رواية ابن ليل بقلم اميرة اسامة ج٥

قدام يوسف اللي كان واقف متلجم.
وبكر وراء فطسان من الضحك
ودره مش عارفه ايه اللي بيحصل وواقفه مصدومه ومش بتنطق كانت مجرد متفرجه.
كرم....احممم نبدأ اهم مشهد في العرض بيقولك بقي يا چو افندي
ان يا بخت اللي يعرف يخلع من تحت ايد كرم الرفاعي وانت بختك كان زي قلبك يا جدع
انت عارف بختك زي قلبك يعني ايه يعني بختك اسود ومهبب علي دماغك ان شاء الله ليه بقي قولي ليييييه.
بلع يوسف ريقه وهو باصصله ومش بينطق.
ابتسم كرم وغمزله
كرم....قولتلي ليه هنقولك
اختفت ابتسامه كرم وبصله پغضب اصلك انت وقعت مع واحد اتنين في واحد يعني ايه اتنين في واحد تخيل انت كده انك تقع في ايد دكتور شغال جزار ما هي كده مهنه الجزاره بتخدم علي مهنه الطب ومهنه الطب بتخدم علي الجزاره الاتنين بيعرفوا يشفوا اللحم عن الجلد
وانت بقي مش معاك اي دكتور انت معاك واحد من اكبر جراحين مصر غموله وهو مبتسم قول ماشاء الله وصلي عالنبي في قلبك
ومش بس كده انت معاك جزار اتخن عجل فيكي يا مصر مياخدش في ايده ربع ساعه ثواني وبنخلي العجل اللي كان واقف حوالي 500 كيلو متقطع في شنط سوده وكل حته فيه متشفيه علي اصولها
وانا جاي انهارده اعملك عمليه صغيره اوي عمليه تخليك ماشي تتلفت وراك طول العمر وتفتكر انك جيت في يوم علي دره الجمال وانت بقي مش عارف يعني ايه دره الجمال عند كرم الرفاعي الست اللي انت عملت فيها كل ده تخصني واللي شيطانه يفكر يسوحه علي اللي يخص كرم الرفاعي يبقي دخل الڼار بأيده 
دره قالتلك ان شيطنها كافر وابن حرام
بس أنا بقي بنقولك ان لم حد يزعل دره او يدوس علي طرفها شيطاني بيحضر وانا بقي شيطاني ملهوش مله
كرم.....يابكررررررررررر خرج الحريم عشان ميصحش يطلعوا علي اسرار المړيض
يوسف....اااا انت هتعمل ايه دررررره .
كرم....خليك هادي امال متقلقش معاك دكتور تتلف ايده في حرير بس في مشكله صغيره اوي للأسف نسيت نجيبلك بنج
بس انت دكر وسندال هتستحمل مش كده ولا هتعيط زي المره
واه صحيح عندي عرضين يهمني انك تختار منهم دكتور كرم ميحبش لما يشتغل يشاركه في الشغل صاحب مهنه تانيه
والمعلم كرم لما بيشتغل هو كمان مبيحبش صاحب مهنه تانيه يشاركه فا انت اختار اللي يعملك العمليه البسيطه دي يكون دكتور كرم ولا المعلم كرم
حسن....إبسط يا عم كرم الرفاعي بيضحي و مقدملك احلي عرضين
بس والنبي يا كيرو خدني معاك في العمليه دي وحسب ما الباشا يختار عايز انهي مهنه تقوم بعمليته لو الدكتور كرم هنبقي معاك ممرض ولو المعلم كرم هنبقي أجدعها صبي جزار
كرم....وانا مش هنزعلك ياولا هتساعدني هاااااا اختارت ايه
يوسف.....ااا يا استاذ كرم ارجوك.
كرم...لالا مليش انا في التدريس
يوسف....ارجوك بلاش تهور انا هعمل اللي انتوا عايزينه
كرم....انت كده كده هتعمل اللي دره قالت عليه دي مفيهاش كلام بس العمليه دي كادو ترحيب يعني مني ليك.
يوسف.....ارجوك انا مستعد اعمل اي حاجه الوقت و مش هخليكم تشوفوا وشي تاني ابدا دره ارجوكي قولي حاجه صدقيني هعمل اللي انتي عيزاه بس خليني امشي من هنا.
كرم....انت مش هتمشي من هنا غير وچاك بيقول لدره أمين وكل حاجه رسمي بقت بتاعتها ورجعتلها
يوسف....طيب اضمن منين انك مش هتأذيني بعد ما اعمل اللي دره عيزاه
كرم....والله محدش يقدر يضمن اي حاجه بس عموما انا كلمتي معروفه ضمانها العمر كله مختومه بختم كرم الرفاعي بس جرب تقل عقلك معايا ومتبقاش تزعل
يوسف....انا عايز ضمان اقوي من كلمتك
كرم....يبقي مش هتلاقي يا حيلتها
اجهز يا حسن.
