رواية ابن ليل بقلم اميرة اسامة ج٥

وانتي مع حسن.
سونه.....تمام ربنا يستر .
حسن.....اسكتوا بقي لحظه اتصل علي يوسف
يوسف....ايوه يا حسن ايه الاخبار
حسن....باشا انا واقف عالناصيه وبعت رساله لست سونه قالتلي دقايق ونكون عندك انا بعتلك العنوان في رساله شوف بقي عايز تروح قبلنا وتستقبلها بروحك ولا تيجي بعدنا وتعملها مفجأه.
يوسف.....انا هتحرك علي طول الوقت ولما اوصل هستناك تدخل بيهم وبعدين ندخل وراك.
حسن.....طيب تمام ولو وصلت قبلك هنستناك عشان تشيلها معايا انت عارف اني هنرش عليها مخدر.
يوسف....طيب تمام متقلقش ان شاء الله هوصل عالوقت المهم خليك معايا عالخط كل خطوه تعرفني هتعمل ايه.
حسن....تمام اقفل بقي قبل ما يجوا.
يوسف....يلا سلام.
قفل حسن وبص لدره وراء
حسن....براءه انا
دره....تمام يا حسن اتحرك حالا ودقايق وابعتي الرساله يا سونه.
حسن....بكر ورانا علي فكره
دره.....بصت وراها واطمنت تمام يلا هو هيفضل ورانا
دقايق وبعتتله سونه رساله.
سونه......تمام يا باشا العجل باظ والخطه ماشيه تمام واحنا مع الولا اللي بعته في التاكسي
ثواني ورد عليها
يوسف.....تمام يا سونه انا نازل حالا من الفندق وهاجي وراكم توهيها في الكلام مش عايزها تحس بأي حاجه لحد ما حسن يرشلها المخدر.
سونه....تمام.
بصت دره علي رسايله بقرف وبعدين بصت من الشباك وهي في ايدها الورقه والقلم شطبت علي الخطوات اللي اتنفذت وفضلت ساكته.
حست بسونه طبطبت علي دراعها بصتلها وابتسمت بهدوء.
سونه....متقلقيش احنا كلنا معاكي.
دره هزت راسها بهدوء وبصت علي المرايه لقت حسن باصصلها
ابتسمتله وبعدين بصت من الشباك تاني .
رن موبايل حسن لمح اسم بكر رد بسرعه.
حسن.....ايوه يا خال
بكر.....حسن اول يمين هيجيلك ادخل فيه وبعدين هدي شويه وخليني نسبقك وامشي ورايا
حسن....ليه في حاجه
بكر.....لا بس ده طريق اسهل واسرع انا واثق ان هو هياخد الطريق الرئيسي خلينا احنا نوصل قبله مش هو اللي يوصل قبلنا تمام
حسن.....تمام يا خال.
دره....في حاجه
حسن....لا وصفلي طريق اسهل وهو هيسبق ونمشي وراه عايزنا نوصل احنا قبله.
دره....تمام اعمل اللي قالك عليه.
مسكت دره موبايلها وبعتت رساله لچاك.
دره.....چاك خليك جاهز اول ما اقولك أبدأ تبدأ.
چاك.....جاهز ومستعد ومستني الاشاره
دره....اوك چاك.
چاك....بليز دره أرجوكي خدي بالك من نفسك
دره.....متقلقش چاك تلميذتك هتجيب إمتياز مع مرتبة الشرف
ابتسم چاك اول ما شاف رسالتها الاخيره وكان واثق انها هتقدر
..............
بعد حوالي نص ساعه طلبت دره من بكر انه يتصل بكرم يقوله انه اتحرك
ويورحله علي المكان اللي اتفقوا غليه ويستناه وبعدين يقفل الموبايل
عمل بكر زي ما قالت وبعدين قفل الموبايل وبقي مركز معاهم في الطريق عشان لو احتاجوا يقولوا اي حاجه لان موبايله هيقفله.
