كنت عيزاكي تفضلي معايا
سونه.....هجيلك تاني اكيد ونتقابل وبعدين الاجازه جايه هنخرج كتير اوي مع بعض اتفقنا
ابتسمت مريم وهزت راسها.
سونه....وعيزاكي متزعليش من اي حاجه في الدنيا و ولا يفرق معاكي كلام اي حد واوعي تزعلي من بابا هو بيحبك اوي انتي وياسين وخاېف عليكم ومش حابب يشوفك زعلانه اسمعي كلامه واكيد انا وانتي وياسو هنرجع نتكلم تاني ماشي يا قلبي
مريم....حاضر
سونه....خلي بالك منها يا ياسو وخلي بالك من نفسك
ياسين....حاضر يا سونه 
سونه.....يلا سلام يا حبايبي هبقي اطمن عليكم في الموبايل
مريم....حاضر باي
ياسين....باي يا سونه.
سونه....باي
مشيت سونه خطوه ولفت بصت علي عمرو بحزن وبعدين بعدت عينها وكملت طريقها.
...................
في صباح يوم جديد نزل كرم علي المحل مكانتش عنده شغل في المستشفي.
نزلت دره كانت رايحه تقعد مع مها شويه عشان كل شويه تقولها تعالي سابت البنات يذاكروا براحتهم سماح كانت جايه تذاكر معاهم قابلتها علي السلم.
سماح.....دودو رايحه فين
دره.....اهلا بالمجنونه الرابعه عامله ايه
سماح....بضحك الحمد لله انتي رايحه فين.
دره.....رايحه نقعد مع مها شويه وسيبالكم البيت خالص عشان زهقتوني في عيشتي 
سماح....بضحك احيه عملنا ايه بس
دره....روشتوني توتر الامتحانات طلعتوا عليا فا خدناها من