يوسف.....لا لا تمام تمام انا جاهز يا دره قوليلي طلباتك.
دره....اول حاجه تمسك روحك كده وتتلم علي أعصابك شويه
بدل ما انت ھتموت من العرب كده
تاني حاجه هتكلمه وهتقوله كل اللي هنقوله بس الاهم صوتك يبان طبيعي جدا وتقنعه بكل اللي هتقوله ومش بس كده تطمععوا
وتأكد عليه ميقولش حاجه لدينا
اولا هتصل عليه في الوقت ده چاك هيكون طلع المكتب عنده
هتقوله اللي هقوله ده بالحرف 
هتقوله دره هتشتري كل املاكي بمبلغ كبير و تطلب مني انه يبيعلي نصيبك في كل حاجه بصفته ينوب عنك في اي شئ وبصفه ان چاك ينوب عني في كل حاجه هيمضي ويخلص معاه كل حاجه دقايق بسيطه مش هتاخد الوقت و اكيد هيستغرب ويسأل ليه ومش بعيد يشك طبعا انت تشيل الشك ده في لحظه وتطمعوا وتطلب منه انه من بكره ينزل يدور علي مكان اكبر وافخم من اللي كنتوا فيه وتعرفوا ان الشغل اللي جاي اكبر بكتير والاهم تقوله ان دينا متعرفش اي حاجه لحد
ما تروح وتعرف هتعمل ايه معاها
يوسف.....حاضر طيب عايز الموبايل من جيبي
قربت منه دره خطوه بسرعه قبض كرم علي كف ايدها وبصلها وهو حاجبه مرفوع رجعت دره خطوه لوراء وراح علي كرم طلع الموابيل وبصله هتتكلم والصوت مفتوح
يوسف....تمام
كرم....مسجله ايه
يوسف....طوني
جاب كرم اسمه وبص لدره كلمي چاك.
مسكت دره موبايلها واتصلت علي چاك.
چاك.....بلهفه ايوه يا دره
دره....نفذ يا چاك.
چاك.....حالا
قفلت دره وبصت في الساعه هي عارفه مكان مكتب المستشار ومتخيله چاك واقف فين وفضلت تحسب الوقت اللي ممكن چاك يا خده نزل من العربيه راح علي المكتب طلع في الاسنسير ثواني بتمر خرج من الاسانسير ودخل المكتب طلب من السكرتيره انه يدخل لطوني استنت حوالي دقيقه دخل چاك مكتب طوني استنت ثواني كمان يكونوا رحبوا ببعض بصت لكرم وهزت راسها
هز كرم راسه وداس علي الرقم
كرم....اجهز
ثواني ورد طوني.
طوني....هاي چو
يوسف.....هاي طوني
طوني....كنت لسه هكلمك چاك عندي
يوسف....عارف اسمعني كويس يا طوني انا الوقت قاعد مع دره وعملنا مع بعض اتفاق كويس بالنسبالي دره عرضت عليا مبلغ خيالي في مقابل اني ارجعلها كل حاجه وحتي نصيبي هتشرتيه انا خدت منها ربع المبلغ وكل اللي عايزه منك الوقت حالا بالتوكيل اللي معاك چاك هيديلك ورق تمضي عليه كله بصفتك نائب بس اهم حاجه مش عايز دينا تعرف اي حاجه عن كلامي معاك لحد ما اجي واعرف هعمل معاها ايه ومن بكره يا طوني تحاول تشوف مكان يكون مقر للشركه مكان كبير وفخم عايزه يتوسط نيويورك
طوني.....انت متاكد يا چو
يوسف.....ايوه متأكد اعمل اللي بقولك عليه احنا هيحصل في شغلنا نقله كبيره اوي ونش عايز اي شريك معايا حتي لو دينا وطبعا انت هتفضل زي ما انت وهنعمل الشغل مع بعض
طوني.....ايوه بس دي مخاطره
يوسف.....اطمن دره جنبي والاتفاق بيني وبينها ساري خلص الورق و كلمني قولي كله تمام بعدها هاخد باقي المبلغ وانا علي الساعه سته مساءا هكون في الطياره وهعدي عليك تاني يوم في المكتب ونتفق علي اللي هيتعمل كله.
طوني.....طيب اوك هخلص واكلمك
يوسف....اوك في انتظارك
ققل كرم وفضلوا منتظرين وساكتين اكتر من نص ساعه
اتصل چاك علي دره ردت دره بسرعه
دره.....ايوه چاك.
