رواية ابن ليل بقلم اميرة اسامة ج٥

عندي كبير اوي صحيح الشده بتقرب الناس من بعض وبتبين معادن الناس.
كرم....احنا موجودين يا عمرو عشان نقف مع بعض ولو انا في مكانك انا واثق انك كنت هتعمل اكتر بكتير من اللي عملته
عمرو.....بعد الشړ عليك ويارب ما تمر باللي انا بمر بيه ابدا وبعيد عن اي حاجه انا ديما هكون معاك ويارب يكون في الحلو وبس.
كرم....يارب يا صاحبي وإن شاء الله تكون اخر الاحزان عايزك بقي تقف علي رجلك وتشوف نفسك وأولادك هما الوقت محتاجينك اكتر من الاول ولازم الحياه تستمر انت مؤمن وموحد

بالله وعارف ده كويس
عمرو.....عارف يا دكتور كرم واللي فيه الخير يقدمه ربنا الحياه اكيد هتمشي بس محتاج وقت
كرم....خد وقتك كله بس اوعي تسيب الحزن يجي عليك او علي ولادك ولازم تتأكد ان والدتك لو كانت عايشه كانت هتقولك كده بنفسها.
عمرو....ربنا يرحمها يارب
كرم....اللهم امين اطمنت علي ياسين خرج من الرعايه
عمرو....اه الحمد لله شوفته وقلبي ارتاح شويه.
كرم....إن شاء الله كلها كام يوم ويخرج معاك ويرجع يطنطط ويملي عليك الدنيا سعاده
عمرو....يارب هي مريم فوق صح
كرم.....لا هما مش هنا كلهم مشيوا الصبح راحوا يرتاحوا شويه انت عارف قعدتهم هنا مفيش منها فايده وست سونه خدت معاها مريم والوقت يرجعوا
عمرو.....دي اكيد جننتها والله مش عارف اقولها ايه
كرم...لا جننتها ولا حاجه مريم ماسكه فيها وخدت عليها وبعدين متقلقش علي سونه هي هتعرف تتعامل معاها اطمن.
عمرو....ربنا يجازيها كل خير هروح اغير وارجع علي طول
كرم....تمام يكونوا رجعوا وتطمن علي مريم
عمرو.....تمام بعد اذنك
كرم....اتفضل.
.............
بعد شويه وصلوا كلهم وطلعوا علي فوق اطمنوا علي الشباب ودخل زكريا ونبيله يطمنوا علي البنات.
زكريا....عاملين ايه الوقت يا بنات
البنات....بخير يا جدو الحمد لله
قرب زكريا من دارين باسها من راسها وسمعها وهي بتهمس.
دارين....بابي بابي انت فين ليه كده يا بابي.
زكريا....لا حول ولا قوة إلا بالله وبعدين يا ناس البت دي هتفضل كده.
عبدالله.....متقلقش عليها يابا هتبقي كويسه.
زكريا....لله الامر من قبل ومن بعد
عبدالله....روح يلا علي هناك عشان الاكل ميبردش وانتوا يا بنات هسيبلكم الاكل هنا دره وسونه هياكلوا معاكم
نبيله ....وانا كمان هنفضل معاهم
عبدالله....طيب اهي ستكم كمان هتاكل هنا يلا بينا يا ابا.
زكريا....يلا يا ابني كلم دره وكرم يجوا بقي قبل ما الفراخ تجلد.
عبدالله.....بكر قال هيكلمهم.
راحوا علي هناك و خدت دعاء منه الاكل وهي و مها طلعوا وجهزوا مع بعض.
رفاعي....البنات عاملين ايه يا زكريا
زكريا.....بخير بس دارين زي ما هي البت من وقت ما طلعت من العمليات وهي بتخترف طول الوقت بأسم أبوها مش عارف نعملوا ايه.
رفاعي.....وانت في ايدك ايه بس يا زكريا وبعدين البت معذوره كان زمانه معاهم الوقت.