عدت كمان 35 دقيقه واخيرا وصلوا المكان وقفوا من بعيد وسبقهم بكر ومشي بالعربيه بكل هدوء عشان يتأكد انه موصلش وكله تمام ولما حس ان الدنيا هاديه نور بكشاف العربيه مرتين
عشان يقولهم يجوا دور حسن العربيه وراح عليه نزل بكر فتح بوابه حديد بسرعه ودخل حسن بالعربيه ووراه بكر وراح بكر في مكان في المزرعه ركن العربيه عشان متبقاش ظاهره
ودخلوا علي المخزن فتح النور بسرعه وجاب كرسي وبعدين بص لدره
بكر.....ايه يا دره بيتهيألي جه الوقت نعرف باقي الخطه
دره....سونه اقفي علي باب المخزن المحي اي عربيه جايه من بعيد عرفينا وانت يا حسن امسك الازازه دي.
حسن....ايه دي 
دره....ده المفروض انه المخدر يا ذكي وانت يابكر هتمسك موبايلي ده انا عملاه وضع طيران بس عيزاك تصور كل حاجه هتحصل وانت بعيد.
بكر....طب وانتي هتعملي ايه يعني المفروض تكوني مربوطه او نايمه علي الارض بسبب المخدر اي حاجه عشان يصدق
دره....اعمل انت بس اللي قولتلك عليه ويلا اختفي وانت يا حسن انت وسونه لحد ما يوسف يبقي تحت ايدي انتوا معاه مش معايا
التمثيل بتاعكم اللي فات كوم واللي جاي كوم تاني
حسن....تمام يا دره.
سونه....من بعيد وهي واقفه علي باب المخزن تمام يا دره ربنا يستر .
بكر....طب ايه انا كل شغلتي اني نمسك الموبايل ونصور انا مش فاهم حاجه يا دره رسيني.
دره كانت سمعاه لكن عينها علي المكان بتركيز
دره.....حلو العمود اللي هناك ده.
بكر.....بإستغراب نعم ايه عيزاني نصورك جنبه مش وقته الله يباركلك.
دره.....بصتله پغضب بسيط تصورني ايه احنا هنهزر يا بكر تعالي معايا
بكر.....حاضر لما نشوف اخرتها
راحت دره جنب العمود الخشب وطلعت من شنطتها اللي علي وسطها حبل صغير ومدت ايدها لبكر.
بكر.....نعم
دره....اربطني
بكر.....اربطك انتي بتهزري صح وانا اللي قولت هتختفي واول ما يدخل تيجي انتي. من وراه
دره.....انت هتربطني بس انت اللي هتختفي وتيجي من وراه 
بكر.....وبعدين.
دره.....هتمسك ده
بكر.....ايه ده 
بكر.....فاهمك تمام بس نجرب حتي
دره....تمام هتحط صباعك هنا تدوس كده وبسرعه تشيل ايدك هو هيفقد وعيه بسرعه بس زي ما قولتلك في المكان ده يا بكر.
بكر.....طيب تمام وبعدها نبقي نشوف حكايه التصوير دي هات بقي الموبايل لحظه افتحه احسن كرم يتصل عليا.
فتحت دره الموبايل واول ما فتحت جالها اشعار ان كرم اتصل مرتين اتصلت عليه بسرعه.
كرم.....ايه يا حبيبي موبايلك ماله
دره....كان فاضل شحن مخدتش بالي انت فين.
كرم....انا كنت بنكلمك عشان نقولك اني رايح مشوار مع بكر
دره....طيب تمام يا روحي انا هنام شويه ولما ترجع ابقي كلمني.
كرم....اوك يا حبيبي اشحني موبايلك بقي
دره....حاضر يلا باي
كرم....باي.
مسكت دره موبايلها وقفلته تاني واديته لبكر.
دره....كرم عارف اني نايمه خليه معاك وزي ما قولتلك تمام
بكر.....تمام.
دره....اختفي بسرعه وركز معانا من بعيد توقيت دخولك بعد دخوله مهم يا بكر.
