بقلم فاطيما يوسف نبض الۏجع

دايما تعرفي انك كنتي في بالي النهاردة وأنا بصلي الفجر مش عارف بعد ماأديت الصلاة لقيتك جيتي على بالي 
فحقا يالك من رجل ماهر تعرف تجذب أي أنثى في الحديث تنتقى الأسلوب الذي يليق مع كل امرأة فرفعت أنظارها وهي تردد باندهاش
ايه ده هو إنت بتصلي والفجر كمان !
لم يندهش من سؤالها فهو قد توقعه بقدر ما لفت انتباهه نظرتها المندهشة والمغلفة بالإعجاب وها هو استطاع جذب انتباهها وأجابها
هو أنا مش مسلم زيي زيك والصلاة فرض عليا وهي دي اللي بتفرقني عن الكافر !
واسترسل حديثه وهو يدافع عن حاله أمامها 
إنتي ليه واخدة فكرة عني اني وحش وبتاع سكر وبنات دي الفكرة العامة اللي واخداها عن اي فنان عموما 
لم تعرف ماذا تجيبه فهي لم تريد الانخراط معه في الحديث ولكنها منذ يومان رأت فيديو له بمحض الصدفة وهو يلقي أغنيته الأخيرة وكانت معه إحداهن فانتابها الفضول وشاهدت المقطع ولم يخلف ظنها كحديثه ذلك وهتفت بما رأته عيناها بوضوح علها تكسب ثوابا من باب الأمر بالمعروف والنهي عن المنكر
سبحان الله كلامك عكس أفعالك يعني من يومين وأني بقلب عادي في watch it لقيتك في الفيديو وياك بنات وبتلمسهم عادي وبتقرب منهم والحركات اللي بتحصل في الفيديو كليب المعروفة من المطربين كلهم 
انفرجت أساريره لأنها أعلنت أمامه أنها تراه وتأتي بمقاطعه وتشاهدها وردد مدافعا عن حاله 
إيه علاقة إني بصلي وبأدي عباداتي بالشغل دي نقرة ودي نقرة 
استفزها بكلامه ونطقت برفض
هو اي شغل يجيب فلوس كتيير يبقي حلال !
إنك تلمس بنت وايدك تبقي في ايديها وممكن كمان تبقي في حضڼ  
وكادت أن تكمل كلماتها إلا أنها سكتت خجلا مما كانت ستردده فأكمل هو بدلا عنها
مكملتيش كلامك ليه قصدك بيبقوا معايا في أوضاع بالنسبة لك حرام بس ده شغل وكمان تمثيل يعني مش حقيقي مش بيبقي في مشاعر ايه المشكلة في كدة ده شغل زي أي شغل عادي جدا 
لم يعجبها كلامه ولا أسبابه التي لاتمت بصلة للدين الإسلامي وتحدثت بكل وقار 
إنت حافظ مش فاهم على فكرة 
اندهشت ملامحه وهي رأت ذلك ولكن أكملت حديثها بتأدب 
يعني التمثيل حلال أصلا في وجهة نظرك 
يعني أنك تلمس ست وتستحل النظرة والكلمة والقرب منها وتقول تمثيل ده بالنسبة لك عادى وترجع بعد إكده من سهراتك تصلي وتأدي فرض ربنا وتقول دي نقرة ودي نقرة !
شعر بالراحة اجتاحت أوصاله وتسللت إلي قلبه هدوئها في الحديث رزقه السکينة كلامها وتعبيراتها المعترضة لم تكن فيها نظرة الاحتقار أو الكبر لم تكن من المجادلين في الحديث والمتعصبين لرأيهم ولكنه مقتنع أنه لن يفعل خطأ وبرر لها أسبابه 
يعني الدكتور اللي بيكشف علي المړيضة وبيلمسها وبتنكشف قدامه ده مش حرام 
كل مهنة ليها أسبابها وليها خطواتها اللي متنفعش إلا بيها 
أخذت نفسا عميقا ولم تعرف كيف تجيبه كي تقنعه ان الطبيب غير المغني ولكن أكملت حديثها علها تخرجه من ذاك الطريق أو تكون نورا تهدى به إلي الطريق الحق
هو الدكتور زي المطرب ! الدكتور قاسم اليمين أنه ميبصش على المړيضة ولا يحل لنفسه يلمسها لمسة حرام انت متخيل قسم اليمين على كتاب الله ده يعني ايه 
ومش معنى كلامي إن كل دكتور شريف في مهنته لاا كل مهنة فيها إللي بيراعي ربنا في مهنته وفي اللي بيخالف ضميره وربنا طبعا شاهد ومطلع وكل حاجة بتتسجل عند ربنا سبحانه وتعالى فلازم الإنسان يروح له صحيفته نضيفة 
ردد بكلمات خرجت بتلقائية من شفتيه 
إنتي جميلة أوي يامكة عاملة زي الملاك اللي بينزل من السما يهدي العاصي 
استمعت أذناها إلى همسه ولأول مرة يغازلها رجل ولأول مرة تشعر بالخۏف والسعادة في آن واحد واحمر وجهها خجلا من تحت نقابها وأصبحت تجلس على الكرسي في حالة تتعجب لها أنقذتها هند بقدومها وهي تردد 
معلش اتأخرت عليكي حبيبتى يالا نبدأ حالا 
ثم نظرت إلى أخيها قائلة 
ممكن بقي تقوم يافنان تتابع شغل المحطة والأوراق اللي عايزة تتمضي ولا ايه 
أخرجته شقيقته من حالة التيهة وود ان يمسك رقبتها ويختن قها لأنها ستجعله يفارق تلك الجلسة المحببة إلى قلبه ولكن استأذن منهما ومنها بالتحديد
حاضر هروح حالا ممكن نبقي نتكلم تاني لأن كلامك أثر فيا وحابب توضح لي وجهة نظرك أكتر 
انحرجت من طلبه الذي فاجأها به وأجابته 
اني مش باجي اهنه كتييير هي مرة واحدة في الأسبوع بس لو احتجت اي استفسار ممكن تبعته للأستاذة هند وهي تبلغه لي وأنا هبعت لها الرد 
لم يريد تلك الإجابة ولم يعجبه ردها الذي حطم آماله في طريق الوصول إليها ولكن سيصبر فالمع ركة تستحق فهي أعجبته وأحبها ومن الواضح أنها لن تشعر بمحبته
لها إلي الآن ولكن سيفعل قصارى جهده إلي أن يمتلك قلبها وأشار برأسه بموافقة وألقى سلامه