چاك.....بإبتسامه مبروك دره
دره.....بإبتسامه متأكد من صحه الاوراق چاك
چاك...كل حاجه تمام اطمني وكلها كام ساعه وكل الاوراق دي هتتوثق وتبقي مالكه رسميه لكل املاك يوسف بس في حاجه رصيد يوسف في البنك في مبلغ بسيط جدا
دره.....لحظه چاك بصت دره ليوسف پغضب الرصيد اللي في البنك فين
يوسف....بتعب قبل ما اجي علي دبي بيوم كنت عندي سفريه لانجلترا بعمل شغل واكيد چاك عارف حاجه زي دي عشان هو اللي بلغ المستشار لما انا كنت لسه مسافر اني في سفريه شغل وقبل ما اجي علي مصر روحت علي دبي بردوا كنت بخلص شغل فا الحساب مفيهوش غير 100 الف دولار والباقي مله في الشغل واظن انتي الوقت اتعملك تنازل عن كل حاجه يعني حتي الفلوس اللي في الحساب بقت معاكي
دره....تمام تكلم طوني حالا وتقوله يسحب المبلغ ويديه لچاك علي انه اتعاب شغله
يوسف......لا يا دره كده كتير انا كده مش هيبقي معايا حاجه
دره....سمعتني صح انت معايا لحد ما چاك يقولي امين علي كل حاجه
يوسف....حاضر يا دره
دره....ايوه يا چاك خلص باقي التفاصيل مع طوني وطمني
چاك.....كمان كام ساعه هكلمك واكون خلصت كل حاجه
دره....اوك باي چاك
چاك....باي دره.
اتصل يوسف تاني بطوني وقاله يدي المبلغ لچاك اتعابه في شغله معاه ومع دره.
وبعدها قفل وفضلوا مستنين الوقت كان بيمر الكل كان تعبان يوسف خلاص طاقته خلصت محتاج يرتاح حاسس ببرد الناموس والحشرات بيطيروا عليه 
والتلزيق بتاع العسل تعبه
سونه مش قادره وعايزه تنام دره بتقاوم النوم بالعافيه دماغها مش راضيه ترتاح هتتجنن وتعرف ايه اللي عرف كرم وازاي التلاته كانوا عارفين وفي نفس الوقت قررت متسألش غير لما تخلص من الحكايه دي كلها وچاك يطمنها.
سندت سونه راسها علي المكتب وغمضت عينها يوسف نام وهو واقف ودره كمان سندت راسها علي الكرسي
النور طلع والساعه كانت داخله علي عشره الصبح سمعوا فجأه موبايل دره بيرن فتحت دره عينها بسرعه وقامت سونه ويوسف رفع راسه وانتبه.
كرم....ردي بسرعه
دره......ايوه چاك
چاك....بسعاده مبروك يا احلي تلميذه في الدنيا كلها والوقت اقدر اقولك ان حقك رجعلك وبقيت المالكه الرسميه لكل املاك يوسف
دره....بدموع فرحه انت احلي مستشار قانوني في العالم چاك وانا فخوره اني اكون تلميذتك ومن غيرك كل الخطه دي مكانتش هتنفع
چاك....انا اللي فخور بيكي دره ومبسوط عشانك
دره.....طوني ادالك الفلوس
چاك...ايوه وحولتها لحسابك كمان
دره....لا چاك دي بتاعتك انت ولسه ليك تاني ده حقك
چاك.....انا حقي خدته لما قدرت ارجعلك حقك اول مره لما حقك راح كنت عارف اني جزء من المصېبه دي لاني كان لازم اكون مركز اكتر من كده بس انا خدت عهد علي نفسي اني ارجعلك كل حقوقك وقدرت انفذ العهد
دره.....اللي حصل انت مالكش ذنب فيه انا كمان مركزتش ولا خونت حد
چاك.....حتي لو انا مش عايز اي
حاجه دره انا اهم حاجه عندي اشوفك مبسوطه واسمع صوتك بالشكل ده و خلينا في الاهم الوقت ناقص اهم خطوه وهو بيع حقك.
دره.....خليني اكلمك تاني واول ما اقولك تمام نفذ علي طول
چاك.....تمام وانا في انتظارك
دره.....باي چاك
چاك....باي دره.
قفلت دره وبصت لكرم وهي مبتسمه ودموعها نازله
دره.....حقي رجعلي يا كرم
كرم....مبروك يا قلب كرم
بكر وحسن وسونه كانوا باصين عليهم ومبتسمين فرحانين من قلبهم عشان الخطه نجحت وعشان دره رجعلها حقها.
يوسف....بتعب وإرهاق واضح مكانش قادر يفتح عينه بيتهيألي انا كده نفذتلك اللي انتي عيزاني فكوني بقي ومشوني من هنا
كرم....نمشيك ده ايه انت ضيفنا ودي تيجي ياراجل
يوسف....ايه هتعمل فيا ابه انت وعدتني وادتني كلمه
كرم....وانا عندك كلمتي بس الوقت الساعه داخله علي عشره ونص وانت طيارتك الساعه سته يعني بنتكلم في خمس ست ساعات وبما انك هتمشي من هنا غلي المطار عدل ومش معاك شنط ولا اي حاجه تعطلك في المطار فا انت هتوصل المطار علي خمسه وربع وده اخرك معايا وهنوصلك بنفسي كمان.
يوسف....مستحيل