بكر.....اطمني.
دره....حسن اتصل عليه وشوفه فين وعرفه انك وصلت وكله تمام.
حسن.....تمام
اتصل حسن عليه رد يوسف بسرعه.
يوسف....ايوه يا حسن انت فين
حسن....انت اللي فين يا باشا انا وصلت انا وست سونه وكله تمام
يوسف....ودره
حسن.....دره مين مرات سعادتك
يوسف....امال مرات الجيران ما تصحصح با حسن
حسن....معلش يا باشا اول مره حضرتك تقول اسمها متقلقش معانا خدرتها والوقت رابطها وكله تمام.
يوسف....طيب تمام انا تقريبا قربت
حسن....هو الطريق زحمه ولا ايه
يوسف....يعني شويه اه بس خلاص داخل عليك يعني عشر دقايق ربع ساعه بالكتير.
حسن....في انتظارك يا باشا سلام.
قفل حسن وبصلها كانت سامعه طبعا كل حاجه عشان حسن فاتح الاسبيكر.
دره....حسن انت وسونه اخرجوا علي بره استنوه يلا
حسن....تمام يلا يا سونه.
خرجوا وسابوها مسكت حبل ربطت فيه وسطها علي العمود وطلبت من بكر يربطلها ايدها من وراء. وبعدين شاف مكان كويس وقف فيه من غير ما يكون لين اي اثر.
فضلت دره ساكته بتحاول تسيطر علي ضربات قلبها غمضت عينها وفضلت تفتكر كلام كرم.
عايزه تكسبي اي حرب لازم تكوني مقاتله دوسي علي خۏفك وتوترك وقلقك وحطي قدامك هدفك
خدت دره نفس عميق وبعدين فتحت عينها علي صوت بكر.
بكر.....دره انتي كويسه
دره......عمري ما كنت كويسه قد انهارده يا بكر يمكن انا عارفه انا هعمل ايه كويس وعارفه كمان اني هنقدر بس لأسوء الظروف يا بكر لو حصل عكس توقعاتي و جرالي اي حاجه اوعي يا بكر تخلي حاجه تحصل لحسن وسونه وانت كمان احميهم يا بكر وخرجهم من هنا بخير الشنطه اللي ادتهالك لما هتفتحها هتلاقي وسط الادوات الطبيه سکينه خليها معاك لو يوسف عمل فيا حاجه ولو حسيت ان مفيش قدامك غير المۏت اقتله يا بكر امسح بصماتك وحط في ايدي السکينه وامشوا ووقتها هيبقي دفاع عن النفس ومتنساش تحط المفتاح بتاع المخزن في شنطتي واي حاجه تحصل هتفهم مها كل حاجه وتقولها لو الموضوع وصل للشرطه تقول اني كنت عندها قبلها بيوم والمفاتيح كانت موجوده عالتربيزه وبعدها اختفت عشان
يتأكدوا اني خدتها من وراها وتقولهم ان اسألتي يومها كانت غريبه واني فضلت نسألها ايه المفاتيح دي كلها وهي عرفتني وفي مكان بالتحديد سألتها عنه وقالتلي مكانه وانها مزرعه من الاخر يا بكر تظبط حوار مع مها يطلع الكل براءه من اي حاجه وتعرف البنات اني بحبهم وانهم اهم حاجه في حياتي قولهم يسامحوني هما وامي وابويا وعبدالله وكرم يا بكر
قول لكرم اني محبتش في الدنيا قده واني كنت نفسي نقفل صفحه يوسف بطريقتي حتي لو مكملتش زي ما انا عايزه و قوله يسامحني
بكر......دره انتي بتقلقيني ليه وليه كل الكلام ده
دره....اعتبرها وصيه يا بكر لو جرالي حاجه نفذها ولو خرجنا من هنا زي ما جينا والخطه اتنفذت انسي اي كلام قولته
بكر.....هنخرج يا دره ومش هنخرج من غيرك انتي فاهمه انا قولتلك من بدايه ما حكتيلي اني معاكي للمۏت انتي امانه كرم اللي لازم ترجعله وهترجعله يا دره
دره....بابتسامه هنرجع يا بكر متقلقش بس كان لازم اقولك الكلمتين دول عشان لو القدر قرر ان الخطه متنجحش
بكر....هتنجح وهتخرجي من هنا وانتي معاكي حقك تمام يا دره وبطلي بقي الكلام ده بدل ما نسمعك ربع حافظه من مها.