زكريا.....انا بنفكر نقول لدره تهدي الدنيا علي الاقل الوقت عشان بنتها وتخلي ابوها حتي يكلمها في التليفون بيتهيألي لو سمعت صوته هتتحسن هي كانت بتقول ان البنات مرتبطين بيه.
نجوي....ما بلاش يا معلم انت عارف ان دره من اخر مره وهي علي اخرها ده يوم ما عرفت ان بنتها ردت عليه انت عارف حصل ايه
مها.....امي معاها حق يابا دره الفتره دي شالت فوق طاقتها بيتهيألي في الظروف اللي فيها دي لو بس سمعت سيرته ھتتجن
زكريا....بس الوقت الوضع مختلف يا جماعه بنتها محتاجه ابوها ومهما كان الاب قاسې ولاده بردوا بيحنوا ليه واكبر دليل ان البت وهي مش في وعيها بتنادي عليه وده اصدق وقت تخرج فيه اللي في قلبها انا صحيح معاشرهم يادوب داخلين علي ثلاث شهور بس قدرت نعرف ان دارين من النوع الكتوم مبتعرفش تقول علي اللي جواها وبحس انها بتضغط علي روحها عشان خاطر امها
دعاء.....ايوه يابا بس تفتكر يعني ان مكالمته ليها هتخليها تقوم تتنطط ده مش بعيد البت تتعب اكتر
زكريا....لا مش هتتعب يا دعاء واه يمكن لما تسمع صوته حالتها تتحسن شويه
بكر.....بص يابا انت طبعا تعرف دره اكتر مننا واكيد عندك علم برد فعلها شوف الصالح فين واعمله وعايز تفاتحها فاتحها بس علي الاقل سيبها تاكل الاول وبعدين قولها انت عارف انها لا بتاكل وبتشرب عدل
مها....صح لو قولتلها حاجه الوقت لا هتاكل ولا هتحط حاجه في بوقها والبت وشها اصفر
زكريا.....لا مش هقولها غير لما تاكل وعلي الله بس هي تفهمني وتسمع مني و متنشفش راسها
رفاعي.....اكيد مش هتنشف راسها ادام ده في مصلحه لبتها واللي عايزه ربنا يكون
زكريا....يارب.
عبدالله....پغضب علي الله بس لو هي وافقت هو يطلع راجل ويرد عليها والله العيال دي خساره فيه
زكريا.....بنقولك ايه مش وقت عصبيتك دي احنا لسه مش عارفين نقنعوا اختك ازاي
بكر.....عبدالله هدي دنيتك شويه مش وقتك كل اللي يهمنا الوقت هي دارين واختك مش ناقصه
عبدالله....مش هننطق خلاص بس يكون في علمكم اي رد فعل دره هتعمله هيكون حقها والواطي ده ميستاهلش ولو هتسمعوا رأيي اللي باع مش هو اللي هيرجع ويداوي اللي يقدر يبيع ضناه

مره مش هيفرق معاه لو باعهم تاني حتي لو كانوا محتاجينه قليل الاصل هيفضل قليل الاصل
بكر......ياجدع اسكت بقي وقفلوا السيره دي الوقت دره وكرم طالعين خلاص.
مها....اه والنبي سيبوها تيجي وتاكل زي باقي مخاليق ربنا 
هيما والشباب كانوا سامعين كلامهم و ساكتين كل واحد فيهم حابب يقول رأيه بس مش قادرين يتدخلوا.
دخلت عليهم سونه .
مها.....ايه يا سونه تعالي
دعاء....مكالتيش ليه يا بت الاكل هيبرد
سونه.....لما تيجي دره انا كنت جايه نشوفها بلبله قالتلي نشوفها عشان تاكل معانا
مها.....يا اختي انا عارفه هنا فين كل ده
دعاء....طيب كلوا وهي جايه عشان البنات جاعوا حرام
سونه.....لا متقلقيش انا حطتلهم اكلهم علي الترابيزات بس بلبله مش راضيه غير لما دره تطلع
مها....والقمر الصغنن ده مكالش ليه
سونه....مش راضيه تاكل غير لما ناكلوا معاها.