ضحكت دره وبصتله من بعيد
دره.....متستعجلش علي الربع يا خويا كلنا هنسمعه لما نرجع.
قربت سونه بسرعه من المخزن
سونه....دره وصل وصل
هزت دره راسها وخرجت سونه تاني بسرعه علي بره
دره....اجهز يا بكر
بكر..... جاهز.
الصمت عم المكان ونزلت دره راسها عشان تعمل انها مټخدره.
في الخارج ..
حسن كان شايف العربيه اللي فيها يوسف بتقرب وعينه علي الطريق وراه عايز يعرف معاه حد ولا لا
حتي سونه كانت بتبص شمال ويمين جواها توتر فظيع لكن حاولت تتماسك.
قرب منهم يوسف نزل وقال للسواق يستناه.
يوسف.....ايه الاخبار يا ابو علي
حسن....كله تمام يا باشا
يوسف....اخبارك يا ست سونه
سونه.....بخير الحمد لله.
يوسف....لحسن ايه لسه مفاقتش
حسن....سايبلك الطلعه دي يا باشا بس بنقولك ايه
يوسف....قول يا حسن.
حسن.....هو يعني. جنابك قولت للراجل ده يستناك ليه
يوسف....عشان يبقي يرجعني
حسن....طب ما انا هرجعك معايا يا باشا. بعدين متآخذنيش انا من رأيي انه يمشي افرض الست اللي جوه دي لما فاقت صوتها علي صړخت عملت اي حاجه المكان هنا بيعمل صدي صوت جامد وممكن نروح في داهيه فا بيتهيألي احنا التلاته كفايه.
يوسف....امممم معاك حق طيب تمام لحظه
طلع يوسف فلوس من جيبه وراح للسواق حاسبه وقاله يمشي ورجع تاني قرب منهم وفتح شنطه خرج منها شنطتين
يوسف....ابو علي ده باقي حقك اللي اتفقنا عليه وفوقهم مبلغ لزوم تأجير المكان والتاكسي
حسن....حقاني يا باشا بس ده كتير والله
يوسف.....مش كتير عليك يا حسن انت عملت معايا خدمه كبيره وده نصيبك تستاهل كل خير
حسن....بفرحه مصطنعه تسلم يا باشا خدامك.
يوسف...وده ليكي يا ست سونه
سونه....يا باشا انا قولتلك من الاول اني مش عابزه فلوس وانت عارف انا بنساعدك ليه
يوسف....وانا قولتلك اعتبري المبلغ ده هديه عربون محبه اعتبريه اي حاجه بس لازم تاخديه تمام يلا شيلي
سونه.....من يد ما نعدمها يا باشا بس زي ما اتفقنا لما تفوقها هنعمل اني اتخدرت زيها واللي معاك هو حسن بس عشان بعد الليله دي كلها ما تخلص محدش يجي يتهمني بخطڤها
يوسف....اطمني علي اتفاقنا يلا بينا.
حسن.....يلا يا باشا.
مشيوا خطوتين بإتجاه المخزن
يوسف....بابتسامه لسونه وبعدين مالك متوتره ليه
سونه.....الحوار كله يوتر ياباشا اول مره نعمل حاجه زي دي وكملت بهمس وبعدين يعني متآخذنيش انا خۏفت من الولا ده
يوسف....ليه 
سونه....يعني واقفه معاه في مكان مقطوع وبطولي وانت اتأخرت
يوسف.....بضحك لا