عبدالله....اهم طلعوا اخيرا
كرم.....سلام عليكم معلش اتأخرتا بس كنا بنقنع اخينا ده يطلع ياكل لقمه
مريم....بابا
عمرو.....بابتسامه بسيطه حبيبه بابا ايه الحلاوه دي
مريم....شوفت اللبس دي سونه ادتهولي وحمتني وسرحت شعري كمان
عمرو.....تسلم ايدك يا ست سونه مش عارف نودي جمايلك دي كلها فين كلفتي نفسك والله
سونه....جمايل وملفت روحي ايه بس دي هدوم سماح بنتي وهي صغيره شايله كل لبسها ذكري واهو جم بفايده وبعدين متقولش كده دي حاجه بسيطه والله.
عمرو....تسلمي يارب.
رفاعي...ايه يا دكتور مش عايز تطلع تاكل معانا ويبقي عيش وملح
عمرو....لا والله يا حاج ده يشرفني بس صدقني انا طلعت بس عشان دكتور كرم يرضي يطلع وقولت نيجي ناخد مريم شويه
بكر....تاخد ايه وتمشي ايه انت هتاكل معانا انت بخيل ولا ايه
عمرو....لا والله بس بالف هنا صدقني مليش نفس
عبدالله....بنقولك ايه احنا عملنا حسابك وحساب مريم قبلك يعني مش هتاخدها وانت كمان هتقعد تاكل.
زكريا....ادخل يا ابني لازم تاكل الاكل ملهوش دعوه بالحزن ربنا يارب يرحم والدتك بس لازم تاكل عشان تقدر تصلب طولك وتاخد بالك من عيالك.
بص عمرو لمريم بسرعه.
مريم....بإبتسامه بريئه يلا يا بابا كل عشان تيته متزعلش منك سونه قالتلي انها راحت عند ربنا وبتحس بينا ولو عرفت انك مش كلت هتزعل منك.
عارف نقولك ايه انتي شيلتي من علي قلبي هم كبير وحقيقي مكنتش عارف نقولها ايه لو سألت هي وياسين واديكي ريحتيني من اسئله مريم اللي مبنعرفش نرد عليها.
سونه....لا متقلقش مريم شاطره وعارفه كل حاجه وانا وهي اتكلمنا مع بعض وهي فهمتني واتققنا كمان انها متعيطش ولا تزعل وكل ما تفتكرها تدعيلها عشان تجيلها في الحلم صح يا مريم.
مريم.....صح يا سونه
كرم....اهي البت الصغيره طلعت عاقله يلا يا جدع بقي الاكل هيبرد.
نجوي.....اتفضل يا ابني.
عبدالله...تعالي هنا يا دكتور وانت تعالي جنبه يا كرم.
كرم....يلا انا جاي.
سونه....تعالي يلا احنا يا دره عند البنات.
دره.....تمام يلا.
عمرو....تعالي يا مريم
مريم...لا انا هاكل مع سونه مسكتها من ايدها بسرعه.
عمرو....بقي كده يا مريم طيب 
سونه....بابتسامه سيبها براحتها احنا بقينا صحاب خلاص
رفاعي....يعني اطلع منها يا دكتور
عمرو....بإبتسامه خلاص هنطلعوا منها
خرجت دره وسونه ومريم وهما كلوا مع بعض عمرو مكانش ليه نفس ولا قادر ياكل اصلا بس هما مسابوهوش
.............
نبيله....ايه يا دره كل ده
دره....قربت دره باستها من راسها بحب معلش يا امي كنت تحت
نبيله....طيب يلا عشان الفراخ هتبرد يا بنتي انتي مبتحبيش الاكل بارد.
دره....يلا يا حبيبتي.
سونه....محتاجين حاجه يا بنات
دانه....لا يا سونه شكرا يلا كلي انتي وانا بأكل سماح عشان دراعها
سونه.....هتعرفي تاكلي منها يا دانه
دانه...اه متقلقيش باكل وبأكلها يلا كلوا انتوا بقي.
نبيله.....سبيهم هما مع بعض بقي ويلا كلي وطلعي للبت الصغيره اكلها.
سونه....يلا يا مريومه كلي حبيتي.
نبيله....تخلصي اكلك كله يا مريم
مريم....حاضر
دره.....ديما يلا كلي حبيبتي
ديما....باكل يا مامي كلي انتي بقي
دره.....دارين محتاجه حاجه يا روحي
هزت دارين راسها من غير ولا كلمه.
سونه....بصت علي دارين ولمحت الحزن في عين دره غمزتها بهدوء يلا كلي انتي سبيها هي بتاكل متقلقيش عليها
اتنهدت دره وهزت راسها لسونه وبعدين بدأت تاكل هي كمان.
............
بكر....بنقولك يا كرم هما مش المفروض بعد العمليه عموما لازم الواحد يتحرك
كرم....هو مش في كل العمليات احيانا في عمليات مينفعش منها حركه زي الكسور مثلا بس لو بتسأل علي الشباب متقلقش انهارده كنت هقولهم يبدأوا يتحركوا يعني هيما ودارين وسماح لازم انهارده كل شويه كده يتحركوا عشر دقايق ويريحوا
مها.....بس سماح مكسوره
كرم....ايوه الكسر في ايدها مش رجلها ولا ضهرها لا قدر الله او الحوض الحالات دي

مينفعش فيها حركه غير علي الاقل ثلاث شهور.
بكر.....طيب ومحمد يتحرك عادي
كرم....والله ابنك اللي كسلان محدش قاله اقعد
محمد....يعني ينفع اقوم عادي
كرم.....حد ماسكك ما تقوم العمليه في عينك مش في رجلك
عبدالله....طيب شد حيلك يا بطل وبعد ما تاكلوا وتظبطوا نفسكم اتمشوا حبه بلاش القاعده دي.
محمد....ماشي
احمد....طب وانا يا خال انا زهقت من القاعده دي اوي
كرم.....اتحرك يا احمد بس حركه هاديه متتعبكش عشان اي حركه غلط رقبتك هتطول
بكر....انا هنمشيه براحه متقلقش.
زكريا.....طمني علي ابنك يا ابني حالته ايه
عمرو....والله يا حاج الحمد لله علي كل حال طلع من الرعايه انهارده والحمد لله حالته مستقره
زكريا....ربنا يطمنك عليه يارب
عمرو....يارب يا حاج ويطمنكم علي الشباب والبنات
بعد حوالي ربع ساعه كانوا خلصوا اكل
نجوي.....ما تاكل يا ابني انت مكلتش
عمرو......لا والله الحمد لله كلت و شبعت كمان تسلم ايديكم يارب
نجوي....بألف هنا يارب.
عمرو.....هنستأذنكم انا بقي عشان نروح نشوف الشغل وكمان هناخد معايا مريم شويه.
كرم....هتاخدها فين سيبها هنا مش هتعرف تتحرك بيها
عمرو.....عشان نريح منها الست سونه شويه وكمان عشان مريم متحسش اني سايبها.
رفاعي....لا مواخذه يا ابني في السؤال
عمرو....اتفضل يا حاج.
رفاعي....انت ناوي تعمل ايه مع ولادك خصوصا يعني اني عرفت ان والدتهم متوفيه.
عمرو.....بتنهيدة حزن والله يا حاج انا ناوي اشوف مربيه هي مش هتبقي مقيمه معاهم شغلها هيكون من الصبح لحد ما نرجع من شغلي بس طبعا انا لسه انهارده بحاول استوعب اللي حصل بس اكيد من بكره هدور كمان انا محتاج واحده بمواصفات معينه يعني تكون بتقدر تسوق عربيه عشان دروس الولاد